"Алыбай алына жараша"

Абдан туура айтылган, башкача айткан туура болбойт. Колунан келбеген эле жумуштарды аткарып жүргөндөрдү көрүп, зээниң кейийт. Мен урматтаган бир агай "Кербен жүрө-жүрө түзөлөт" - деди эле. Бирок түзөлбөгөнү да болот тура. Өмүр бою окуп, окутуп, жазып жүргөндөрдү билем, дагы деле "түзөлбөдү". Арасында анысы үчүн камырабай эле "асманды сүйлөп" жүргөндөрү канча. Баары келип эле адамдын генинен көз каранды экендиги чын. Союз тарагандан кийин бирөө трактор сатып алып иштеп баштаган, бирок анысын жарытып иштете албады. Аны көргөн бир адамдын, эй жигит, атаңдын кесибин улант, бул ишти ата-бабаң жасабаган, - дегенин уккан элем. Кийин ал жигит атасынын жолун жолдоп, мал-кой багып, ийгиликке жетишкен.