WordPad мәтіндік редакторының интерфейсі

Сыныбы: 5 «А»

Сабақтың тақырыбы: WordPad мәтіндік редакторының интерфейсі

Сабақтың мақсаты:

1. Білімділік.Word Pad мәтіндік редакторы туралы мәлімет беру, құжаттың құрылымы мен редактордың терезесі туралы түсінік беру, мәтінмен жұмысқа дағдыландыру, құжаттарды құруға, ашуға және сақтауға үйрету.

2. Дамытушылық.Логикалық ойлауын, таңымдық қызығушылығын, оқушылардың ақыл-ойын жан-жақты дамыту, дүниетанымын кеңейту, компьютерлік сауаттылығын арттыру.

3. Тәрбиелік. Жауапкершілікке, өз бетімен жұмыс істеуге, жұмыс нәтижесіне жетуге, ұйымшылдыққа үйрету.

Сабақтың көрнекілігі: компьютерлер, слайд, интерактивті тақта,Word Pad бағдарламасы, кеспе қағаздар, үлестірмелі материалдар, paint бағдарламасында дайындалған оқушылардың жұмысы, тест тапсырмалары

Сабақтың әдісі: «Сын тұрғысынан ойлау стратегиясы» ой қозғау, ой толғау, ой қорыту. Көрсете түсіндіру, сұрақ-жауап, практикалық жұмыс, деңгейтік тапсырмалар, венн диаграммасы, ойын элементтері.

Сабақтың типі: Жаңа білімді меңгерту сабағы.

Сабақтың түрі: Аралас сабақ.

Сабақтың барысы:

І. Ұйымдастыру кезеңі.

1. Сәлемдесу, оқушылардың сабаққа қатысын тексеру.

2. Оқушылардың құрал-жабдығын тексеру.

3. Оқушылардың назарын сабаққа аударту.

4. Қауіпсіздік ережесі дәптерін толтырту.

ІІ. Үй тапсырмасын тексеру.

І. Ой қозғау. Нені білеміз?

1. Графикалық редактор деген не?

2. Paint қандай редактор?

3. Пиксель деген не?

4. Графикалық редакторда қандай сурет салу құралдары бар?

5. Салынған суретті қалай сақтаймыз?

6. Сақталынған суретті ашу.

7. Ерекшелеу құралы және оны қалай қолданамыз?

Информатикалық диктант

Paint редакторында ........ құрал бар. Суретке мәтін енгізу үшін .......... құралын қолданамыз. Суреттің ізі бар көшірмесін алу үшін ......... пернесін басамыз. Суреттің жеке көшірмесін алу үшін .......... пернесін қолданамыз.

ІІІ. Жаңа сабақ.

Ой толғау. Нені білгіміз келеді?

Жаңа түсініктер.

Компьютер көмегімен мәтіндер мен құжаттарды және басқа да материалдарды шығарып алу үшін мәтіндік редакторлар пайдаланылады., оның ішінде кең пайдаланып жүрген редактордың бірі- WordPad.

WordPad редакторы :

• мәтіндік құжаттарды құруға;

• оларды өзгертуге, яғни, қателерін түзетуге, мәтін фрагменттерін жылжытуға, көшіруге, жоюға және қосуға, іздеу мен алмастыру жүргізуге;

• мәтінді пішімдеуге- әріптің мөлшері мен түсін, абзацтың қасиеттерін және басқаларды өзгертуге;

• құжаттарды басып шығаруға арналған.

Құжат ішінде символдарды іздеу мен ауыстыру

Мәтіндік құжаттарды теріп, дискілерде сақтау

Мәтінді өңдеу

WordPad

Графиктік суреттерді қосу

Қағазға басып шығару

Бет параметрлерін өзгерту

WordPad редакторын іске қосу.

WordPad редакторын іске қосу үшін төмендегі амалдарды орындау керек:

Іске қосу Бағдарламалар Стандартты WordPad

Редактор терезесі мынадай элементтерден тұрады: тақырып жолы, мәзір жолы, құрал- жабдықтар тақтасы, пішімдеу тақтасы, терезенің жұмыс аймағы, қалып- күй қатары.

WordPad – та құжат құру.

WordPad редакторында құжат жасау үшін төмендегі негізгі сатыларды орындау қажет:

1. Әріп және оның өлшемін таңдау.

2. Мәтінді енгізу, оны түзету.

3. Мәтінді пішімдеу.

4. Құжатты сақтау және ашу.

5. Баспаға беру.

Компьютердегі тәжірибелік жұмыс.

1. Редакторды іске қосыңдар.

2. Оқулықтағы 1- тәжірибені орындау.

3. Сақтау.

2. Тапсырма: Көп нүктенің орнына тиісті сөзді тауып қой. Сол сөздерді орысша, ағылшынша аудармаларны тауып, компьютерде тер.

1. Оқусыз білім жоқ, білімсіз ..... жоқ. (күн,день, day)

2. ....- асқар тауың, ....- шалқар көлің.(әке, отец,father, ана, мать, mother )

3. Гүл- жер көркі, ...... ел көркі. (қыз, девочка, qirl)

4. Дұшпан күлдіріп айтады, ...... жылатып айтады. (дос- друг- friend )

5. Балалы..... – базар. (үй- дом- house)

ІV. Ой қорыту. Нені білдік?

1. WordPad редакторының негізгі қызметі қандай?

2. Редакторды қалай іске қосады?

3. Терезе қандай элементтерден тұрады?

4. WordPad – та құжат дайындау неше сатыдан тұрады?

V.Сабақты қорытындылау. Венн диаграммасы.

Paint графиктік және WordPad мәтіндік редакторын салыстыра отырып ортақ белгілерін табу.

VI. Үйге тапсырма беру. 19- тақырыпты оқу

VII. Оқушылардың білімдерін бағалау.