Ա տառի դաս-միջոցառում

Ա տառի դաս-միջոցառում /2019/

Առարկա – Մայրենի

Դասարան- Առաջին

Ուսուցիչ –Մարինե Զարոյան

Դասի թեմա - Ա հնչյուն-տառի ուսուցում

Դասի տիպը – Հաղորդման

Դասի հիմնական նպատակները.

• Ծանոթացնել Ա հնչյունի և նրա ձեռագիր և տպագիր տառի հետ

• Կարողանալ որոշել Ա հնչյունի տեղը բառի մեջ, ասել ա հնչյունով սկսվող, ա պարունակող, ա-ով վերջացող բառեր

• Ամրապնդել նախայբբենական շրջանում ձեռք բերած գիտելիքները /պատմություն-նախադասություն-բառ-վանկ-հնչյուն շղթայի ամրապնդում, ձայնավոր և բաղաձայն հնչյունների տարբերակում, միավանկ և բազմավանկ բառերի իմացություն, պարզ գծապատկերների կառուցում/

• Դասի նպատակը՝

• M Ամրապնդել պատմության, նախադասության, բառի, վանկի, ձայնավոր և բաղաձայն հնչյունների մասին ունեցած գիտելիքները:

• M Զարգացնել բանավոր խոսք կառուցելու,վերլուծելու,համադրելու կարողությունները:

• M Զարգացնել բառակազմական ունակությունները, բառերը հնչյունային վերլուծության ենթարկելու, դրանց գծապատկերները կառուցել կարողությունները:

• M Ա հնչյուն-տառի տեղի որոշում բառում:

• M ², ³ հնչյունի արտասանության և տառի գրության ուսուցում:

• Անհրաժեշտ պարագաներ՝ համակարգիչ, պրոյեկտոր, կոմպոզիցիա §Աշնանային անտառ¦, կենդանիների,թռչունների նկարներ,մեծադիր տառեր, պաստառներ, քարտեր, ածուխ,նուշ:

Սոցիալական նպատակները.

• Դաստիարակել սեր մայրենի լեզվի և գրի նկատմամբ

• Ձևավորել ընկերասիրություն և հանդուրժողականություն

Խնդիրերը.

• Բանավոր խոսքի զարգացում, բառապաշարի հարստացում նոր բառերով և բառակապակցություններով

• Համագործակցելով աշխատելու կարողության ձևավորում

Կահավորումը

• Մ.Մաշտոցի մեծադիր նկար

• ասեղնագործ տառադարան

• թեմատիկ նկարներ, ծրարներ, ջրաներկ, վրձին,

• համակարգիչ և պրոեկտոր

• սպիտակ թղթեր

Օգտագործող մեթոդներ - Խաղային տեխնոլոգիաներ, բառերի տեսակավորում, զույգերով աշխատանք, խճանկար, մտագրոհ, կանխագուշակում

Դասի ընթացքը

Խթանման փուլ

Երեխաները ողջունում են երգով/բարև/ նստում են

Ուսուցիչ _

-Ողջո՛ւյն, մեծն Մաշտոցի ժիր ու կայտառ թոռնիկներ

-Ողջո՛ւյն,

Առավոտյան ուղերձ

Ուսուցիչ _ երեխանե՛ր, աքաղաղն ինչո՞ւ է կանչում

Աքաղաղը զիլ կանչում,

Ա-ի ծնունդն է ավետում,

Բարի լուրն է այս հայտնում

Ու բոլորին մեր բաց դասին հրավիրում:

Աշակերտ- Հանդիսատես մեր սիրելի,

Օր է այսօր սովորական,

Բայց մեզ համար շատ տոնական:

Աշակերտ- Գիտեք մենք դեռ փոքրի՞կ ենք: Ո'չ, ո'չ, ո'չ: Մենք մեծն Մաշտոցի սաներն ենք և պետք է սերտենք նրա անօրինակ գյուտը` այբուբենը:

