Математика предметин окутууну уюуштуруу

Тема:Математиканы окутууну уюштуруу. Сабакты анализдөө

Окутуунун негизги формасы –сабак

• Азыркы учурда окутуу процессинин формасы – сабак болуп эсептелет. Сабак- окутууну, тарбиялоону жана өнүктүрүүнү уюштуруучу негизги форма. Анык бир группадагы , бирдей жаштагы окуучулар менен белгилүү бир жерде, белгилүү бир убакытта белгилүү бир дидактикалык максаттарга карата мугалим тарабынан алып барылуучу окутуу процесси сабак деп аталат.
• Ар кандай сабактын билим берүүчүлүк, тарбиялык, өнүктүрүүчүлүк жана практикалык максаттары болууга тийиш. Сабакка даярданууда алдын ала максатттарын аныктап алуу жана ага шайкеш окутуу чон мааниге ээ. Сабактын максатын аныктоодо эске алуубуз керек болгон жагдайлар:

• Бул сабакта окуучулар кандай түшүнүктөрдү эрежелерди, формулаларды жана мааалматты үйрөнүшөт ;
• Өтүлүүчү материалдын практикалык мааниси , турмушта өндүрүштө колдонулушу, практикалык ыкма, көндүмдөрү;
• Бул сабакта өтүлүүчү материалдын окуу процессиндеги оорду;
• Окуучулардын ойлоосун, ой жүгүртүүсүн өстүрүүү үчүн кандай жумуштарды аткаруу мүмкүн экендиги;
• Эсептөө навыктарын калыптандыруу жумуштарын жүргүзүү мүмкүнчүлүктөрү;
• Тарбиялоону кандай багытта жүргүзүү мүмкүн экендиги;
• Эмгекке тарбиялоо, кесипке багыт берүү жумуштарын жүргүзүү мүмкүнчүлүктөрү ж.б.у.с.

Учурдагы математика сабактарынын мүнөздүү өзгөчөлүктөрү

Сабак мугалимдин чыгармачыл эмгегинин натыйжасы. Учурдун талабына жооп берген сабактарды уюштуруу усулдук чоң мааниге ээ. Предметтик программаны жетекчиликке алып окутуунун максаттарын туура аныктап, алдыңкы мугалимдердин иш тажрыйбасын пайдаланып, окутууну методдорунан, жолдорунан ылайыктууларын тандап уюштурулган сабактар жогорку натыйжаларга жетээри шексиз .

• Математика сабактарынын учурдагы өзгөчөлүктөрү катарында төмөнкүлөрдү көргөзүүгө болот:

• Окуучулардын жаш өзгөчөлүктөрүн,билим деңгээлин, теманын мазмунун,окутуунун максаттарын эске алып, сабакты туура рационалдуу метод менен уюштуруу;

• Жаңы материалдарынын теориялык деңгээлде, учурдагы илимдин жана техниканын жетишкендиктеринен пайдаланып түшүндүрүлүшү;
• Окуучуларга аң сезимдүү терең жана бекем билим берилиши;
• Өтүлүүчү материалдын мазмунуна окуучуларды кызыктыруучу проблемалык жагдайларды түзүп, окуучуларды активдештирип, алардын кызматташтык мамилесин уюштуруп өтүлүшү;
• Техникалык ж.б окутуу каражаттарынан көрсөтмөлөрдү туура жана рационалдуу колдонулушу
• Бирим берүү менен тарбия берүү, өнүктүрүү жумуштарын бирге жүрүшү;

7. Окуучулардын ойлоосун, пикир жүргүзүүсүн,чыгармачылыкракеттерин, сөз байлыгын, сүйлөө речин өстүрүү иштеринин жүргүзүлүшү;

8. Математикалык символдорду туура жазуу навыктарын берүү, чийүү, ченөө, эсептөө аспаптарын туура пайдалануу, математикалык түшүнүктөрдүн, терминдердинтуура түшүндүрүлүшү;

9. Оозэки маселе мисалдарды иштетү, бат эсептөөлөрдүн жолдорун үйрөтүү, дидактикалык оюндардын уюштурулушу;

10Сабакты жыйнтыктоо, жалпылаштыруу, өтүлгөн материалдын негизги бөлүктөлрүн ажыратып көрсөтүү максималдуу окуучулардын билимин баалоо жумуштары, убакыттан рационалдуу пайдалануу, сабактын өз убактында башталышы , аякташы ж.б.

Математиканы окутууну пландаштыруу

• Математиканы окутуу аны пландаштырыуудан башталат. Пландаштыруу жыл сайын министрлик тарабынан бекитилген окуу планынын, окуу программаларынын, окуу усулдук китептердин жана министрликтин көрсөтмө каттарынын негизинде жүргүзүлөт.
• Оку планы б.а календардык план окуу жылына карата болжолдуу түзүлөт. Математика мугалиминин колунда сөзсүз түрдө календардык план болушу милдеттүү .

• Мында каленлардык пландын схемасы :

Мугалимдин сабакка даярдануусу

• Ар бир мугалим сабакка даярданууда төмөндөгүлөрдү эске алуусу керек :

• Окуучулардын билим деңгээлин;
• Өтүлө турган мателиалдын мурда өтүлгөн темалар менен байланышын;
• Жаны теманы түшүндүрүүгө ылайыктуу методду тандап алуусу
• Окутуунун каражаттарын пайдалануу
• Окуучуларды тарбиялоо, өнүктүрүү жумуштарын жүргүзүүнү;
• Предметтер арасындагы байланышты уюштуруу ж.б.

• Мугалим сабакка даярдануусу сабактын конспектисин , планын түзүүдөн турат. Математикада1:1 б.а бир саатык сабакка бир саат даярдануу сунуш кылынат.
• Мында сабактын болжолдуу конспектисинин схемасы:

Сабакты анализдөө

Сабакта жүргүзүлгөн окутуу, тарбиялоо, өнүктүрүү, жумуштарын педагогика-психологиялык жактан талдап , баалоо сабакты анализдөө деп аталат . Сабакка катышкан мугалимдер, мектеп жетекчилери, практиканттар өтүлгөн сабакты анализдешет . Төмөндөгүлөр сабакты анализдөөдө эске алынышы керек:

• Сабактын максаттарын жана алардын аткарылышын.
• Сабактын илимийлүүлүк мазмуну, аң сезимдүү өздөштүрүү;
• Сабактын жалпы структуралык этаптары;
• Окутуунун методдору,анын төп келүүсү, эффективдүүлүгү;
• Мугалим мн окуучунун иш аракеттери;
• Окуучуларда жаңы билимдин, көндүмдүн калыптанышы;
• Сабактын темпи жана окуучулардын активдүүлүгү ж.б.