Толганай -жалпы адамзаттын энеси

Ч.Айтматов- тынымсыз өсүп изденип турган жазуучу.Улам бир жаңы чыгармасында мурунтан бизге белгилүү болуп келген чыгармачылыгын жаңы жактары ачылып жаткандыгын көрөбүз.Согуш мезгилинде эл турмушу жазуучунун чыгармаларында борбордук чыгарманы түздү деп айтсак болот.Бул айтканыбызга жазуучунун"Саманчынын жолу" аттуу повести ачык мисал боло алат.Ч.Айтматов мурдагы кээ бир чыгармаларындагыдай эле бул повестинде да согуш согуш темасына кайрылган,бирок бул жолу согуш каарын элге алып келген кайгыны башкача плпнда көрсөтүүнү чечкен.Бул максатта көркөм шарттуулук ыкмасын тандап алган.Адам Жер Эне менен сүйлөшөт.

Повесттин башкы каарманы Толганайдын образынын ачылышында Жер Эненин образынын тандалып алынышы кокусунан эмес.Жердин образы жалпылагыч күчкө ээ.Жер адам баласынын жакшылыгын да,жамандыгын да көп көрдү.Ошондуктан Толганай адам турмушундагы өзүн толкунтаткан учурлар,нерселер тууралуу Жерге кайрылып,Жерге акыл салат,ал эми Жер да Толганайдын кайгы-кубанычын,илгери үмүт, ак тилегин тең бөлүшүп ал тургай анын бала күнүнөн берки өмүрү менен жакшы тааныш.