Урок беларускай мовы ў 2 класе "Падзел слова на склады"

Тэма. Падзел слова на склады.

Задачы:

- ўдакладненне ўяўлення пра склад як частку слова, пра складаўтваральную ролю галосных у слове, вучыць вызначаць колькасць складоў у слове;

- развіццё ўмення дзяліць словы на склады;

- выхоўванне любові да роднай мовы, узбагачэнне слоўнікавага запасу вучняў на тэму “Школа”

Ход урока

I. Арганізацыйны момант.

Стварэнне эмацыянальнага настрою.

- Пачынаем урок. Не забывайце, што вам трэба прыгожа і граматна пісаць, уважліва слухаць настаўніка, дапамагаць адзін аднаму.

- Праверым, ці ўсё падрыхтавана да ўрока. Я называю прадметы, а вы дакранаецеся да іх: падручнік, сшытак, ручка, просты аловак. І, безумоўна, з вамі павінны быць добры настрой і прыемная ўсмешка!

Паглядзіце адзін на аднаго і падарыце ўсмешку свайму суседу, падарыце ўсмешку гасцям, падарыце ўсмешку мне. Я прапаную вам для працы дэвіз: «Не памыляецца толькі той, хто нічога не робіць».

II. Чыстапісанне.

Прачытайце літары.

н р а д т в з к п

- Якая літара лішняя? (А).

- Чаму? (Літара а галосная, а астатнія літары зычныя).

На хвілінцы чыстапісання будзем пісаць маленькую літару а.

- Што вы ведаеце пра літару а?

Сёння на ўроку ў цэнтры ўвагі ў нас з вамі будзе галосная.

III. Актуалізацыя ведаў, уменняў і навыкаў.

• Каб даведацца якія словы будзем запісваць на другім радку, вам неабходна адгадаць загадкі: (словы запісаны на дошцы, закрыты паперай)

1. Знаю ўсё і ўсіх вучу,

А сама заўжды маўчу. (Кніга.)

1. Ён - для ручак дом,

Мы шчасліва там жывём –

Гумка новая, фламастар,

Маляваць вялікі майстар.

(Пенал)

1. Палачка цудоўная,

Колерам няроўная.

Трэба толькі ў рукі ўзяць,

Пачынае маляваць. (Аловак.)

1. Як называецца стол для заняткаў. (Парта)

• На якую тэму ўсе словы?

• Запішыце словы ў сшыткі.

• Пастаўце націск у словах. На які склад падае націск?

• Падкрэсліце галосныя літары.

• Якое слова “лішняе”? Чаму?

(падказка: колькі галосных літар у кожным слове?)

На дошцы малюнак “Дзеці і-дуць у школу”

• Складзіце сказ па малюнку. Схема сказа.

АЦЭНЬВАННЕ РАБОТЫ

IV. Пастаноўка вучэбнай задачы.

• Як вы лічыце, пра што мы сёння на ўроку будзем гаварыць? (склад)

• - На ўроку мы з вамі будзем (развіваць уменні) дзяліць словы на склады.

• Як вызначыць колькі ў слове складоў?

• Давайце праверым ці правільна мы з вамі гаварылі. Адгарніце падручнік с. 32, прачытайце правіла. ( 1 вучань, які лепш чытае)

• Што новага вы даведаліся, пра што мы не сказалі? (колькі ў слове галосных, столькі і складоў)

V. Першаснае замацаванне.

Работа з сігнальнымі карткамі.

1. На дошцы запісаны словы:

Клас, сшытак, дошка, ручка, стол, школа, вучаніца, дырэктар.

Вучні па чарзе падыходзяць да дошкі, падкрэсліваюць літару, якая абазначае галосны гук, называюць колькасць складоў.

1. Работа з падручнікам.

Пр. 66, с. 33

Прачытайце словы. Колькі складоў у кожным слове?

Запішыце словы, падзяляючы на склады.

У-нуч-ка, дзя-ду-ля, цёт-ка, ся стра, сын, брат, ба-бу-ля, дач-ка.

VI. Фізхвілінка.

“Перасадкі”. Настаўнік называе слова, а вучні падлічваюць колькасць складоў. Хто правільна называе, той перасаджваецца.

VII. Самастойная работа.

1 узровень (Вова, Саша )

- выпісаць слова ў 3 слупкі: у першы - аднаскладовыя, у другі - двухскладовыя, у трэці - трохскладовыя.

Кіт, сякера, мост, аловак, аўтобус, рак, піла, галубы, верабей, тыгр, конь, рама, шарык, барабан, стол, папугай, слон, ластаўка.

2 узровень (Максім, Жэня)

- запісаць словы ў сшытак, аднавіўшы правільны парадак складоў:

РО-СА-КА, БА-СА-КА, МІК-ДО, БА-БУЛЬ, ЛЁТ-СА-МА, ВОД-ЗА .

3 узровень (Насця, Аліна, Дзяніс)

– пад кіраўніцтвам настаўніка.

Пр. 67 с. 33

Змяніце словы так, каб у іх было па два склады. Запішыце. Падкрэсліце літары, якія абазначаюць галосныя гукі.

Нож – нажы, куст – кусты, луг – лугі, сад – сады, дом – дамы.

Праверка і ацэньванне.

1. Практыкаванне “Цягнік” (работа ў групах)

• Для выканання наступнага задання вы будзеце працаваць у групах.

1рад – 1 група, 2 рад – 2 група.

• Да дошкі прымацаваны цягнік з вагонамі, вам неабходна размясціць словы так, каб колькасць складоў адпавядала нумару вагона.

(словы-карткі размешчаны па ўсім класе: бабуля, мора, галава, мова, вёска, вочы,малюнак, бяроза )

1 група шукае пасажыраў 2 вагона, а другая група – 3-га вагона.

VШ Тэст “+ ці -”, так ці не.

Я буду чытаць сказы, калі вы згодны з выказваннем, то ставіце “+”, калі не згодны “-”

1. У слове столькі складоў, сколькі галосных гукаў. (+)

2. Склады ўтвараюць зычныя гукі. (-)

3. У слове “стол” 1 склад. (+)

4. Каб палічыць склады ў слове, трэба палічыць усе літары. (-)

5. У слове “настаўнік” 2 склады. (-)

Узаемаправерка задання. Ацэньванне (крытэрый -правільнасць)

X. Вынік.

- Як вызначыць колькасцьскладоў у слове?

XI. Рэфлексія.

- Мне падабалася, як вы вялі сябе на ўроку, як працавалі. А як вы адчувалі сябе на ўроку?

- Якое заданне было самым цяжкім?

- А самым цікавым?

- Што новага вы даведаліся?

- Што навучыліся рабіць?

- Ацаніце сваю работу на ўроку. Прадоўжыце сказ.

*На ўроку я працаваў……..

*Сваёй працай на ўроку я ……

*За ўрок я …..

Дамашняе заданне.

Пр. 68, с. 33

Прачытайце словы і запішыце іх. Зверху над словамі лічбай абазначце колькасць складоў.

Я ўспомніў…

Мне спадабалася…

Трэба папрацаваць над…