Ուս.- Ի՞նչ գիտենք Մաշտոցի մասին:

-Մեսրոպ Մաշտոցը ծնվել է361 թվին՝ Տարոնի գավառի Հացեկաց գյուղում:

ՈՒՍ.-ի՞նչ գիտեք այբուբենի ստեղծման մասին

- Շատ հին ժամանակներում Հայաստանը բաժանվել է 2 մասի, և մենք՝ հայերս, հայտնվել ենք շատ ծանր վիճակում: Մեզ անհրաժեշտ է եղել գիր, տառեր:

-ՈՒ այդ ժամանակ Մ. Մաշտոցը որոշել է ստեղծել այբուբենը: Նա իր օգնականների հետ, մեկնել է տարբեր երկրներ, ուսումնասիրել այդ երկրների գրերը: Իսկ 406 թվականին ստեղծել հայոց այբուբենը:

-Հայերեն այբուբենը ստեղծելուց հետո Հայոց Առաջին Ուսուցիչը ժողովրդի մեջ քրիստոնեությունը լավ տարածելու համար Աստվածաշունչն ու շատ ուրիշ գրքեր է թարգմանել հայերեն:

Ուսուցիչ- Երեխանե՛ր, կարո՞ ղ ենք բոլորս միասին ասել մեսրոպյան տառերով գրված առաջին նախադասությունը:

Աշակերտ- Ճանաչել զիմաստութիւն և զխրատ, իմանալ զբանս հանճարոյ:

Ուս.- Հայաստանն ամենահին երկրներից մեկն էր, որտեղ ստեղծվեց ազգային գիր ու գրականությունը: Եվ այդ չափազանց կարևոր գործը իր ուսերին վերցրեց Մեսրոպ Մաշտոցը՝ հայոց առաջին ուսուցիչը /ձեռքով ցույց տալ /: 405 թվից մինչ օրս հազարավոր սերունդներ, դժվար թե հեշտ, բայց սովորում են հայոց այբուբենը և Ա տառով մուտք գործում տառերի գանձարան: Քանի որ դուք բավականին տեղեկացված եք, ես կավելացնեմ միայն այն,որ Մեսրոպ Մաշտոցը մահացել է 440 թ-ին, և իր աշակերտ Վահան Ամատունու ցանկությամբ թաղվել է Օշականում:

Աշակերտ-Մեսրոպ Մաշտոցն է երկնել հայ գիրը,

Ու մեզ նվիրել հայոց երկիրը:

Աշակերտ- Շրջել է նա աշխարհից աշխարհ,

Չի ունեցել քուն ու դադար:

Ստեղծել է այբուբենը,

Որ միշտ ապրի հայերենը:

Աշ----խոնարհում, Ով մեծարգո Մեսրոպ Մաշտոց,

Մեր առաջին բացված դպրոց,

Մեր առաջին լեզվի հանճար,

Լուսապայծառ հայոց տաճար:

Աշ- Շրթունքներով մեր մանկական

Քեզ հազար փառք հավերժական

Ամեն մի գիրք անմար ճրագ,

Մեզ հայ պահող անմար կրակ:

Աշ--------Դու մեր մեծ պապ Հացեկացից

Տարոն դաշտի քաղցր հողից,

Շրթունքներով մեր մանկական

Քեզ հազար փառք հավերժական:

Աշակերտ- Փա'ռք քեզ մեր Մաշտոց,

Փա'ռք քեզ ով հանճար,

Մենք պիտի գովենք

Քո անունը հար:

ԵՐԴՈՒՄ Ենք ՏԱԼԻՍ`ԱՇԱԿԵՐՏԱԿԱՆ

ԱՉՔԻ ԼՈՒՅՍԻ ՊԵՍ ՊԱՀԵԼ, ՊԱՀՊԱՆԵԼ

ՄԵՐ ԼԵԶՈՒՆ, և ՏԱՆԵԼ ՀԱՍՑՆԵԼ ՀԱՋՈՐԴ ՍԵՐՈՒՆԴՆԵՐԻՆ:

