Сабак деген эмне же сабак өтүүнүн жолдору жөнүндө менен өз ойлорум

Мектепте ар курактагы балдарга таалим тарбия берүү мугалимдин негизги иши болуп эсептелет. Мугалимдин бул иш-аракети көбүнчө сабак аркылуу ишке ашат. Сабак - бул мугалимдин жетекчилигинде белгилүү бир программага ылайык, туруктуу расписание боюнча, таанымдык тажрыйбасы жана курагы жагынан кескин айырмаланбаган, курамы туруктуу окуучулардын тобу менен белгилүү убакыт алкагында уюштурулган окуу ишинин формасы. Сабак окутуунун жана тарбиялоонун негизги формасы эле эмес педагогикалык иш аракеттин кичинекей бирок өтө маанилүү бөлүгү. Мугалим окутуучу катары ар бир сабагына жоопкерчилик менен мамиле жасоого тийиш. Сабактын сапаттуулугу мугалимдин чыгармачылык иш аракетине түздөн - түз байланыштуу.