Ամանորյա միջոցառում

Ամանորյա միջոցառում

1.Նազ ու տուզով, օրորվելով

Իրար կողքով, թևանցուկ՝

Փաթիլները ճամփա ընկան

Օդի միջով կամացուկ:

2.Թեթև-թեթև իջնում են վար՝

Պտտվելով անդադար,

Պար են գալիս, խաղում անվերջ

Լայն ու արձակ օդի մեջ:

3.Ամպը գոչեց. «Արա'գ իջեք,

Իմ սիրելի' բալիկներ,

Չգիտե՞ք, որ կարոտ են ձեզ

Այսքան փոքրիկ մանուկներ»:

4.Փաթիլները զվարթացան,

Թևին տվին ու անցան,

Մեկիկ- մեկիկ գետին իջան,

Իրար գրկած՝ ձյուն դարձան:

5.Մանուկները դուրս վազեցին՝

Առած սահնակ ու սղղան,

Եվ սկսվեց երգ ու ծիծաղ,

Զվարթ խաղերը ձմռան:

--------------------------------------------------------------------

6.Անտառից եկած կանաչ եղևնին,

Հիշում է կանաչ իր ընկերներին,

Արահետներն է հիշում ձյունի տակ,

Հիշում է բացատն ու բուքը սպիտակ:

7.Երկինքն է հիշում իր գլխի վերև,

Եվ իր մայր անտառն ասեղնատերև,

Հովերն է հիշում նա գարնանային,

Որ իրեն այնպես օրորում էին:

8.Հիշում է բոլորն ու չի ափսոսում,

Որ էլ անտառի երգը չի լսում,

Ինչու՞ ափսոսա, երբ իր թևերին

Գարուն է բերել երեխաներին:

9. Գարուն է բերել այս ձմռան օրով

Եվ տուն է մտել կանաչ շորերով,

Ե՞րբ է նա այսքան զուգվել, զարդարվել

Եվ մարդկանց այսքան հրճվանք պատճառել:

10.Ե՞րբ է նա եղել այսքան երջանիկ

Ու ե՞րբ է տեսել այսքան խաղալիք:

Երբ են նրա մոտ այսքան մանուկներ

Երգել ու պարել մինչև ուշ գիշեր:

11.Զարդարանքներով, աստղերով իր պերճ

Կանգնել է ուրախ մանուկների մեջ,

Այնպես հպարտ է նայում աշխարհին,

Կարծես հենց ինքն է բերել Նոր Տարին:

12.Կրկին այս մեծ դահլիճում

Զվարթ երգեր են հնչում,

Ու եղևնին անտառից

Հյուր է եկել բոլորիս:

13.Նա դարձել է տոնածառ՝

Փայլփլուն ու լուսավառ,

Եվ կանգնել է շիփ- շիտակ

Իր գույնզգույն զարդի տակ:

14.Շուտով կգա ծեր պապին՝

Խաղալիքներ շալակին

Եվ ժպիտը իր դեմքին՝

Նվեր կտա ամենքին:

15.Հաշված ժամեր են- կանցնեն,

Ու կլինի կեսգիշեր,

Լույսի նման կբացվեն

Մարդկանց դեմքերն ու սրտեր:

16.Սլաքներն իրար կգան,

Ժամացույցը կզնգա,

Եվ կհնչի տոնական

Թե՛ թմբուկ, և թե զուռնա:

17.Կլինի մեծ խնդություն

Տարեթիվը կփոխվի,

Կանցնի ուրախ տնից տուն

Նոր Տարին ու չի հոգնի:

18.Նոր տարի, նոր տարի

Ձմեռ պապի հետ արի,

Ձյուն լինի, թե՝ գիժ քամի,

Թող քո ճամփան զարդարի:

19.Բեր ինձ նվեր փիղ- շնիկ,

Քաղցրավենիք ու մրգեր,

Կոշկավոր կատու- մկնիկ,

Հեքիաթի գույնով գրքեր:

-------------------------------------------------------------

20.Ամանոր է , Ամանոր,

Ուրախ ասում են, խոսում,

Նոր Տարվա այս տոնին նոր

Ողջ աշխարհն է սպասում:

21.Ծիածանի գույներով, վառվող լույսեր են փնջում,

Արթնանում է քնից խոր, Ձմեռ պապիկն ու հրճվում,

Ձյունանուշի հետ ուրախ, հանդեսի են գալիս,

Տոնի առթիվ պար ու խաղ, ծափ –ծիծաղ են շաղ տալիս:

22.Ձմեռ պապ, տե՛ս, չուշանաս,

Նոր Տարին է մոտենում,

Քնով չանցնես, մոռանաս,

Թե որտեղ եմ ապրում:

23.Ես արդեն գրել գիտեմ,

Նամակ կարող եմ գրել:

Պապի՛կ, քեզ որտե՞ղ գտնեմ,

Ասեմ ինչ բերես նվեր:

24.Բարձիս տակ եմ ես դրել

Նամակը իմ քեզ գրած,

Գիտեմ, քնած կլինեմ,

Երբ գիշերով մոտս գաս:

25.