երդվում ենք, երդվում ենք, երդվում ենք…

երգ` Երգել Մ. Մաշտոցի մասին երգ/Մ. Մաշտոցն աղոթեց…/:

Ուսուցիչ-------Երեխանե՛ր, գիտե՞ք, երբ հայ ժողովուրդը տառեր ունեցավ լուսավորվեց, գրի տեր դարձավ, սկսեց թագմանություններ անել, գրքեր ստեղծել: Սկզբում մեր գրքերը գրվում էին ձեռքով ՝ մագաղաթի վրա, հետագայում սկսեցին տպագրել: Եվ երբ դուք առաջին անգամ դպրոց եկաք ո՞ր գիրքը առաջինը ձեզ տրվեց

Խումբը- Այբբենարանը:

Աշ--------Ահա գիրքն իմ առաջին,

Այն ծանոթ է բոլորին,

Այս գրքով եմ սովորում

Կարդալ, գրել, աշխատել,

Հարազատ են այս գրքում

Ամեն նկար-պատմություն:

Ո ւսուցիչ- Իսկ հիմա երեխաներ եկեք տեսնենք, թե ինչ ենք սովորել այս մեկուկես ամսվա ընթացքում: Էկրանին ի՞նչ ենք տեսնում (նկար-պատմություն):

Իսկ ո՞վ կարող է ասել` ի՞նչ բան է պատմությունը

- Պատմությունը խոսքի ամենամեծ միավորն է:

-էլ ի՞նչ գիտենք

-Գիտենք, որ նախադասությունները մտքով կապվում,

դառնում են մի ամբողջություն, որն անվանում ենք մի բառով՝

ՊԱՏՄՈՒԹՅՈՒՆ

- Ի՞նչ ունի պատմությունը

- վերնագիր, սկիզբ և ավարտ:

Եկեք վերնագրենք նկար-պատմությունը

բնություն, լուսաբաց, աղվեսն ու շունը, անտառում...

__Աշխատանք նկար-պատմության շուրջ չենք կատարի, վստահ եմ, որ կկարողանաք հերթականությամբ բացել պատմության մասերը և պատմել նկարի բովանդակությունը:

Նկարների բովանդակության վերարտադրում՝ կրկնելով պատմություն- նախադասություն- բառ- վանկ- հնչյուն շղթան:

Ինչե՞ր պետք է միացնենք իրար, որպեսզի ստանանք պատմություն

- նախադասություններ:

Ով կարող է ասել, ինչ է ներկայացված սահիկում

-նկար_ նախադասություն

- Նախադասությունը ինչերի՞ ց է կազմված

- Նախադասությունը կազմված է բառերից:

Իսկ հիմա եկեք առանձնացնենք մի նախադասություն, տեսնենք` քանի՞ բառից է կազմված

Նախադասությունների առանձնացում(Արծիվը սավառնում է երկնքում: Արջը մեղր է ուտում: Աղվեսը թաքնվել է ծառի հետևում: ) Գծապատկերների կառուցում:

-Ինչ եք տեսնում

-նկար-բառեր: Երեխաներ բառերն էլ են բաժանվում մասերի, ծափիկներով ինչերի՞ էինք բաժանում (վանկերի): Ծափիկներով վանկատում ենք բառեր` աղվես, արծիվ, արջ:

-Ինչու է նկար_ բառերում՝ վանդակներից որոշները գունավորված կանաչ գույնով

-որովհետև այս բառերի մեջ բացի բաղաձայն հնչյուններից, ունենք նաև ձայնավոր հնչյուններ

-Իսկ ի՞նչ բան է հնչյունը, ով կարող է ասել:

