Кылмыштуулуктун алдын алуу боюнча иш

Кылмыштуулуктун алдын алуу боюнча иш-чара .

Жаш өспүрүмдөрдүн арасындагы кылмыштуулукту азайтуу жана алдын алуу,жаштарды кылмыш чөйрөсүнөн алыстатуу максатында.Балдар коргоо боюнча ыйгарым укук органдарынын аймактык бөлүмүнүн жетекчиси Тунукай Бөрүбаева студенттер менен жолугушуп түшүндүрүү иштерин жүргүзүштү .

Иш чарада балдар-кыздар арасындагы болуп жаткан рэкеттик жана башка маселелерди көтөрүп жалпы студенттерге кылмыштуулук боюнча бир катар көйгөй болгон жаштар арасындагы рэкет иштерин жаап-жашыруу кылмыш ишинин башаты экенин баса белгилешти.Жолугушуу абакта жаза өтөп жаткан өспүрүмдөр боюнча даярдалган видио роликти тарбия берүү максатында коюп беришти.Жыйындын аягында суроо-жооп болуп,жаштар кызыккан суроолорун беришти.Суроолор кылмыш ишине аралашкан өспүрүмдөргө карата жазаны күчөтүү жана милиция кызматерлеринин коррупцияга көбүрөөк аралашып калышканы боюнча суроолор берилип жооптор алынды.

Балдар арасында кылмыштуулуктун алдын алуу зарыл .

Жашы жете элек балдар арасында кылмыштуулуктун алдын алуу,аны болдурбоо,ага каршы күрөшүү бул бир гана мектеп,билим берүү бөлүмүнүн,же укук коргоо органдарынын гана милдети эмес.Бул баарыбыздын милдетибиз.Жаш өспүрүмдөрдүн тарбиясына өзгөчө маани берип,аны келечекте кылмыш жолуна түшпөй,бекем ден-соолукта өсүп ,сапаттуу билим алуусуна шарт түзүп берүүбүз зарыл.Балдар биздин келечегибиз,алардын тарбиясына келечегине баарыбыз жоопкербиз .Жашы жете электер боюнча мыйзамдардын так жана өз деңгээлинде аткарылуусу боюнча жүргүзүлүп жаткан иштер боюнча толук айтылды.

Жаш өспүрүмдөр арасында кылмыштуулуктун жылдан жылга өсүп бартканы бул орчундуу,өзгөчө көңүл бура турган,жалпы коомчулук тартуу менен кечиктирүүсүз чара көрө турган маселе.

Жогоруда белгиленгендей жаш балдардын кылмышка катышып жатканы абдан өкүнүчтүү. Кээ бир балдар кароонун,көзөмөлдүн жоктугунан бирөөлөргө кошулуп,өздөрү кылмыш жасап жатканын да билбей кылмыш ишине барышууда. Айрым балдарды улуу муундагы адамдар кылмышка түрткөн учурлар болууда.Мени биз курактуу балдардын эртеңки келечек тууралуу ойлонгондун ордуна кылмыш кылтагына илинип атканы,бүчүр кезинде тагдыры талкааланып жатканы абдан өкүндүрөт.