3 իմաստուն առակ

3 ԻՄԱՍՏՈՒՆ ԱՌԱԿ

Առակը կարճ, բայց խորիմաստ մտքերով լի ստեղծագործություն է, որն ունի խրատական և ուսուցողական բնույթ։

 25  2298

Ներկայացնում ենք 3 առակ ամենակարևորի մասին, որոնք սովորեցնում են սիրել, ընտրել ճիշտ ընկերներ և ոգևորել մարդկանց՝ դրդելով լավ գործեր կատարելուն։

Սիրո մասին

• Ո՞րն է դուր գալ և սիրել արտահայտությունների տարբերությունը։

• Երբ Ձեզ դուր է գալիս ծաղիկը, դուք այն պոկում եք, բայց, երբ սիրում եք ծաղիկը, խնամում ու ամեն օր ջրում եք։

Ընկերների մասին

Մի իմաստունի հարցնում են։ Ընկերության քանի՞ տեսակ գոյություն ունի։

– 4 տեսակ, – պատասխանում է նա։

• Կան ընկերներ, որոնքն նման են ուտելիքի․ դուք նրանց պահանջն ունեք ամեն օր։

• Կան ընկերներ, որոնք դեղի նման են։ Նրանց փնտրում եք այն ժամանկ, երբ լավ չեք զգում։

• Ընկերներ կան, որոնք հիվանդության նման են։ Նրանք են փնտրում ձեզ։

• Բայց կան նաև այնպիսի ընկերներ, որոնք օդի նման են․ տեսանելի չեն, բայց միշտ ձեզ հետ են։

Բառերի ուժը

Երկու մտերիմ ընկերներ զրուցում են․

• Իմ կինն այնքան անփույթ ու թափթփված է։ Ես նրան ամեն օր ասում եմ այդ մասին, բայց այդ խնդիրն օրեցօր ավելի ու ավելի ակնառու է դառնում։

Երկրորդ ընկերը պատասխանում է․

• Իմ կինը շատ մաքրասեր ու հիանալի տնային տնտեսուհի է։ Նա ամեն օր ավելի կատարյալ է դառնում։ Ես նույնպես նրան հիշեցնում են այդ մասին։

Բառերի ուժը մեծ է ու շատ ազդեցիկ։ Լավ խոսքերը մարդուն ստիպում են ավելի լավը դառնալ և հակառակը, երբ մարդուն անընդհատ հիշեցնում են նրա վատ արարքների մասին, նա երբեք չի կարող փոխվել։