Внеклассное мероприятие " Дружна семья- лицо страны"

Татыу ғаилә- ил күрке.

Әҙерләне:

Благовещен районы Туғай төп

мәктәбенең башҡорт теле

уҡытыусыһы Әхмәҙинурова

Филүзә Рамаҙан ҡыҙы

2018

Кластан тыш сара. (5-7 синыфтар)

Тема: Татыу ғаилә- ил күрке.

Маҡсат: балаларҙың ғаиләгә, туған телгә ҡарата һөйөү; уларға ҡарата һаҡсыл ҡараш тәрбиәләү,логик фекерен, телмәрен, иғтибарын үҫтереү.

Йыһазландырыу: проектор, слайдтар, компьютер.

Уйын барышы:

-Хәйерле көн, уҡыусылар, уҡытыусылар! Бөгөнгө кластан тыш сара ниндәй темаға арналғанын асыҡлар өсөн, таҡталағы һүрәттәрҙе ҡарап үтәйек. Иҫкәртеп китәйем, кем беренсе булып яуап бирәсәк, ул уҡыусыға жетон бирелеп барыласаҡ.

(Һүрәттәр буйынса әңгәмә ойоштороу)

-Эйе, афариндар! Тимәк, нимә тураһында һөйләшәсәкбеҙ?

Бөгөнгө кластан тыш сарабыҙ “Татыу ғаилә- ил күрке” тип атала. Быйылғы 2018 йыл беҙҙең республикала Ғаилә йылы тип иғлан ителде.

-Бына һеҙ Гүзәл Ситдиҡованың бик матур «Берҙәм ғаилә» тигән шиғырын тыңланығыҙ. Ә, һеҙҙеңсә, нимә ул ғаилә?

- Ғаилә- ул беҙҙең өй, ата-әсәйебеҙ, туғандарыбыҙ, олатай-өләсәйҙәребеҙ. Ғаилә ул һине һаҡлай, яҡлай, йылы оя ул. Ата-әсә- ғаиләнең тотҡаһы,ә балалар- көҙгөһө.

- Ә ғаилә ныҡлы, бәхетле, матур булһын өсөн ниндәй көскә эйә булырға тейеш?

(бер- береңде ихтирам итеү, һәр ваҡыт ярҙам күрһәтеү, татыу булыу)

-Дөрөҫ, уҡыусылар, ғаилә ҡиммәтәренә, иң беренсе, мөхәббәт, тоғролоҡ, ғаилә ағзаларының бер-береһенә яҡшы,ихтирамлы мөнәсәбәте, балаларының ата-әсәһенә изгелекле мөғәләмәһе, үҙ-ара татыулыҡ инә.

-Һәр ғаиләнең үҙ йолаһы, ғөрөф-ғәҙәте, мәҙәниәте була. Ә һеҙҙең ғаиләгеҙҙең ниндәй йолалары бар?

(ялдарҙа ғаилә менән сана, саңғы шыуыу, тыуған көндәрҙе үткәреү һ.б.)

-Шулай уҡ һәр ата-әсә балаларын милли рухта тәрбиәләргә тырыша, туған телдә-әсә телендә иркен аралашырға өйрәтә. Һәм беҙ туған телебеҙҙе яҡшы белергә тейешбеҙ.

-Ә хәҙер, уҡыусылар, таҡтала эленгән мәҡәлдәрҙә нөктәләр урынына төшөп ҡалған һүҙҙәрҙе ҡуйып, уҡып сығайыҡ.

____ ____атаһына таяу, ____ _____ өй эсендә буяу.

____ янында бала етем булмай.

_____-_____ тыңлаған əҙəм булған, тыңламаған əрəм булған.

____ күңеле балала, _____ күңеле далала.

Астан үлһəң дə, ____ ________ ташлама.

Атаны күреп __ үҫер, _____ күреп ҡыҙ үҫер.

Ир бала, ата-әсәһе, ата-әсәңде, әсә, ул, бала, әсәне, ҡыҙ бала,әсә.

-Ә һеҙ ата-әсәйҙәрегеҙгә нисек ярҙам итәһегеҙ?

-Ә хәҙер ошо хәрефтәрҙән ғаилә ағзаларын төҙөргә кәрәк.

ӨСЛӘЙӘ ТАЙА

СҠТУЫ ҒЙАА

ЛЕҺҢЕ ОЙАТАЛА

СӘЙӘ ЙПАА

-Афариндар, шулай итеп, беҙ бөгөн нимә тураһындә һөйләштек?

- Һәр уҡыусының алдында ҡояш һүрәте ята, ғаилә лә ҡояш кеүек беҙҙе йылыта, нур һибә! Һеҙ ниндәй ғаиләне матур ғаилә тип уйлайһығыҙ, шуны нурҙарға яҙып сығығыҙ.

-Ә хәҙер, әйҙәгеҙ, иң әүҙем ҡатнашыусыларҙы билдәләп үтәйек.

- Тимәк, балалар, ғаиләлә бөтәһе лә яҡшы булһын өсөн татыу,берҙәм,ярҙамсыл, сәләмәт булыу кәрәк. Мин дә һәр ғаиләгә именлек теләйем, ата-әсәләрегеҙҙе ҡыуандырып ҡыны тороғоҙ!