-Հնչյունը խոսքի ամենափոքր միավորն է, այն արտասանում ենք և լսում

Ուսուցիչ- Իսկ ինչու՞ ենք անվանում ձայնավոր:

-Որովհետև երկար են հնչում (ա, ի, ու, օ, է,ը):

-ՄԵԶ ԱՍՈՒՄ ԵՆ ՁԱՅՆԱՎՈՐ,

ՉԷ՞ ՈՐ ԽՈՍՔՈՒՄ ԲԱՆԱՎՈՐ

ՄԵՐ ՏԵՂՆ ՈՒՆԵՆՔ ԿԱՐԵՎՈՐ.

ԱՌԱՆՑ ՄԵԶ ԲԱՌ ՉԵՆ ԿԱԶՄԻ,

ՊԱՐԶ ՈՒ ՀՍՏԱԿ ՉԵՆ ԽՈՍԻ.

ՎԵՑ ՁԱՅՆԱՎՈՐ ՀՆՉՅՈՒՆ ԵՆՔ,

ՎԵՑ ԿԱՐԵՎՈՐ ՁԱՅՆ ՈՒՆԵՆՔ:

Խոսել պատմություն- նախադասություն-բառ-հնչյուն շղթայից:

², ³

Իմաստի ընկալում

 Թեմատիկ նկարի բովանդակության վերարտադրում:

*Նշված բառերում որոշել Ա հնչյունի տեղը:

*Թելերով ստանալ ², ³ տառը:

*Քարտերում պատկերված առարկաների գծապատկերներում Ա տառի տեղի որոշում (գծապատկերում նշել կանաչ գույով), պատկերների գունավորում:

Ուսուցիչ-----Այսօր կծանոթանանք մաշտոցյան այբուբենի առաջին տառի հետ: Իսկ դուք գիտեք, թե որ տառի մասին է խոսքը:

ՈՒՍ- Ա-ով է սկսվում այբուբենը մեր

Մեր հայոց լեզվի առաջին տառը,

Մեր Արաքս գետը, մեր Անին ավեր

Եվ հայոց հրաշք Արարատ լեռը:

Եկեք տեսնենք Ա տառի ստեղծման պատմությունը

Ա տառի ստեղծման հեքիաթը

Ամպն ու Արևը վիճում էին.

-Ես եմ երկնքի թագավորը,- ասում էր ամպը,- եթե բարկանամ, անձրև կտեղա:

-Ա´յ ամպ, ես երկնքի ու երկրի արքան եմ, որովհետև իմ շողերով ջերմացնում եմ աշխարհը,- հակառակն էր պնդում արևը:

Ամպը բարկացավ և ծածկեց Արևին: Ամպրոպ սկսվեց և ուժեղ անձրև տեղաց:

Այդ աղմուկն ու աղաղակը լսեցին թռչունների արքա Արծիվը և կենդանիների արքա Առյուծը: Նրանք ամոթանք տվեցին արևին ու ամպին՝ ասելով.

-Դուք երկուսդ էլ ուժեղ եք հավասարապես: Առանց որևէ մեկիդ մարդն ապրել չի կարող:

Ամպը հասկացավ իր սխալը և ճանապարհ տվեց Արևին: Արևը կամաց-կամաց փայլեց Ամպի տակից:

Նրա առաջին շողը տեսնելով՝ առաջին դասարանցի Անուշիկը բղավեց.

-Մայրի՛կ, Ա տառը երկնքու՜մ է:

Ամպը շատ ամաչեց իր արարքի համար, բայց որտեղից որտեղ հայտնվեց փոքրիկ Ամպիկը.

