МЕМЕТОВА Азизе Салижановна,

Акъмесджит шеэри Э. Шемьи-заде адына

42-нджи мектебининъ уйкен категориялы оджасы

Оджа - шерефли зенааттыр

         Лугъатларда "оджа" сёзю насиатчы, огретиджи, деп анълатылгъан. Огретиджи топлагъан бильгилерини бере. Насиатчы омюр адетлерини, насыл яшамакъ кереклигини огрете, тербие бере. Огретмек ве насиат бермек - оджанынъ энъ эсас вазифелеридир.

         Озюмнинъ оджалыкъ теджрибемде мен чокъ истидатлы, сонъ дериджеде озь зенаатына садыкъ, самимий олгъан, маарифчи оджаларына расткетирдим. Оларнен мен зенаатлыкъ теджрибемни арттырдым, дюнья бакъышымны зенгинлештирдим.

         Бугюньки куньде къырымтатар тили оджалары ана тилини инкишаф этмеси ичюн элинден кельген ве кельмеген ишлерини япалар. Меджмуалар, методичкалар, усулий къулланмалар, чешит лугъатлар, усулий тевсиелер, джыйынтыкълар ве иляхре ннешир этелер. Бойледже, оджалар озь теджрибесинен пайлашалар.

         Бугуньки куньде "Ана тили оджаларына", "Арманчыкъ", "Йылдыз", "Къасевет", "Тасиль" меджмуалары, меним фикиримдже, оджаларгъа чокъ меракълы ве актуаль олгъан материалларны нешир этелер.

         "Эдебиат дерслерине ярдымджы усулий къулланма" Ф. М. Асанова 5 -12 сыныфлар ичюн, 2008 с.

         "Къырымтатар тилининъ тильшинаслыкъ терминлери лугъаты" А. М. Эмирова, Э. С. Ганиева, 2008 с.

         "Учебный словарь крымскотатарского языка" М. И. Алядинова, С. М. Усеинов. 2008 с.

         "Къырымтатар тили ве эдебиятындан тестлер" 5 -9 сыныфлар ичюн" Л. А. Джеппарова, Н. М. Яяева, 2005 с.

         "Эдебият дерслерине усулий тевсиелер" С. М. Акимова, 2005 с.

         "Къырымтатар тили ве эдебиятыны огренюв джерьянында интерактив шекиллернинъ ве усулларнынъ къулланувы" Л. А. Тахтарова, 2010 с.

         Юкъарыда айтып кечкен къулланмалар ве чешит лугъатларнен дерске азырлыкъ корьгенде сыкъ-сыкъ къулланам.

         Озь оджалыкъ теджрибемнен студентлернен ве зенаатдашларымнен пайлашам. Окъув йылы девамында эки кере мектебимизде КРИППО динълейиджилерини къабул этемиз. Оларгъа ачыкъ дерслер косьтерем, семинарлар кечирем ве бойледже озь теджрибемнен пайлашам.

         2005 -2006 с. КРИППО динълейиджилери ичюн "Амди Гирайбайнынъ аяты ве иджады".

         2006 -2007 с. КРИППО динълейиджилери ичюн "Бекир Чобан-заденинъ аяты ве иджады".

         2007 -2008 с. КРИППО динълейиджилери ичюн "Эшреф Шемьи-заде "Козьяш дивар" эсеринде образлар".

         2007 с. "Синоним ве антоним сёзлер" мектеп оджалары ичюн дерс.

         2008 -2009 с. "Ватан сиз ичюн недир?" шеэр оджалары ичюн мастер класс.

         2008 -2009 с. "Йыл оджасы" конкурсы.

         2009 - 2010 с. КРИППО динълейиджилери ичюн "Еди къую эфсанеси".

         2012 - 2013 с. Шамиль Алядиннинъ иджадына багъышлангъан конкурста "Шамиль Алядиннинъ аяты ве иджа", ""Теселли" эсерининъ талили" дерс-конспектлеринен иштирак.(слайды)

         КИПУ ве ТНУ студентлери бизим мектебимизде йыл девамында эки кере амелиат кечелер. Оларнен эсас дерслер, нутукъ инкишафы дерслерини кечиремиз. Студентлер чешит корьгезмелер, дивар газеталарыны азырлайлар. Бойледже студентлер теджрибе эльде этелер ве оджа оларакъ оселер.(слайды)

         Сонъки йыллары "Ана тили оджаларына" меджмуасында дерс-конспеклер, макъалелеримни дердж этем.

         "Къырым" газетасында бир сыра макъалелерим басылды.

         "Химия" 7 сыныф дерслигини къырымтатар тилине терджиме этювде иштирак эттим, 2007 с.

         "Къырымтатар тилининъ шиве сёзлери лугъаты" тизилювинде фааль иштирак эттим, 2011 с. 

Высшее, СГУ им. Фрунзе, 1999. Рус.яз и лит-ра, кр.тат.яз и лит-ра