11-сынып Пластмассалар

Мұғалімнің аты-жөні

Жексенбаева А.А.

Ақши орта  мектебі

Сыныбы

11

64 сабақ

Күні: 11.05- 12.05

Сабақтың тақырыбы:

Пластмассалар

Сілтеме

Білім стандарты,   пән бағдарламасы,  «Химия» оқулығы , Б.А.Мансұров 11сынып оқулығы, Алматы «Атамұра»

Жалпы мақсаты

Жоғары молекулалы қосылыстармен танысуды пластмассалар мысалында жалғасады. Пластмассаның құрамы, қасиеттерімен танысады.Пластмассаларды алу жолдары реакция теңдеулерін жазады.

Күтілетін нәтиже

Пластмассаның құрамы мен қасиеттерін ажырыта алады, пластмассаларды алу реакция теңдеулерін жазады, сызбанұсқа жасай алады, өзінің байқағаның реттеп қорытындылай алады.

Негізгі идеялар

Пластмассалар- иілгіштік қасиеті бар, сондықтан белгілі бір жағдайларда тиісті пішінге келтіруге болатын, жоғары молекулалы органикалық заттар негізінде жасалатын материалдар.

Құрал-жабдықтар:

Интерактивті тақта, интерактивтік тақта арқылы Power Point, флипчарт, маркер, қарындаш, слайдтар., Коллекция «Пластмасса үлгілері»;

Сабақтың түрі

Жаңа білімді игеру сабағы.

Әдіс-тәсілдер

Сергіту сәті, АКТ-ны пайдаланып, жас ерекшеліктеріне сай сұрақтар мен тапсырмалар«Интервью» әдісі

№10 лабораториялық тəжірибе «Пластмассаларды танып білу».№13 «Полиэтиленнің қасиетін зерттеу»,

№14. «Поливинилхлоридте хлорды анықтау»

Сабақ бойынша мұғалім жазбалары

Мұғалім іс-әрекеті

І.Ұйымдастыру кезеңі

 Сергіту сәті. Оқушыларды топқа бөліп отырғызу.

ІІ Үй тапсырмасын сұрау «Интервью» әдісі

Мұғалім сабақ барысында «нтервьюге» шығаратын оқушылардың орындықтарына стикер жабыстырып кетеді.Әрбір дұрыс жауап берген оқушыға асықты сыйға тару етіп отыруға болады. Сонында асықтың санына қарай оқушыларды бағалайды. Шыққан оқушы жауап бере алмаған жағдайда сыныптан көмек сұрайды.

Сұрақтар: 1. Мономер дегеніміз не?

2. Полимерлер деп қандай заттарды айтамыз?3. Полимерлену дәрежесі дегеніміз не? 4. Мономер мен құрылым буынның айырмашылығы неде? 5. Заттар молекулалық массаларына қарай қалай жіктеледі? 6. Жоғары молекулалы органикалық қосылыстарға анықтама беріндер. 7.Мынадай полимерлердің құрылысына сипаттама беріндер: а) сызықтық; ә) тармақты; б) кеңістік; 8. Полимерлерді алудың қандай әдістері бар? 9. Полимерлену реакциясы мен поликонденсациялану реацияларының айырмашылығы неде?

10. Термопластикалы және термореактивті ЖМҚ сипаттама беріндер. Мысалдар келтіріндер.

ІІ. Кіріспе Бейнежазба «Пластмассалар»

ІІІ кезең Негізгі кезең .Жаңа сабақ : Платмассалар

«Пластмассалардың қасиеттерін зерттеу» № 13 лабораториялық тәжірибе.

Оқушыларға 3 топқа 3 түрлі пластмассаның түрлері беріледі : І- топқа: полиэтилен; ІІ- топқа: полистирол; ІІІ- топқа : поливинилхлорид.Тапсырма : Берілген пластмассаларды тәжірибе жасау арқылы анықтау.

Жұмыстың орындалуы:

1. Термопластикалығы. Үлгінің кішкене бөлшегін кәрлен табақшаға салып немесе асбест торға қойып, жайлап қыздырыңдар. Содан соң шыны таяқшамен үлгінің жұмсарған- жұмсармағанын байқап көріндер. Байқаған өзгерістерді сипаттап жазыңдар.

2. Жанғыштығы. Үлгінің кішкене бөлшегін спиртшам жалынына ұстап тұтандырындар. Тез тұтана ма? Жалыннан шығарып алғанда әрі қарай жана ма? Жалынның түсі қандай? Жанғанда күйе шыға ма? Осыларды бақылап нәтижелерін жазындар.

ІҮ кезең Қорытынды

Лабораториялық тәжірибе №10 «Пластмассаны танып білу».208 бетте.

Полиэтилен. Балауыз тәрізді, жартылай мөлдір, майысқақ, қолмен ұстағанда май тәрізді. Қыздырғанда жұмсарады.Көк жалынмен жанады, еріген парафин тәрізді иіс шығарады. Жалынсыз жанады.

Полистирол. Түссіз қатты, шыны тәрізді зат, морт сынғыш, қыздырғанда жұмсарады, балқымасынан жіп созуға болады. Жанғанда жалын, күйе шығарады, жалынсыз да жанады.

Поливинилхлорид . Жұмсақ, майысқақ немесе түрлі түсті қатты материал. Қыздырғанда жұмсарады, сол кезде хлорлы сутегі бөлінеді.Жанғанда күйеленеді, жалынсыз жанбайды.

Үйге тапсырма:

«Пластмассаларды өндіру қажет пе?». Пікірталасқа материал жинақтау

Бағалау Топтық бағалау

Рефлексия

Оқушы іс-әрекеті Топқа бөлінеді

Ұпай жинау арқылы оқушылар бағаланады.

Оқулықпен жұмыс. Оқушылар тапсырманы топта талдайды, сосын топтың бір мүшесі басқа топтарға қорғайды , жұмыстары бағаланады.

Оқушылар жұмысты нұсқаулыққа қарап орындап, қандай пластмасса екенің анықтайды.