-Ա՜,ա,՜ա՜... թու՛յլ տվեք, թու՛յլ տվեք:

Նա լողաց երկնքով, փքվեց ու ա փոքրատառ դարձավ:

-Մայրի՛կ, ես չեմ ուզում, որ դու ու արևը վիճեք, այդ դեպքում ես ու շողն էլ իրար հետ կվիճենք:

Ամպիկին ու Շողիկին տեսնելով՝ Արևն ու Ամպը ուրախացան, որ իրենց զավակները համերաշխ են:

Իսկ փոքրիկ Անուշիկը, ով հետևում էր նրանց վեճին, շա՜տ ուրախացավ, երբ տեսավ նրանց բոլորին հաշտ ու համերաշխ: Նա նաև շատ ուրախ էր նրա համար, որ ակամայից ականատես եղավ Ա տառի ծնունդին ու սովորեց Ա տառը:

Ուսուցիչ -Այժմ եկեք մենք էլ ծանոթանանք Ա հնչյուն տառի տեսքի:

Ա հնչյունի տառը այսպիսի տեսք ունի, որը կարող է լինել և' տպագիր, և' ձեռագիր: Տպագիրը հանդիպում ենք գրքերում, իսկ ձեռագիր մենք միասին պետք է սովորենք գրել: Ա տառը ունի իր անունը, իր անունը Այբ է: Ա տառը, ինչպես բոլոր տառերը կարող է լինել թռչնի, կենդանու տեսքով:

Աշակերտ- ես այբուբենի առաջին տառն եմ,

Բոլոր տառերի առաջատառն եմ:

Աշակերտ- Ես Ա տառն եմ, անունս` Այբ,

Ա հնչյունի պատկերը վառ,

Լինում եմ ես և 'մեծատառ, և' փոքրատառ:

Ուսուցիչ- Իսկ դուք գիտե՞ք, թե ինչ է այբուբենը:

-Այբուբենը հնչյունների, տառերի շարքն է: Հայերենի առաջին ուսուցիչ Մ. Մաշտոցը 405 թ.-ին ստեղծեց հայերեն տառերը և այդ պատճառով էլ դրանք ստացան մեսրոպյան այբուբեն անվանումը: Նա բացել է առաջին դպրոցը և իր աշակերտներին սովորեցրել է կարդալ, գրել: Հետո էլ իր աշակերտների հետ շրջել է հայկական գյուղերն ու քաղաքները և հայ մանուկներին սովորեցրել գրել ու կարդալ:

Ֆիզկուլտ-դադար

Ուսուցիչ- իսկ հիմա մի փոքր թարմանանք: Բոլորդ կանգնում եք, վերցնում եք սեղանի վրա դրված տառերը և սկսում ենք.

Մեր ձեռքերն են աջ և ձախ,

Ամեն ձեռքին մի-մի տառ` Ա մեծատառ, Ա փոքրատառ,

Հնչյունների առաջատար:

Իսկ հիմա երեխաներ ծանոթանանք դասին:

Նկարում գյուղ է /ո՞ր գյուղն է/. Արալեզ:

Հիմա ամեն մեկդ մի նախադասություն եք ասում, որ մեր նկար-պատմությունը ձևավորվի: Եկեք անուններ տանք երեխաներին (Անի, Արամ, Աշոտ): Ահա` Անին, Արամը, Աշոտը եկել են արևածագը դիմավորելու: Արծիվը սավառնում է երկնքում: Ամպերը լողում են երկնքում: Արևը պայծառ շողում է:

-Հեռվում ի՞նչ է երևում (Արարատ լեռը),

-ուրիշ ինչպե՞ս ենք անվանում Արարատ լեռը (Մասիս, Սիս):

-Արարատ լեռը երեխաներ անվանում են նաև Նոյան լեռ, որովհետև, ըստ Աստվածաշնչի, Նոյի տապանը իջել է Արարատ լեռան գագաթին:

-Ի՞նչ ենք տեսնում

- Սարի գագաթը պատված է հավերժական ձյունով:

-Արևածաղիկները ժպտում են:

- Աղվեսը ի՞նչ է անում

- Աղվեսը գաղտագողի հետևում է աքաղաղին:

