Урок. Паэзія ў прозе і проза ў паэзіі

Тэма: “Паэзія ў прозе і проза ў паэзіі”

Прачытаць уступны артыкул падручніка “Паэзія ў прозе і проза ў паэзіі”. У дапамогу фрагмент відэаўрока (https://www.youtube.com/ ). Адказаць на пытанні на с.162 вусна.

У канспект па літаратуры запішыце азначэнні паняццяў “Свабодны верш”, “Вершы ў прозе”, вывучыце.

Выканайце заданні:

Заданне 1. Знайдзіце ў тэксце асаблівасці лірычнай прозы.

Я чую. ...Я чую, як шуміць вецер, як раз-маўляюць вясною ручаі, як крычаць кнігаўкі, што прыляцелі на паплавы і лугі. Я чую шэпт першых лісцяў, гарачы, добразычлівы шэпт аб тым, што вось як прыгожа вакол... Калі і як такое са мною здарылася — я і сам сказаць не магу. Але ж зда-рылася! За доўгія месяцы ўпартай вучобы і працы! Нічога як быццам не адбылося асаблівага, і рап-там усё ўварвалася ў вушы.

Нібы мяне закружыла ў радаснай прыгажосці жыцця.

М. Лупсякоў. “Мэры Кэт”

• Якія пачуцці перажывае герой?

• Ці можна ўрывак назваць вершам у прозе? Абгрунтуйце свой адказ.

Заданне 2. Параўнайце ўрыўкі. Чым яны падобны?

А зіма! А першы снег! А іней на дрэвах і лёд на рацэ! I конь, запрэжаны ў сані, што імчыцца некуды далёка па дарозе!

М. Лупсякоў. “Мэры Кэт”

Здароў, марозны, звонкі вечар!

Здароў, скрыпучы, мяккі снег!

Мяцель не вее, сціхнуў вецер,

I волен лёгкіх санак бег.

М.Багдановіч. “Зімой”