Конспект урока по крымскотатарскому языку "Фииллернинъ менфий ве мусбет шекиллери"

Тарих : 05.03. 2024 й.

Дерс №25

Сыныф : 3-В

Фен : къырымтатар тили

Оджа : Дервиш Айше Джаферовна

Дерснинъ мевзусы: Фииллернинъ мусбет ве менфий шекиллери.

Дерс чешити : янъы бильги менимсев

Дерс макъсады : Талебелер иш- арекетни бильдирген сезлерни менфий ве мусбет шекиллеринде къулланаджакълар .

Планлаштырув нетиджелер:

Шахсий нетиджелер (Личностные):

- Башлангъыч сыныф балаларына ферасетнинъ ахлякъий эстетиканынъ инкишаф этильмесине, тиль огренювде фикир юрьсетильмесине, тиль медениетине, баланынъ иджаткярлыгъына тиль васталарынен ярдым этмек.

- Балаларда нутукъ сезгирлигини уянтмакъ, сёзнинъ догъру ишлетильмесини шекиллендирмек.

- Окъувгъа меракъ, ана тильге севги ашламакъ, билим чокърагъына якъынлаштырмакъ.

- Тувгъан тильни огренювде балаларда мустакъиль иджаткярлыкъ ишине ихтиядж догъурмакъ.

- Муэллифлик язув нуткъуна иджаткярлыкъны, уйдурманы шекиллендире.

Регулятив УУД (Регулятивные):

- талебенинъ оджа ярдымынен дерстеки арекетлернинъ макъсадыны тайинлемек;

- оджа ве талебенинъ бирликте чалышувы, бири – биринен тиль тапувы, ишкирлик, достлукъ, береберлик муитини асыл этмек;

- джанлы субетлешув, акъыл – идракънынъ котеринки (эмоциональ) рухта олмасына ярдым этюв;

- фаальнутукъ муитини темин этип, амелияткъа кечирмек;

- сыныфта нутукъ медениетини юксек севиеге котермек ичюн ярыш муитини яратмакъ.

Мерифет УУД (познавательные):

- дерсликтеки малюматны (китап джылты, мундеридже, шартлы бельгилер ве иляхре), лугъатны къуллана бильмек;

- метинлерден, ресимлерден суаллерге джевап тапмакъ;

- оджа ве талебенинъ бирликте беджерген ишлерининъ нетиджелерини чыкъара бильмек;

- малюматны бир шекильден дигер шекильге авуштырмакъ: уфакъ колемли метинлернинъ тафсилятлы икяе этмек;

Коммуникатив УУД (Комуникативные):

- озь фикирлерини агъзавий я да язма шекильде ифаде этмек (джумле я да уфакъ метин оларакъ);

- динълемеге ве башкъаларнынъ айткъанларыны анъламакъ; динълев усулларыны къуллана бильмек: мевзу ве серлева, анахтар сёзлери;

- метинни ифадели окъумакъ ве икяе этмек;

- чифт я да группа оларакъ бирликте вазифелерни япмакъ; чешит тюрлю роллерни (лидер, беджерювджи) беджермек;

- оджа ве сыныфдашларынен эйи мунасебетте булунмакъ:

- озюнинъ ве башкъаларынынъ япкъан ишлерине къыймет кесмек, нетиджелер чыкъармакъ ве оларгъа риает этмек.

Донатма: дерслик, дефтер, телевизор, презентация, -ма, -ме ялгъамалары

Дерс кетишаты

1. Тешкилий къысым. Селямлашув.

Эв вазифесини тешкерюв: Кельди, яза, ойнады, бегенди, раатлана, йырлай, агълайджакъ, бараджакъ, келе, отурмады сезлерни учь заман группаларгъа больмек.(карточканен иш)

1. Янъы мевзуны анълатув.

А) Лугъат :

Медениет-культура

Мусбет – положительный (-ая,-ое)

Менфий – отритательный (-ая, -ое)

Мектюп- письмо

Б) - Дефтерлерни ачып, бугуньки санны язамыз.

-Янъы сатырдан Мм арифини язып чыкъынъыз.

-Келинъиз, «мектюп» сёзюни талиль этейик.

Мектюп – 2 эджа, 6 ариф, 6 сес.

- Бу сезнен джумлелер тизинъиз.

Достум манъа мектюп язды.

Достум манъа мектюп язмады.

-Бу эки джумле ненен фаркълана? (бир талебе тахта огюнде анълата, - ма ялгъаманы къайд эте)

-Демек, бугуньки мевзу : « Фииллернинъ менфий ве мусбет шекиллери»

1. Мевзу устюнде ишлев.

-160 саифеде къайделерни окунъыз

Мусбет шекиль ишнинъ олгъаныны , олаяткъаныны ве оладжагъыны бильдире.

Менфий шекиль ишнинъ олмагъаныны, олмаяткъаныны ве олмайджагъыны бильдире. Менфий шекильде фииллерге _ма, -ме ялгъамалары къошула.

314 -иш. Фииллернинъ менфий шекилини язынъыз.

Тикти-

Меракъланды-

Беджерди-

Битирди-

Сачты-

Агълады-

Севинди-

Суварды-

Тийди-

Къалды-

Бегенди-

Темизледи-

Ишледи-

Чыгъырды-

1. Раатлыкъ дакъикъасы.

-Эпинъиз еринъизден турынъыз. Мен сизге фииллерни окъуйджам. Эгер мусбет шеклинде олса бир кере алгъышлайсынъыз, менфий шеклинде исе – патырдайсынъыз.

Ачылды, япмады, кельмейджек, раатлана, сусты, язмады, юкъламады, эзберледи, огърашмайджакъ, келе, кульмей, йырлады, шатырдады, шытырдамады, опьти.

Машалла! Ерлеринъизге отурынъыз

1. Пекитюв

161 саифеде 316 иш (мустакъиль шеклинде беджерелер)

Джумлелерни кочюрип язынъыз, фииллерни менфий шеклине койып, ялгъамаларыны бельгиленъиз.

6. Дерснинъ нетиджесини чыкъарув. Баалав.

- Бугуньки дерсте насыл мевзуны огрендик?

- Предметнинъ япылгъаныны я да япыладжагъыны фиильнинъ насыл шекли бильдире?

- Предметнинъ япылмагъаныны я да япылмайджагъыны исе фиильнинъ насыл шекли бильдире?

- Фииллернинъ мусбет шеклини япыджы ялгъамалар бармы?

- Фииллернинъ менфий шекли насыл япыла?

7. Эвге вазифе.

162 саифе 318- иш