Эне тили болбосо, аты аталбайт улуттун

23-сентябрь  Кыргыз Республикасы нын Мамлекеттик тил күнү. Мындан туура 33 жыл мурун, тактап айтканда, 1989-жылы 23-сентябрда Кыргыз ССРинин Жогорку Совети “Кыргыз ССРнын мамлекеттик тили жөнүндө” мыйзамын кабыл алып, андан соң кыргыз тилине Мамлекеттик тил макамын берген. Бул мыйзам 2004-жылы Жогорку Кеңештин Мыйзам чыгаруу жыйыны тарабынан жаңыланып, анда кыргыз тили мамлекеттик тил, ал эми орус тили расмий тил деп жарыяланган.

Кыргыз тилине «Мамлекеттик тил» макамынын берилиши-адилеттүүлүктү калыбына келтирүүгө, ошону менен бирге коомдун руханий жаңылануусуна, жаңыча ой жүгүртүүсүнө, эне тилдин кадырын көтөрүүгө ташталган зор кадам болгон.

Мына, ошол күндөн бери, 23-сентябрь-кыргыз тил майрамы катары белгиленип келет. Бул күнү билим берүү мекемелеринде кыргыз тили боюнча ар кандай сынактар уюштурулуп, концерттик программалар менен коштолот. Ушул майрамды утурлай, мамлекеттик деңгээлде атайын иш-чаралар өткөрүлүп, кыргыз тилин өнүктүрүү, үйрөтүү маселелеринин тегерегинде талкуулар болуп турат. 

Бардыгыбыз билгендей, мамлекеттик тил бул-мамлекетте иш кагаздарын жана сот иштерин алып барууда, жалпы билим берүүчү орто мектептерде, атайын орто жана жогорку окуу жайларында окутууну жүргүзүүдө бир өлкөдө милдеттүү түрдө колдонулуучу тил болуп эсептелет.

Чечендин — тили орток, чебердин — колу орток.

Ырчынын тилинде мурчу болбосо, сөзүнүн курчу болбойт.

Тилден түбөлүктүү, тилден артык өнөр жок. Ар бир элдин тили – өзүнө улуу (Ч. Айтматов)

Кыргыз тили кылымдарды карыткан, эч ким аны өчүрө албайт тарыхтан

Кыргыз тилим балдай ширин таттуусуң, Көңүл кушун көкөлөтүп шаттуусун. Мезгил басып, кылымдарды карытып. Дүйнөдөгү чоң тилдердей барктуусун.

Кыргыз тилим – сыймыгым, Кыргыз тилим балдай таттуу шириним

Кадырыңды ар убакта даңктайлы, Ар бир сөзүн көз каректей сактайлы. Бактыбыздын туу чокусу- кыргыз тил, Сыймыгыңды түбөлүккө барктайлы. (А.Карабаев)