7 պլան կոնսպեկտ

Ամիս ամսաթիվ 17.10. 2023 թ.

Աշակերտներ-8

Հացիկի միջնակարգ դպրոց

Ուսուցիչ` Անահիտ Բաղդասարյան

10-րդ դասարան, հայոց պատմություն

Դասի թեմա-Վանի թագավորության հիմնադրումը, հզորացումն ու անկումը

Դասի նպատակը-ամրակայել նախորդ դասերին յուրացրած գիտելիքները կրթական հարթակի միջոցով:

Վերջնարդյունքներ-ա/կկարողանան խորացնել և ամրապնդել գիտելիքները Վանի նշանավոր արքաների (Իշպուինի, Մենուա, Արգիշտի Առաջին, Սարդուրի Երկրորդ և այլ թագավորներ) գործունեությունների վերաբերյալ.

բ/կներկայացնեն նրանց արշավանքների ուղղությունները.

գ/ քարտեզի վրա կտեղանշեն տարածքային ընդլայնումները.

դ/կարտահայտեն իրենց կարծիքը թագավորների պետականաշեն, պետականամետ գործունեության վրաբերյալ.

դ/կտիրապետեն Աշարհացույց հարթակի գործիքներին.

                                  Դասի նկարագիրը

Դասն սկսվեց հաճախումների հաշվառումով, ընդհանրական հարցման միջոցով կատարվեց անդրադարձ ուսումնասիրված նյութերին ( Վանի թագավորության հիմնադրումն ու ամրապնդումը, Վանի թագավորության հզորացումն ու անկումը): 

Հետո ցանկացանք օգտագործել հարթակի հնարավորությունները ձեռք բերած գիտելիքների ամրապնդման և լրացուցիչ նյութերի հիման վրա (որը տալու էր հարթակը) գիտելիքները  խորացնելու համար: Աշակերտներն արդեն ծանոթ էին հարթակին և իմ ուղղորդմամբ ուսումնասիրեցին քարտեզը, նշեցին վայրեր, դիտեցին նկարներ, ընթերցեցին լրացուցիչ նյութերը` թեմային առնչվող: Ապա դիտեցին տեսանյութը, կազմեցին հարցեր` նկատի ունենալով նյութի բովանդակությունը: Ստեղծեցին պատճառահետևանքային հարցադրումներ և պատասխանեցին հարցերին:

     Քանի որ հաջորդ դասին գրելու էին թեմատիկ  գրավոր աշխատանք, և, բացի  Վանի թագավորության վերաբերյալ եղած նյութերից, ընդգրկելու էի հարցեր թեմայից, ընտրեցին հարթակում առկա թեստը, որը վերաբերում էր նաև պետական կազմավորումներին:

       Աշակերտները սիրով ու հետաքրքրությամբ կատարեցին թեստային աշխատանքը: Ընդ որում, սկզբում թույլ էին տալիս սխալներ, հետո, մի քանի անգամ կրկնելով,  սովորեցին իրենց թույլ տված սխալների վրա, և արդեն բոլորի մոտ ստացվում էր համապատասխանեցումը:

Շնորհակալություն   կրթական հարթակին մեզ տված հիանալի հնարավորությունների համար: