Ынталандыру: Педагог балалармен ойнауды жақсы көресіңдер ме, достарыңмен қандай ойындар ойнайсыңдар деп әңгімелеседі. Өзектендіру: :»Затты тап» ойыны. Топпен ойнаймыз. Әр команда (топ) бір затты жасырады. Ал басқа командалардың мүшелері оларға иә немесе жоқ деген жауаптар беруге болатын сұрақтар қояды. Мысалы, бұл заттың пішіні дөңгелек пе? Оның түсі қандай? Бұл киімнің бөлшегі ме? Бұл ыдыс па? Жаңаны қолдану.Әліппе дәптердегі №1 тапсырма. Балалар заттарды қарап, олардың белгілерін(пішінін, түсін,көлемін) айтады.Содан соң педагог заттарды түстері бойынша қорапшаларға жинап, оларды санауды ұсынады. Мұғалім әрбір қорапшаға айналасындағы тағы қандай заттарды ойыншықтарды салуға болатынын ойланып көруді ұсынады. Сергіту сәті: Оң қолымда бес саусақ, Сол қолымда бес саусақ. Қоссам екі қолымды, Болады менде он саусақ. №2 тапсырманы мысалы, тек қатарларды ғана жалғастырып қоймай, бірінші қатардағы пішіні бірдей фигураларды бір түспен боятып, күрделендіруге болады. №3 тапсырманы орындамас бұрын түс, пішін, көлем деген шартты белгілер нені білдіретіні нақтыланады. Әрі қарай тапсырма кейіннен тексеру арқылы өз бетінше орындалады. |