Тядянь – авань мастор
У.в.-Родина !Фкя вал, а конашкава питни и кельгови сон эрь ломанти, коса сон афоль эря и афоль работа.Тя сон,Родинась, минь касфтомазь, макссь тейнек козяши и паваз, нолдамазь оцю эряфс.Родина! Фкя вал! А конашкава оцю тя валсь.Мзярда кульсак тя валть, стяй инголенк марнек Россиясь сон келидонга кели паксянза и виренза, луганза и ляйнза, веленза и ошенза.Родинать мазышинц колга лама азондыхть поэттне эсь произведенияснон эса.
1. Эрь ломанть ули шачема вастоц – Родинац. Сон седиценди инь малась, кельговикссь; максы ваймоцьти эрьгя, тисы сяда виикс. Родинафтома ломанць – пацяфтома нармонь лаца. ( Александр Малькин «Россия, кельгома Россия»).
Малькинонь поэзияц пяшксе кельгомада: шачема ширти, ломаттненди, перьфпяльти… Сонь лирикасонза велесь касонды «валда сельме тяштю масторонь» - Родинань символкс.
2. «Родина» валсь педи седизт нинге шабакс пингста. Аньцек тонадсайть букватнень, кочкасак тя валть Родина. «Р» буквась алфавить кучкаса, а тя валса тяштеви оцюста. Ломанти аш кода эрямс Родинафтома, кода шуфтти юрфтома. (Максим Бебан «Тядянь – авань мастор»).
Сон лирик, эпик и сатирик. Кода – бъди аф прокс тонатф ня шарьхкодематнень марс пуроптомасна, мъзярда корхтамась моли фкя авторонь колга. Но Максим Бебанонь наследияса разнай жанрань произведениятне аф лафчептезь, а, меколанкт, виияфнезь сонь творческяй вешфксонзон…
1. Кда кемот ломанть сотксонза шачема ширеть мархта, кда сон, коса афоль уле, мезе эряфсонза афоль сата, аф юкстасы эсь шачема моданц, кяленц, - ся ломанць кармай улема Ломанькс. Сонь кармайхть кельгома лиятневок. ( Иван Кудашкин «Шачем крайняй, атянь-авань мастор»).
Кудашкин – поэт – лирик. Сон фалу кирдезень ся традициятнень, конатнень ладязь Михаил Безбородов, Александр Малькин, Никул Эркай. Поэзиясь, кода сёрмадсь Иван Кудашкин, тя – эряфть няфтемац, или, сяда лац азомс, сонць эряфсь… Поэзиясь – тя мировой эряфть пульсонц шавомац, тя сонь вероц, сонь валдоц и шиц.
2. Эрь ошса и странаса тяфта жа панжихть панчфне, сянгярьгоды тишесь и пижелгодыхть лугатне. А шачема ширеса кожфське сяда ару, тишеське сяда пиже, ведьське ляйса сяда валда… Кельгса шачема крайть! (Илья Девин «Тядянь – авань масторть кельксян», «Шачема крайсон», «Веленязе»).
«Штоба арамс пара тяштикс,- корхнесь Илья Максимович – эряви лама содамс сянь эзда, мезе цебярь тяштьф тондедот инголе». Лама произведениянза кеподезь сонь творчестванц вярдень оцю куцемас. Синь эсост лац няевихть и авторскяй мяльхне – арьсематне, и лирическяй геройхнень седи ваксстонь арьсемань – пичефкссна.
1.Финцне, шачема – касома куженяснонды кельгомаснон эряфснон кувалмос ваймосост кандсазь. И, кда тейст сави хуш аф ламняс явомс ёмла родинаснон мархта, синь курокста лажаткшнихть тейнза. Омбонцне, тёждяста кадондсазь шачема – касома куженяснон, полафнесазь сонь сяда цебярь эряма васта лангс. (Артур Моро «Шачема крайсон», «Мокшень ширти»).
Артур Моро - пяк кельгозе эсь народонц, кяленц, масторонц. Сонь стихонза кайгихть, кода мора, кой – конатне эздост, пингта меле арасть народнай морокс.
2. Модать лангса улихть мазы вастт. И аф кржа! Но инь мазысь, инь кельговикссь – тя ся велесь, коса шачеть и касоть. Тяса тядянь лофцса ватьф трванястот лийкстась васенце валнясь. Тяса пелезь васенцеда тиить «тумонять». Тяса тядянь кядьс нежедезь шятяйть ваксонь кувалмоса васенце аськолкскяцень. (Владимир Нестеров « Тон кулхцонтт, тядяй, кодама илядьсь!»).
««Авань морот» книгазень, - тяштсь Владимир Нестеров – лемдине тядязти. Тяни аньцек шарьхкодине, мъзяра цебярьда сон макссь тейне. Тонафтомань эряфть шарьхкодема – кельгома».
1.Эрь ломанть, кода и эрь шуфтонять, ули сонцень ёмла Родинац. И тя ёмла Родинась, тя минь шачема веленьке, конань, кода тядянь кельгсаськ и аф юкстасаськ.
Шачема мастор, мазы веле!
Мархтот эрян эрь шиня.
Тяса корхтан мокшень кяльса,
Келян эряфти киня. (Василий Волков «Велезе», «Мокшан»)
Василий Волковонь творчестваса сидеста няфневи кеме соткссь мокшень колхознай велеть тевонзон и Родинаньконь оцю эряфонц ёткса. Поэтсь стихонзон эса ётафты мяль - эряфть инь оцю смузец ащи ломаттненди цебярь тевонь тиемаса, минь обществаньконди вернайста служамаса.
2. Мокшэрзянь шачема крайнязе! Аш тондедот цебярь и мазы. Ванат сенем менелезт – и аф топодят ваномс. Кулхцондат коряй пайгоня шудерькскятнень – и аф кулхцондоват. Кельговикс сельмоса ванондат келуфнень, панжи лугатнень лангс и аф топодят ваномс. Рая Орлова«Мазыши»
1. Сембода оцю и питни сатфксоньке - ялгаксшись мокшетнень эрзятнень, руснень, татархнень и лия ломаттнень ёткса, конат эряйхть крайсонк, минь Россияньконь уженясонза! Сембось тя максы тейнек эрьгя павазуста эрямс, Родинаньконь кельгомс! (Емельян Пятаев «Монь Мордовиязе»).
Эсь Мордовиязень кельгса,
Кодак марнек и Отчизнать,
Кельгса Родинать – Россиять,
Кода зарять масторть вельхксса!
2. Шачема край – мокшэрзянь мастор. Тядянь-алянь ваймопожф, Тага арать шнама вастокс, Вельхкссот садонь ару кожф. Кие арьсекшнесь – шявдолста Тон крьвястят палы тяштть! Тяни лемцень морайхть морса, Ялгаксшинь книгав сонга тяштьф. Труда валда зарят васьфнят, Оцю семьяце и келькф. Ладязь эрят ялга мархта Аф фкя киза – веконьберьф.
У.В.-Да.Заболоцкяй лац азозе: « Ляйнясь калфтома-аф ляй! Менельсь нармоньфтома -аф нармонь!» И ломаттненди эряви ванфтомс перьфпяльть козяшинц. Минь тячи лама корхтаме мокшень крайть мазышинц колга. Ня сембе валхне азфт седи ваксста. Сяс, шабат, мяляфтость, катк аф аньцек валса ванфтсаськ перьфпяльть, но и тевсонга. Катк мокшень крайсь кармай мазыдонга мазы!
485
88 059 
