Александр Лыгденов Нюдэнэй аршаан

А.Г.-Н.Лыгденов. «Нюдэнэй аршаан»/ 1 ч.

Хэшээлэй зорилго: А.Г.-Н.Лыгденовэй намтартай, «Нюдэнэй аршаан» гэжэ хөөрөөнтэй танилсалга.

Хэшээлэй ябаса:

Бүлэгөөр хүдэлмэри

1 бүлэг –

1.А.Г.-Н.Лыгденовэй намтар, зохёолнууд тухай презентаци бэлдээд хамгаалха.

2. Зохёолоор дабаринууд: 90-ээд онуудай үедэ һандаралга хүдөө нютагуудта ямар хойшолонтой байгааб? Энээн тухай хөөрөөнэй гол герой юун гэжэ бодомжолноб? Түрэл Байрта нютагтань ямар хубилалтанууд болонб?

3.Журналист түрүүлэгшэ хоёрой буряад арадай һайн һайхан заншалнууд тухай хөөрэлдөөнэй удха дамжуулха.

2 бүлэг –

1. Рассказай гол герой ямар хэрэгээр түрэл нютагаа ерэнэб?

2.Автор зунай үглөөе зураглахадаа, ямар уран аргануудые (зэргэсүүлгэ, эпитет г.м.) хэрэглэнэб? Ологты.

3. Дари хүгшэнэй хэлэдэг һургаалай үгэнүүд, заабаринууд мүнөө үе сагта удха шанараа гээгээ гү, али үгы гү? Мүнөө сагта гэртэхинэйнгээ хэлэдэг һургаалнуудтай жэшэгты. Буклет болгон хэгты.

3 бүлэг –

1. Тэмээн шулуунай түүхэ хөөрэхэ.

2. Аршаан булагтай нангин газарнуудаар хайшан гэжэ бэеэ абажа ябахыень Дари эмгэй һургадаг байнаб?

3. Танай нютагта ямар домог, үльгэрнүүд, нангин шүтөөнэй газарнууд бииб, тэрээн тухайгаа бэшэгты.

Гэрэй даабари: ”Угсаата зонойм һургаалнууд” гэһэн темэдэ презентаци бэлдэхэ.