- Ուրիշ ի՞նչ եք տեսնում

- ավտոբուսը անցնում է կամրջի վրայով:

Վերևում երևում են սպիտակ ամպերը:

Պայծառ արևը ժպտում ու ջերմացնում է բոլորին:

Կամրջի տակով անցնում է գետակը: Կամրջի մոտ կա երկու սլացիկ բարդի, արևածաղիկներ:

-Իսկ հիմա նկարների բառերը հնչյունային վերլուծության ենթարկենք

ար-ծիվ, ա- քա-ղաղ, աղ-վես:

Իսկ հիմա նայում ենք ներքև` նկարելուկներ են:

Սա ի՞նչ է` շուն, եթե Ա տառը ձախից միացնենք շուն բառին, ի՞նչ կստանանք` աշուն: Բառը փոխեց իր իմաստը (նմանատիպ աշխատանք կատարել նաև նուշ, ծուխ բառերի դեպքում): Աշակերտ- Օրն է կարճանում,

Ծառն է մերկանում,

Անձրևն է մաղում,

Քամին է խաղում,

Այդ ե՞րբ է լինում:

-Աշնանը:

Աշակերտ- Ես իմ բույրով, տեսքով աննման,

Անտառն եմ ներկել գույնով անսահման:

Բերել եմ ձեզ պես-պես մրգեր

Եվ գեղեցիկ շատ նկարներ: աշուն

Իմաստի ընկալման փուլ Օր առաջ իրականացված կավճանկարչության նկարների ցուցադրում համակարգչով և պարզաբանում աշակերտների կողմից/ երեխաները նկարել էին ա հնչյունով սկսվող առարկաներ/: Այս փուլում կանցկացվի նաև դիդակտիկ խաղ` ա հնչյունի տեղը բառի մեջ գտնելու նպատակով:Մինչ խաղն սկսելը վերհիշել ձայնավոր և բաղաձայն հնչյունները: Աշակերտները պետք է փորձեն ճիշտ տեղում փակցնել նկարը` նախօրոք որոշելով ա հնչյունի տեղը տվյալ բառում: Այնուհետև այդ բառերը կտեսակավորեն` ըստ նրանում պարունակվող վանկերի:

Օր առաջ իրականացված կավճանկարչության նկարների ցուցադրում համակարգչով և պարզաբանում աշակերտների կողմից/ երեխաները նկարել էին ա հնչյունով սկսվող առարկաներ/: Այս փուլում կանցկացվի նաև դիդակտիկ խաղ` ա հնչյունի տեղը բառի մեջ գտնելու նպատակով:Մինչ խաղն սկսելը վերհիշել ձայնավոր և բաղաձայն հնչյունները: Աշակերտները պետք է փորձեն ճիշտ տեղում փակցնել նկարը` նախօրոք որոշելով ա հնչյունի տեղը տվյալ բառում: Այնուհետև այդ բառերը կտեսակավորեն` ըստ նրանում պարունակվող վանկերի: Խաղն ամփոփելուց հետո, անցնում ենք Ա տառի էջի նկար –պատմությանը, որը ևս կցուցադրվի մեծ էկրանով: Աշակերտները, նախադասություն կազմելով, կպատմեն, թե ինչ են տեսնում նկարում: Բոլորի խոսքը լսելուց հետո,ակտիվ աշակերտներից որևէ մեկը կպատմի նկարը: Այնուհետև, վերհիշելով պատմություն-նախադասություն-բառ-հնչյուն շղթան,աշակերտները պատմությունից դուրս կբերեն նախադասություններ, նախադասությունից`բառեր և կգծեն գծապատկերները: Ուսուցիչը կցուցադրի նաև Ա հնչյուն-տառի ձեռագիր և տպագիր մեծադիր նկարները:

