3 саны һәм цифры

Тема: 3 саны һәм цифры.

Максат: 1. 3 саны һәм цифрының ясалышы, язылышы белән таныштыру.

2. Телдән мәсьәләләр чишүне, логик фикерләүне,күзаллауны үстерү.

3. Дәрестә бер-берләренә дустанә мөнәсәбәт тәрбияләү.

Дәрес тибы: яңа материалны өйрәнү һәм беренчел ныгыту

Материал: дәреслек

Җиһазлау: 3 санының составы, тәңкә акчалар, магнитлы цифрлар, флаг, светофор

рәсемнәре.

Дәрес планы.

I. Оештыру.

1. Исәнләшү.

2. Дәрескә әзерлекне тикшерү.

3. Уңай психологик халәт тудыру.

- Укучылар, бүген нинди матур көн. Балалар, кояш елмайган кебек сез дә бер-берләрегезгә елмаеп карагыз әле, сезгә рәхәт булдымы? Шушы яхшы кәефләрне дәрес ахырына кадәр җиткерик. Урыннарыгызга утырыгыз.

II. Актуальләштерү.

1. Бүгенге дата турында әңгәмә.

- балалар, бүген ничәсе? (20)

- бу число нинди саннардан тора? (2 һәм 0)

- без бу цифрлар белән танышмы? (әйе)

- бу цифрның күршеләрен әйтегез әле? (1,3)

- 1 һәм 3 саннары арасында сезгә кайсы цифр таныш? (1 саны һәм цифры).

- ә 3 саны турында нәрсә әйтә аласыз, ул сезгә танышмы? Без аны язарга өйрәндекме әле? (юк)

- димәк, без бүген дәрестә нинди сан һәм цифр турында өйрәнәчәкбез? (з)

III. Яңа материал өстендә эш.

1. Дәреслек белән эш.

- тагын 3 санына туры килгән предметлар бармы?

- сез тагын үзегез 3 саны кергән нәрсәләр беләсез? ә сез әкиятләр белмисезме? (“Өч аю”, “3 кыз”, “3 дуңгыз”)

2. 3 санының ясалышы.

Мәсьәлә:

Минем 1 сары карандашым бар иде, миңа тагын 1 яшел һәм 1 кызыл карандаш алдылар.Минем ничә карандашым булды? (3)

- ә сез каян белдегез? (1 сары янына 1 яшелне куйдым, булды 2, шулар янына 1 кызылны куйгач, булды 3)

Чәчәктә 2 күбәләк утыра, алар янына тагын 1 күбәләк кунды, хәзер алар ничә булды? (3)

- ә сез каян белдегез? (2 санына 1не өстәдек, ягъни 1 гә арттырдык, күбәйттек, булды 3)

Акчалар (тәңкә) белән эш. Кибетче уены.

- мин сезне бүләм 3 төркемгә, һәр төркемдә ничәшәр кеше булдыгыз? (3) сезгә өләшәм тәңкә акчалар.

- бу ничә сумлык акчалар? (1сум, 2сум, 5сум)

Мәсьәләне тыңлагыз: дәфтәр алырга дип кибеткә килдегез. Дәфтәрнең бәясе 3 сум тора. Хәзер сез миңа 3 сум акчаны җыеп бирерсез. Акчагыз төгәл булсын, минем сдачам юк бирергә. (укучылар җыялар)

1 ысул: 1сум + 1сум + 1сум = 3сум

2 ысул: 2сум + 1сум = 3сум

(белмәгән ысулны әйтү)

3. 3 санының составы.

- балалар, һәрбер саннарның үзләренең өйләре бар, менә безнең 3 саны тора икән 5 этажлы өйдә. (рәсемне күрсәтү)

- шушы 5 этажлы өйнең бүлмәләрендә нинди саннар яши икән соң? Әйдәгез, бергәләп уйлыйк әле. Өч килеп чыксын өчен нинди саннарны кулланабыз? (0,3; 3,0; 1,2; 2,1; 1,1,1;)

Укучылар әйтә, укытучы яза.

4. Дәреслек белән эш.

(3 санының язылышы белән таныштыру)

- 3 санын язу өчен нинди цифрны кулланабыз, шуны фишкалар белән каплап куегыз.

- 3 цифрына охшаган предметларны яки аларның кисәкләрен күрсәтегез.

- 3 цифрының язылышын аңлату;

- тактада язып күрсәтү;

- һавада язу;

- үрнәк цифрны йөртү;

- дәфтәрдә язу.

IV. Физкультминутка.

V. Ныгыту.

1. 3 цифрын таптыру.

1 6 5

4 2 7

- бирелгән цифрлар арасыннан 3не табыгыз әле. (3 юк)

- юк мени, куярга онытканмын, тагын 3не нинди цифрлар ярдәмендә ясап була? (1 һәм 2)

2. 3 саны кергән предметларны әйтү.

Флаг, светофорны әйттерү, төсләрен аңлату.

VI. Йомгаклау.

- сез бүген дәрестә нәрсәләр турында белдегез? (3 саны һәм цифры)

- 3 саны белән нәрсәләр эшләдек һәм эшләргә өйрәндек?

VII. Рефлексия.

У кучылар күтәрәләр. - кайбер өлешләре аңлашылмады (нәрсә икәне әйттерү)

- барысында аңладым

- аңламадым