9-май Жеңиш күнү

Чүй облусу Панфилов району Есенжан Кожомкулов атындагы жалпы билим берүү орто мектеби

Сабактын темасы: 9-май Улуу Жеӊиш күнү.

Сабактын максаттары: а)Окуучулар Улуу Ата мекендик согуш тууралуу маалымат алышат; b) Окуучулар Ата Мекенин сүйүүгө, ардактоого, коргоого жана патриоттуулукка, эр жүрөктүүлүккө, боорукерликке жана күжүрмөн эмгекчилдикке тарбияланышат.

Улуу Жеӊишке 76-жыл

76-жыл мурун, 1941-жылы 22-июнда Улуу Ата Мекендик согуш башталган. Согуш СССРге Германиянын кол салуусу менен башталган. 1941-жылы 22-июнда түнкү саат 3төн 10 мүнөт өткөндө Львов облусунун коопсуздук кызматы УССР КГБ кызматына шашылыш коңгуроо чалып,

Сокаль шаарынын аймагындагы чек арадан өткөн вермахт ефрейтору Альфред Лисков кармалганын, 22-июнда таң эрте Германия аскерлери согуштук чабуулга өтөрүн айтканын билдирет. Бирок немистер таңдын атышын күтпөй, түнкү саат 3:30да чабуулга өтүшкөн. Ошентип, Экинчи дүйнөлүк согуш башталган.

Улуу Ата Мекендик согушка кыргыз жеринен 360 миңден ашуун адам аттанган. Алардын ичинде миңге чукулу аялдар болгон. 160 миңден ашуун жоокер согушта курман болгон.

"Советтер Союзунун Баатыры" наамын алган биринчи кыргыз Дүйшөнкул Шопоков болгон. Улуу Ата Мекендик согушта кыргыз жеринен аттанган 150 миңдей жоокер орден жана медалдар менен сыйланып,

71 жоокер "Советтер Союзунун Баатыры" деген наамга татыган. 29 жоокер үч даражадагы Даңк ордени менен сыйланган. Алардын ичинен 8 жоокер Даңк орденинин үч даражасын тең алган.

Жыйырма сегиз Панфиловчулар  – Улуу Ата Мекендик согушта Москва алдындагы салгылашта артыкча эрдик көрсөткөн панфиловчу жоокерлер .

Жыйырма сегиз  баатыр дын 23ү курман болгон. 1975-жылы бул салгылашуунун ордуна «Жыйырма сегиздин эрдигине» деген эстелик  ансамбль  тургузулган.

Панфиловчулардын эрдиги эч качан унутулбайт!

Келген жок” ( үзүндү) С: Кубанычбек Мукашовдуку, О: Мукан Рыскулбековдуку Тоо томсоруп көл боздоп, Убайым жайын жел козгоп. Узатып калган селкини, Көзүнөн чайып жел козгоп. Атасы кеткен бирөөнүн, Айылына кайра келбеди. Бешикте калган баласын, Бир жолу чиркин көрбөдү. Баласы кеткен бирөөнүн, Жадырап кайра келген жок. Жайкалган аппак сакалдуу, атасы уулун көргөн жок.

“ Эл башына күн түшсө элин сактаар, эр чыгат” дегендей Кыргызстандын 75 эр азаматы “Советтер союзунун баатыры” деген ардактуу наамга татыктуу болушат. Эрдигине жаркын элесине арналган  Мукан Рыскуловдун  "Чолпонбай" аттуу ырында: Уулдары жоого аттанып, Азаматтары эл коргомок душмандан. Кан агызып тынч уйкуну бузгандан, Жер-эне жалындайт, Аккан кан көз жашка. Дүйнө жүзү сузданган. Мекен үчүн таштан бүткөн чеп коюп, Баскынчылык кандуу жолун токтотот. Жаш өмүр миллион, Тоо уулу Чолпонбай, Төшү менен ок тосот.

1945-жылдын тогузунчу майында Москва убактысы боюнча 21 саат 50 мүнөттө дүйнө жүзүнө бүткүл союздук радионун диктору Игорь Борисович Левитан Улуу Жеңишти шаттана “Көңүл буруңуздар Москва сүйлөйт! 1945-жылдын 8-майында Берлинде Германиялык Жогорку комендантчылыктын өкүлү менен кынк этпечстен жеңидгендиги (багынгандыгы) жөнүндөгү актыга кол коюлду. Улуу Ата Менкендик согушта совет эли немистик фашисттик баскынчыларга болгон күрөшү жеңиш менен аяктады Германиянын бүтүндөй таш талканы чыкты. Түбөлүк данк! Биздин мекендин көз карандысыздыгы, эркиндиги үчүн күрөшүп өмүрүн кыйышкан баатырлар, Жеңишчил кызыл армиянын жана согуш - деңиз флотунун жоокерлери жашасын!” деп жар салат .

Согуш учурунда Левитандын үнү менен ойгонуп, Левитандын айткан кабарлары менен укташкан көп улуттуу баатырлар совет эли кубанычтын кучагына батышат. Шаңдуу ырлар, шайыр күүлөр таңшыйт. “Ошентип советтик армияга кол куушуруп, түбөлүккө башын ийди. Берлин. Тогузунчу майдын күнү, тарыхта “ Жеңиш” күн деп кала берди.

Жеңиш күнү Жеңиш күнү алыстагы от болуп, Көрүнчү эле араң жанган чок болуп. Өрттү, чаңды кечип чабуул салганбыз, Жеңиш күнүн жакындатып алганбыз. Бул жеңиш күн майрам, даары жыттанган Адамдардын саамайларын ак чалган Көздөрүнөн жаш кылгырып шаттанган Жеңиш күнү, жеңиш күнү, жеңиш күнү

Эрдик эскирбейт, жоокер унутулбайт! Урпактарга ураан болчу Улуу Жеңиш  улам жыл арылаган сайын жаш муундарга унутулбай түбөлүк сакталат!   Эч ким, Эч нерсе унутулбайт!

Сабакты бышыктоо: 1. «Улуу Ата Мекендик» согуш кайсы жылы башталып, кайсы жылы бүткөн? 2.Быйыл биз жеӊиштин канча жылдыгын белгилейбиз?

Үйгө тапшырма: 9-майга арналган ырларды жаттоо.

Эч ким, эч нерсе унутулбайт!