Алексей Андреевич Иванов — Күндэ

Алексей Андреевич Иванов — Күндэ

  (16.01.1898—30.10.1934)

1898   сыллаахха  тохсунньу 16  күнүгэр  Сунтаар улууһун  Хаҥалас нэһилиэгэр орто бааһынай кэргэнигэр төрөөбүтэ.

Күндэ кыра эрдэҕинэ Хоноһо Өлөксөй диэн таптал ааттааҕа. Уол 9 сааһыгар диэри билэр дьонуттан суруйарга-ааҕарга үөрэнэн баран, таҥара дьиэтин иһинэн үлэлиир оскуолаҕа киирэр.

1917   с. саҕалаан 1920 cыллаахха диэри дойдутугар  Тойбохойго , Кутанаҕа,  Сиэйэҕэ  учууталлаабыт.

Онтон 1920-1923 cc.  Бүлүү куоратыгар  киирэн учууталлаабыта.

Манна учууталынаан  Петр Хрисанфович Староватовтыын  республика биир кырдьаҕас  түмэлин  (музейын) тэрийсибитэ.

1923   с.  Дьокуускайга  кэлэн Педтехникумҥа учууталлыы сылдьан «Сайдыы» диэн литературнай бөлөҕү тэрийэр,

онно хойут саха биллиилээх суруйааччылара буолбут Эллэй, Степан Ефремов, Күн Дьирибинэ, Амма Аччыгыйа, Суолурн Омоллоон, Архип Абаҕыыныскай, Сергей Васильев сылдьыбыттара. Ол аата кинилэри литератураҕа бастакы хардыыны оҥороллоругар Күндэ үөрэппитэ диэххэ сөп.

Кэпсээнэ «Марба», «Доромоонноох», «Хаартыһыттар», «Иэдээннээх баҕа» билиҥҥэ диэри уус-уран өртүлэринэн ааҕааччы биһирэбилин ылаллар