ՄԱՅՐԵՆԻ ԼԵԶՈՒ

Պատուհանից ցնծությունն ասես
Գարնան քնքշանքով մեղմ թափանցեց ներս.
Առաջին անգամ մանկիկն իմ խնդուն
Ա տառն է սերտում:
Ա տառն է գրում մանրիկ մատներով,
Տառեր է շարում խնամքով, սիրով:
Մաշտոցն է այդպես մանկան պես մի օր
Հրճվել իր գյուտով` հրա՜շք, լուսավո՜ր:
Քանի՜ սերունդներ ա տառով զնգուն
Զգացել են այս հրճվանքը մաքուր:
Այն վեհ է` ինչպես ժպիտը մանկան,
Մոր գգվանքի պես միշտ նվիրական,
Նման ծլվլուն ծիծառի կանչին,
Հայրենի հողի կենարար շնչին:

իրենց նկարել դպրոցի բակում և այդ նկարի շուրջ խոսեն

Կշռադատման փուլ- Իսկ հիմա երեխաներ միասին օդում կգրենք Ա տառը: Հետևում եք իմ ձեռքի շարժումներին և նույնությամբ կրկնում:

Բաժանել նկար-բառեր, որտեղ աշակերտները կգտնեն Ա հնչյուն-տառի տեղը և կգունավորեն:

Կշռադատման փուլ

Մտագրոհի միջոցով աշակերտները կասեն Ա հնչյունով սկսվող անուններ `մարդկանց, գետերի, քաղաքների, կենդանիների և այլն: Կլսեն Ա հնչյուն- տառի պատմությունն այն մասին, թե ինչպես դարձավ այբուբենի առաջատար և կկատարեն Ա հնչյուն-տառի երգը` մարմնաշարժողական վարժություններով: Այնուհետև, սեղանի վրա դրված ծրարներից հանելով Ա տպատառի` մասերի բաժանված մասնիկները, կմիացնեն և կստանան Ա տպատառը: Դասի ընթացքում կստեղծենք նաև պատի թերթ` վերնագրով: Վերջում կհնչեն քառատողեր` նվիրված Ա հնչյուն-տառին:

__Այսքան փորձություններ հաղթահարելուց հետո ժամանակն է թղթին հանձնել մեր իմացածը: Հիմա գրենք Ա տառը, թող զարմանա աշխարհը:

Աշակերտները իրենց պատրաստած թղթի վրա գրում են Ա տառը, ձևավորում և գունազարդում:

Կշռադատման փուլ- Իսկ հիմա երեխաներ միասին օդում կգրենք Ա տառը: Հետևում եք իմ ձեռքի շարժումներին և նույնությամբ կրկնում:

Բաժանել նկար-բառեր, որտեղ աշակերտները կգտնեն Ա հնչյուն-տառի տեղը և կգունավորեն:

https://www.youtube.com/watch?v=gSFhVoriSgQ

Աղոթք

 Արարիչ Բոլոր Գոյությունների,

Դատավոր Երկնքի,

Զորավոր Էություն,

Ըստհուն (Հավիտենական) Թագավոր

Ժամանակների, Իրերի, Լույսի, Խավարի, Ծովերի, Կյանքի, Համայնքների,

Ձայն Ղողանջող,

Ճեմարան Մտքի,

Յիսուս (Հիսուս) Նազովրեցի,

Շնորհ Ոգեշունչ,

Չարերի Պատռող,

Ջանադիր Ռաբբի,

Սուրբերի Վկայարան,

Տեր մեՐ Ցանկալի

ՈՒ Փառք Քրիստոսիդ:

Ահա այսքանն էր մեր այսօրվա հանդիսավոր դասը : Շնորհավորում եմ Ձեզ այս գեղեցիկ օրվա առթիվ, ցանկանում եմ, որ լավ սովորեք, դառնաք գրաճանաչ և խելացի բալիկներ լինեք: Օրվա խորհրդով առջարկում եմ համտեսել Ա տառի թխվածքաբլիթները: