Аўтарская распрацоўка . Верш "Развітанне з букваром"

Развітанне з букваром

Адгаманіла хутка лета

І восень ужо ўладарыць пачала.

Зноў старшакласнікаў чакае школа

І першакласнікаў сустрэць прыйшла пара.

Яны, як тыя птушаняты,

Ляцяць пужліва так да школьнага двара.

Што іх чакае сёння? Школа, парта, крэйда.

І новая настаўніца ў новы клас зайшла.

І панясліся тыдні, дні, гадзіны.

Урокі, конкурсы, факультатывы, спорт,

Англійскі, танцы, маляванне, спевы,

Пра шосты школьны дзень ты забываць не мог!

І вось гучыць апошні раз у першым класе

Такі прывычны ўжо для нас званок.

Буквар апошні час у руках трымаем,

Успамінаем першы школьны крок.

Нам трэба пераходзіць і далей

Другі ўжо клас чакае хутка нас.

Працягваць будзем мы з задавальненнем

Вучыцца, развівацца, працаваць.

І ў гэты час падзякі словы

Мы хочам выказаць усім тым,

Хто побач з намі працаваў сумленна,

Любіў, вучыў, карміў, гуляць вадзіў.

Вам, паважаныя, мы пажадаем

З задавальненнем лета адпачыць!

Каб у верасні такія ж немаўляткі

У школьны клас да Вас ізноў прыйшлі.

Здароўя моцнага,павагі і любові,

Каб кожны новы дзень Вам дараваў

Усмешкі, радасці, прыемныя хвіліны,

Дзіцячы смех і яркі позірк у вачах.