"Алтын күз" сценарий

Алтын күз

Өтілетін күні: 25.10.2017ж және 26.10.2017ж

Өткізілетін уақыты: 10:00 және 16:00

Жауапты: Муз-жетекшісі Жапархан Н

тәрбиешілер: Халемова К.Е., Рахимова А.Ж.

«Күзгі вальс» музыкасымен балалар келіп, ортаға тұра қалады.

Хор: «Күз ырғағы»

Жүргізуші:

Құрметті Ата-аналар «Келді, міне Алтын күз» атты ертеңгілігіне қош келдіңіздер!

Тақпақтар: балалар

Ислам: Жетті желмен алтын күз,
Жеміс жинау салтымыз.
Жиып - теріп болған соң,
Той жасайды халқымыз.

Нұрай: Сап - сары ғып даланы,
Бояпты ғой күз деген.
Құстар қанат қағады,
Қоштасқандай бізбенен.

Ясмин: Қарашы, күз келді, күз келді,
Сары алтын жауыпты іздерді.
Құс біткен керуен түзеді,
Көңілсіз неткен күз еді.

Айсолтан: Сарғайды тоғай, 
Сап-сары маңай. 
Соңғы әнін айтып, 
Құс кетті қайтып. 
  
Алима: Айнала жым-жырт, 
Көк аспан сұрғылт. 
Жер жыртқан тыңда 
Трактор қырда. 
  
Қайсар: Жапырақ ұшты, 
Суық та түсті. 
Сонда да бізге, 
Қызық көп күзде. 

Хор: «Күз ырғағы» балаларды отырғызу.

Көңіл музыкасымен (құмырсқа өтіп бара жатады.)

Жүргізуші: Әй, құмырсқа не істеп жүрсін, кел бізбен бірге биле !

Құмырсқа: Менің сендермен ән салып, би билейтін уақытым жоқ, қысқы азығымды дайындап жүрмін.

Жүргізуші: Құмырсқа сен қысқа дайындық азық іздеп жүрсең, біздің балалардың биін тамашаласаң осы жерден саған азық табылып қалар!

Құмырсқа: Онда мен балалармен бірге ойын ойнайын!

Ойын: «Көкөніс пен жемістерді ажырату»

Құмырсқа:Көрдіңдерме балалар! Мен қандай еңбекқормын. Сендерге келіп іздеген азығымды таптым, сендерге мен еңбек туралы мақал-мәтелдерді айтып беремін.

Мақал-мәтелдер.

1.Еңбек-ердің санаты.

2.Білім-ердің қанаты.

3.Еңбек түбі-зейнет.

4.Еңбек-барлығын жеңбек.

Жүргізуші: Ой жарайсың құмырсқа. Сен өте еңбекқор екенсің, біздің балалардың биін тамашала!

Би: «Қолшатыр» биі.

Шегіртке:Мен тондым-тондым (залдын ішін айнала жүгіреді).

Жүр: Шегіртке сен тонып қайдан жүрсің?

Шегіртке: Мен жылы үй іздеп жүрмін, ұйқым келді!

Жүр: Шегіртке сен сабыр сақта, біздің балалармен бірге көңіл көтер, біз саған өнерімізді көрсеткіміз келеді.

Тақпақтар: балалар

Амиржан: Алтын, сары, қызыл,

Күзгі бақта күлімдеп,

Көз тартады атырап.

 Нұржігіт: Алтын нұрдай тамшылап,

Жапырақтар төгіледі.

Біздің өмір таң шуақ

Біздің өмір көңілді.

Адия: Біреу астық түсіріп,

Біреу бидай ұшырып.

Жатқан мезгіл күз екен

Алдым соны түсініп.

Айзере: Қыстың жақын қалғанын,

Жапырақтар білгендей

Желмен ұшып барады

Жерге қонып үлгермей.

(ортада шегіртке ұйықтап қалады)

Құмырсқа: Оян досым тез-тез тұр. Бізге азық және жылы үйіміз табылды. Тезірек біреулер азығымызды жеп қоймай тұрғанда үйімізге апарайық. Сау болыңдар балалар! (залдан кетеді)

Жүр: Балалар бізге тағы бір қонақ келіпті, қарандаршы!

Күз ханшасы: Сәлеметсіз бе? Күз ханшасы мерекемізге қош келдіңіз! Біз сізді сағына күттік! -Сіз бізге не әкелдіңіз

(Музыка әуенімен Күз кіреді)

Күз ханшасы: Мен сендердің көңілдеріңді көтеріге келді -сендермен ойын ойнайын. Ойын: «Көкөніс пен жемістерді ажырату» Ән: -«Алтын күз» Би: «Кол шатыр» биі Күз ханшайымы: -Балалар сендерге көп рахмет, күз мезгілі жайлы көптеген өлең шумақтардың, жұмбақтар біледі екенсіңдер, ал ендеше қош-сау болыңдар балалар. Тәрбиеші: -Құрметті ата-аналар, қонақтар, әріптестер күз әрқашан да, өзінің молшылығымен келсін деп, әр отбасына амандық тілейміз. Біздің «Қарлығаш» тобының сіздерге арнаған ертеңгілігі осымен аяқталды, келіп тамашалағандарыңыз үшін рахмет.