Вешенка или висячий гриб

“ ԵՐԻՏԱՍԱՐԴ ԳԻՏՆԱԿԱՆՆԵՐԻ ՄԻԱՎՈՐՈՒՄԸ” ԵՎ “ԿԵՆՍԱՔԻՄԻԿՈՍՆԵՐԻ ՀԱՅԿԱԿԱՆ ԱՍՈՑԻԱՑԻԱՆ” Հ

“ Կենսաքիմիան իմ մասնագիտությունն է”

ՀՀ ԳԱԱ Հ. Բունիաթյանի անվան կենսաքիմիայի ինստիտուտ

Թեմա՝ Pleurotus ostreatus-ի պտղամարմնից կատարել ցանքս համապատասխան սննդամիջավայրի վրա

Թագավորություն ` ՍՈՒՆԿ

Բաժին ` ԲԱԶԻԴԻՈՄԻՑԵՏՆԵՐ

Դաս ` ԱԳԱՐՈՄԻՑԵՏՆԵՐ

Կարգ ` ԱԳԱՐԻԿ

Ընտանիք `ԿԱԽԱՍՈՒՆԿ

Տիպ` ԿԱԽԱՍՈՒՆԿ

Տեսակ ` ՍՈՎՈՐԱԿԱՆ ԿԱԽԱՍՈՒՆԿ

/Pleurotus ostreatus /

Արտաքին տեսքը

Կախասունկը բավականին խոշոր սունկ է, ձևով նման է ականջի: Գլխարկի մակերեսը հարթ է, փայլուն, ոտքը կարճ է,երբեմն գրեթե աննկատ: Սպորային փոշին սպիտակ կամ վարդագույն, իսկ սպորները` գլանաձև կամ երկար-ձվաձև և անգույն: Երիտասարդ սնկի մոտ միջուկը սպիտակ է և խիտ, փափուկ, հյութալի, առանց հստակ հոտի և ունի հաճելի անիսի համ։

Քիմիական բաղադրությունը

Կախասնկի պտղամարմինը համարվում է արժեքավոր դիետիկ սնունդ, քանի որ ունի ցածր կալորիականություն (38-41կկալ). սպիտակուցներ (15-25%), հատկապես անփոխարինելի ամինաթթուներ (վալին, իզոլեյցին, լեյցին, լիզին, մեթիոնին, տրիպտոֆան, ֆենիլալանին): Ճարպերի պարունակությունը կախասնկում քիչ է։ Ածխաջրերի պարունակությունը կազմում է չոր զանգվածի 68-74%-ը։ Կախասունկում պարունակվում են` K, P, Fe, Ca, Co, Se, Zn Cu և մի շարք այլ հանքային տարրեր, որոնք անհրաժեշտ են մարդու օրգանիզմին: Կախասունկը մսամթերքի, բանջարեղենի և մրգերի համեմատ հանդիսանում է և′ ջրալուծ, և′ ճարպալուծ վիտամինների հիանալի աղբյուր: Կախասնկի պտղամարմինում պարունակվում են B խմբի վիտամինների ամբողջ համալիրը, ինչպես նաև ասկորբինաթթու, վիտամին PP։ Վերջին ուսումնասիրությունների արդյունքում պարզվել է, որ կախասնկը ունի հակահելմինտիկ հատկություններ ևս:

Աշխատանքի նպատակը

• պտղամարմնից կատարել ցանքս համապատասխան սննդամիջավայրի վրա:

Աշխատանքի ընթացքը

• Pleurotus ostreatus-ի աճեցման համար որպես սննդամիջավայր օգտագործվել է կարտոֆիլադեքստրոզային ագարը: Կարտոֆիլը և գարին եփել ենք 500մլ թորած ջրում 50 րոպե տևողությամբ:
• Սննդամիջավայրը մանրէազերծվել է ավտոկլավում՝ 1ժամ, 1.5 մթն. ճնշ. պայմաններում, ապա լցվել մանրէազերծված Պետրիի թասերի մեջ: Սննդամիջավայրի պնդանալուց հետո կատարել ենք ցանքս: Ցանքսի համար օգտագործել ենք հասուն սնկից վերցված հյուսվածք և սպոր:

• Ցանքսը կատարելուց հետո Պետրիի թասերը տեղափոխել ենք թերմոստատ` 23°C, ինկուբացման՝ 7-10 օր: Այս ժամանակահատվածը բավարար է, որպեսզի Պետրիի թասերի մակերեսը ծածկվի միցելիումի շերտով:
• Հաջորդ փուլում միցելիումը տեղափոխել ենք նախապես մանրէազերծված գարու կամ ցորենի վրա: 10-12 օր անց ստացված զանգվածը հումք է հանդիսանում հասուն կախասնկի աճեցման համար:

ՇՆՈՐՀԱԿԱԼՈՒԹՅՈՒՆ ՈՒՇԱԴՐՈՒԹՅԱՆ

ՀԱՄԱՐ