"Адилеттүү коом" (5-класс)

14.01.20.

Адилеттүү коом

Адилеттүүлүк түшүнүгү

• Ар түрдүү маселелерди калыстык менен чечүү адилеттүүлүктүн негизги көрүнүшү катары эсептелет;
• Адамды эмгегине, аткарган иштеринин деңгээлине, адамдык сапатына жараша баалашат ;
• Тескерисинче, келтирген зыянына, туура эмес иштерине карата аларды айыпташат.

• Адилеттүүлүк - адамдардын ортосундагы мамилелерди чындыктын негизинде жөнгө салууга багытталган эрежелер.

Адилеттүүлүк коом деген эмне?

• Адамдар коомдогу адилеттүүлүк үчүн байыртадан эле күрөшүп келген;
• Коомдогу адилеттүүлүк көп кылымдар бою каада-салттар менен кармалган.

Адилеттүү мыйзамдар

• Адамзаттын идеалы болгон адилеттүү коомдо адилеттүү мыйзамдар кабыл алынат. Коомдун кызыкчылыгын көздөгөн мыйзамдар так аткарылат;
• Адилеттүү коомду курууда биринчи кезекте мамлекет жетекчилери, бийликте турган адамдар адилеттүү болушат.
• Мындай коомдо мамлекет бардык жагынан өнүгүп, адамдардын материалдык жана руханий муктаждыктары канааттандырылып, элдин жыргалчылыгы камсыз болот.

Адилеттүү коомдо элдин жашоосу кандай болот?

• Бул коомдо жашаган адамдар мыйзам алдында тең укуктуу болуп эсептелинет;
• Адамдар улутуна, расасына, коомдогу ээлеген абалына, жашына, эркек же аял экендигине карабастан мыйзам алдында бирдей жооп берет;
• Бийликте тургандар коомдун мүчөлөрүнүн алдында жоопкерчиликте болот;
• Алар сөзүнө турат жана убадаларын аткарууга милдеттүү болушат.

• Эмгекке жарамдуу адамдар иш менен камсыз болуп, эмгегине жараша акы алат;
• Адамдардын жөндөмүн жана талантын турмушка ашыруу үчүн кеңири мүмкүнчүлүктөр ачылат;
• Бардык адамдар социалдык жактан корголот;
• Жакыр үй-бүлөлөрдү, мүмкүнчүлүгү чектелген адамдарды, кары-картаңдарды, жумушсуздарды колдоого алат.

Эркиндик, адилеттүүлүк

• Адилет коомдун негизги белгилеринин бири-адамдын эркиндиги;
• Адамдын коомдогу эркиндиги анын укуктары менен аныкталат;
• Адилеттүү коомдо сөз эркиндиги камсыз болот;
• Сөз эркиндиги деп эле, адамдын кадыр-баркына шек келтирүүгө болбойт;
• Эркиндик дагы адилеттүүлүктү, жоопкерчиликти талап кылат.

Адилет коомду кантип курабыз?

Балдардын милдети

• ата-энени сыйлоо;
• карыганда аларга камкордук көрүү уул-кыздарынын парзы;
• Жаман адаттардан оолак болуу;
• Ата-эне берген туура тарбияны өзүнө кабыл алуу;
• Коомчулукта өзүн туура, татыктуу алып жүрүү;
• Адилеттүү жана калыс болуу .

Ата-эненин милдети

• баланын жасаган ишине туура баа берсе, бала адилеттүү мамилени байкайт;
• Ата-энелер балдарына үлгү болуп эмгектенгенди, окуганды, жашоодогу кыйынчылыктарга туруштук берүүнү үйрөтүшсө;
• Ата-эне балдарына калыстык менен адилеттүү мамиле кылса, балдар да адилеттүү болуп өсөт.

Ѳтүлгѳн тема боюнча суроолор

• Адилеттүүлүк деген эмне?
• Адилеттүү коом деген эмне?
• Адилеттүү коом курууда үй-бүлөнүн ролу кандай?
• Адилеттүү коомдун белгилерин аныктап, мисал келтиргиле?

Үй тапшырма