Внеклкассное мероприятие по родной (даргинской) литературе на тему: "Великому Батыраю 204 лет."

МКОУ «Сергокалинская СОШ № 1»

Внеклассное мероприятие

Тема:

Великому Батыраю-204 лет

Провела:учительница родного языка и

литературы Арсланова З.А.

Сергокала,2023 год.

Классла дурабси балбуц

Тема:Г.Батирайлис-204 дус.

Мурадуни:

Батирайла гямрула гьуниличила ва творчестволичила дурхнази тинтли бурес,аргъахъес;

поэтла поэзияличи,даргала литератураличи дурхнала диги адикьес.

Бехбихьуд.

Учитель:-Далай чум дилчаслира

Далай гяхна гъвобзалис,

Къиин дибил мусанив

Улхъану даршлизи ца.

Хябкуб чум дакьаслира

Хябкуб кункил урчилис,

Сиделла уркилишир

Дикьул гъвобзайла мурад.

-Чила гъай сари ихди?

Хабарла Батирай акубхейчивад 204 дус дикнилис багьишлабарибси балбуц абхьнилизиб халбирехе.

Учитель:Ге,хабарла Батирай!

Хабарла ибси гьарли-марли балбикибси определение саби.

Хабарла хейрару 204 дус дикибхелира бусягятла манзилличи лайикьси роэзияла давла цалабяхъибси поэтлис.

Наб гьанбиркули саби нушала манзилра ит 19 даршдусра цагъунти сари или.Гьанна нуша илгъуна поэтличи херлира.Заманала талаб аргъибси поэт!

«Гьай хула ваг верхна ибк,

Тамашала дуне либ

Цабахтас майдан дуне

Ургуба гурдалисван,

Цабахтас хяйран дуне

Къярдла лути къаплайсван.

Иш тугъи бусягятра

Нушала манзилличи хасти сари.

Пагьмукарси,бархьдеш геббурцуси поэтличи лайикьти тугъи сари икди.Батирайли кабердибси даимбариб нушала даргала поэтунани.

2.Беклибиубси бута.

3.Батирайла сурат.

Поэтла гямрула гьуниличила буру:

4.Хурхъила шила суратуни

5.Камалудин Мяхяммадшапиевла далай.

Учитель:»Р.Хямзатов викубсири «Гялимти жалбикули саби,Батирай вебкибти дусми кадизахъес хебирли…

Батирайла бахъал юлдашуни бирутири алав шимазибра,ил хьалкьлис дигахъулри.Батирай хейгахъути давлачебти сабри.Илди кьяслири илала тамаличи,жагадешличи.

Чуйнара шила хякимти,маллуби аварибиубтири ил чугевли варес,чус далайвикахъес,шила будун варес булан,хьулбиубтири.Батирай живарли гъайвариб чуйнара.Иличила белки сай Х.Гялиевли «Хябчялмук»бикуси романнизиб.Илала гяхлира мискинти сабри.

Учитель:Батирайчила бакьалаби.

«Батирай бускрив»

Батирайла далуйтачи лехбизес бускранти башесбииб.Хъа вег вявикули:»Гяхял вахайчилра ташдизадалри».

Хинки делхьайчи тамадара.Бускра хьунуй балшуси бету сункилабад дурабикахъили,цабилкьларти палдала дублаб балшулри,далайличи лехирхъудешли.

«Батирай Мургукив»

Хивачи бякьунти рурсбас къаршииркули сай Батирай.Рурсили илизи далай белчахъес тиладибариб

-Хиви гадали,келра дучас.

Гьикди ахъ дубуртира.

Дубурла хъвябуртира,

Гихьди мурхь къадубира,

Микхен набадурира,

Гяхлас ахарахинти

Мургукан къябкъурира»

Рурси хякбизур,илдани хива хунжи дициб.

Батирайла пагьмуличила гьар-чинабалра хабардерхурлири.

Гьачам ца сирхян Хурхъи вакибсири,Батирайчил абзикес,чугур бяхъес.Хъубзара чеиб-Батирай.Илини ил укахъес живариб.Илала чугурра лебри.»Чугурла ги авъибил чедибси иш бара хярхбирен»

-Чум буталичи буртуси саби Батирайла творчество?

Ил вехихьибси дигайла далуйтачивад.Илала герой хялалти дигайгевли сай.

«Куцила ваца игул»

«Хуши дилаон дигай»

«Пуш гьуйширти туллион»

«Амъур зубрила марка»

Учитель:

«Урхьназирад бархион».

Пикри бяхчиаая сегъунти мез жагадирути гягниахълуми дузахъули поэтли метафора,эпитет,мешубуцуни,антитеза-къаршибицуни.

-магьарлизиб бутацугдеш агнила тема.

Учитель :»Мас дикор хула аба»

Гяхгъабзачила далуйтазив дубурла гъабзала образ гили сай: «Гяхгъабза адашивад»

«Гяхна гъабзала гямру»

«Къиин дибил мусанир»

«Ял дуцили аждагьа»

Учитель:

Гямруличила далуйти анцкьили шишимъай духнадуцили сари.

«Вай хула ваг верхна ибк»

«Вай хула вархял вагибш»

«Далайикулирира»

Учитель:Батирайчила произведениебира делки сари бахъал поэтунани,писательтани.Масала М.Хямидов,Х.Гялиев,С.Рабаданов,Р.Рашидов,Х.Рабаданов «Батирай гяхладли»,М.Гяхмад,Х.Гябдуллаев

Наб гяхбизур Мяхяммадшапиг Бяхяммагялиевли белкунси назму «Ху хейадри,Батирай»

Учитель:М.Хямидовла «Хьаникъада»бикуси поэмализиб леб «Батирайла сай.Бег гьалаб Дагъиста литературализиб поэма цалабяхъибси.

Сценка «Алмаслиин шишаон»поэмала бута.

Батирай-

М.Бяхянд-

М.Патима-

Учитель:Нушала гялимтани халаси хянчи бариб Батирайда творчество бярхъес 20-ибти дусмачибад бехбихьили С.Гямаровли,Хямид Гусмановли,М.Хямидовли,С.Гялиевани, А.Гялихановли,г.Вяхидовли.30-ибти дусмазиб урус мезли жуз дурадухъун статьяби Эфенди Къапиевла,Н.Тихоновла. 70-ибти дусмазиб Батирайчила художественное произведение Р.Хямзатовла «Батирай»,поэма С.Рабадановла.90-ибти дусмазиб Х.Гялиевла «Хябчялмук бикуси роман.

Учитель:Бигахъеная,дурхни,чевяхси Батирайла творчество,ил бебкаагарси саби!

Бархи гяхбираб,гяхли каленая!