Урок крымскотатарского языка в группе 5-6 классы. Тема урока : Повторение. Части речи: Имя существительное, имя прилагательное.

Крымскотатарский язык. Группа: 5-6 классы.

Тема: Повторение. Части речи: Имя существительное, имя прилагательное.

Мевзу: Сёз чешитлери: исим, фииль, сыфат, замир, сайы. Тапмаджалар.

Макъсат: талебелерге сёз чешитлери акъкъында малюмат бермек, оларнынъ грамматик аляметлеринен таныштырмакъ; джумледе сёз чешитлерини бельгилемек, нуткъуларында догъру къулланмакъ; халкъ агъыз яратыджылыгъынынъ тапмаджалар жанрынен таныш этмек; нуткъуларыны зенгинлештирмек.

Дерснинъ теминаты: кузь мевсимини тасвирлеген репродукциялар, тапмаджалар язылгъан плакатлар, схемалар, вазифелер, мевзу боюнджа джедвеллер, карточкалар, слайд.

Дерснинъ кетишаты:

1. Тешкилий къысым .

2. Дерснинъ макъсадыны анълатув.

3. Мевзу устюнде иш.

1. 4-нджи сыныфта сёз чешитлери акъкъында алгъан бильгилерини текрарлав.

Суаллерге джевап берюв. (Фронталь сорав).

1) Къырымтатар тилинде насыл сёз чешитлери бар?

2) Исимлер нени бильдире, насыл суаллерге джевап берелер?

3) Фииллер нени бильдирелер, насыл суаллерге джевап берелер?

4) Сыфатлар нени бильдирелер, насыл суаллерге джевап берелер?

5) Насыл сёзлерге биз замир деймиз? Мисаллер кетиринъиз.

6) Сайылар насыл суаллерге джевап берелер?

1. Кузь акъкъында шиирни оджа окъуй.

Бу не вакъыт ола?

Сарылы-аллы эр якълар,

Тёкюлелер япракълар,

Кунеш шавлесин сакълар,

Окюнип булут агълар.

Джыйыла эп мейвалар,

Сарарып сола япракълар,

Ягъа сувукъ ягъмурлар,

Учып кете турналар.

- Йылнынъ насыл мевсими бу шиирде тасвирлене? (Кузь мевсими).

1. Мейвалар толу сепетнинъ ресими узеринде иш.

Бу емишлер адий дегиль:

олар тылсымлы –

эписининъ ичлеринде вазифе толу.

Сепеттеки мейваларнынъ

адларыны айтынъыз.

Оларнынъ адларына

не? суалини къоюнъыз.

Талебелер мейваларнынъ адларыны айталар.

Оджа:

- Ким? Не? суаллерге джевап берген сёзлер насыл сёз чешити сайылалар?

1. Дефтерде иш.

Мейвалар (не?): алма, армут, айва, юзюм.

Алма (насыл?): дюльбер, къырмызы, татлы, балабан.

Армут (насыл?): сары, йымшакъ, баллы, лезетли.

Оджа:

- Насыл сёз чешити предметлернинъ аляметини бильдире?

1. Оджа:

- Балалар, сепетте къач алма бар?

- Къач дане армут бар?

- Предметлернинъ микъдарыны бильдирген сёзлерге насыл сёз чешити дейлер?

1. Тахтада тапмаджалар язылгъан.

1. Беш догъмушкъа бир тончыкъ.

2. Эки къуюм бар, эки тюрлю суву бар.

Вазифе: 1. Тапмаджанынъ джевабыны тапынъыз.

2. Насыл сёзлер микъдарни бильдирелер?

3. Бу сёзлер насыл суальге джевап берелер?

Карточкаларнен иш алып барув.

1. Раатлыкъ дакъикъасы.

- Бу эллер кимнинъ? - Бу эллер меним.

- Бу кунеш кимнинъ? - Бу кунеш бизим.

- Бу топракъ кимнинъ? - Бу топракъ бизим.

- Бу денъиз кимнинъ? - Бу денъиз бизим.

- Бу дагълар кимнинъ? - Бу дагълар бизим.

- Бу Ватан кимнинъ? - Бу Ватан бизим!

1. Пекитюв.

1. Ракъамлы диктант.

1 – исим, 2 – филь, 3 – сыфат, 4 – замир, 5 – сайы.

Кунеш, сары, он беш, учмакъ, сиз, салкъын, булут, ешиль, секиз, олар, тереклер, тазе.

Чифтнен иш.

(Талебелер дефтерлеринен денъишип, ишлерни тешкерелер. Бир талебе джевапларны тахтада яза.)

1. Икяе тизюв (дефтерлерде иш).

Талебелерге сёзлер язылгъан карточкалар даркъатыла.

Кузь

Алтын кузь кельди. Сабалары ава салкъын ола. Авада сары, къырмызы япракълар учушалар. Багъчада емишлер пишти. Сыкъ-сыкъ ягъмур ягъа.

Вазифе: джумлелерде сёзлер насыл сёз чешитине аит олгъаныны бельгиленъиз.

1. Умумийлештирюв

Насыл сёз чешитлери устюнде чалыштыкъ?

1. Дерснинъ нетиджелери

Талебелерни баалав.

Эвге вазифе: 27-иш; «Кузь» мевзусында икяечикни китапчыкъ шекилинде япып ренкли ресимлернен донатмакъ.