Аналогдук жана цифралык маалыматтар

Аналогдук жана цифралык маалыматтар

Аналогдук жана цифралык маалыматтын айырмасы аналогдук маалыматыын үзгүлтүксүз, ал эми цифралык маалыматтын дискретүү (үзгүлтүктүү) экендигинде. «Ми» жана «Фа» ноталарынын ортосунда үндөр барбы? Мүмкүн бар.Бирок фортопианодо ал үндөрдү алуу мүмкүн эмес, анткени ал үчүн клавиша жок. «Ми» нотасынан «Фа» нотасына өтүү секирик менен жүрөт, б.а. Дискреттүү түрдө ишке ашат. Скрипкада каалагандай бийиктиктеги үндөрдү алса болот-сол колдун манжаларын саал эле жылдырса үн же бийиктейт, же төмөндөйт.Бир тондон экинчи тонго өтүү бир калыпта жана үзгүлтүксүз жүрөт.

Аналогдук-цифралык өзгөртүү

Маалыматты аналгодук формадан цифралык формага өзгөртүп түзүү аналогдук-цифралык өзгөрүү деп аталат. Аналогдук маалыматтын мисалдары бизге математиканын курсунан белгилүү.Үзгүлтүксүз функциялардын графиктери аналогдук маалыматты беришет.

Аналогдук жана цифралык түзүлүштөр

• Адамдын сезүү органдары аналогдук маалыматты кабыл алууга, сактоого жана иштетүүгө жөндөмдүү жаралган. Адам жасаган көптөгөн түзүлүштөр аналогдук маалымат менен иштешет.
• М: Телевизор-бул аналогдук түзүлүш.Телевизордун ичинде кинескоп бар.Кинескоптун нурлары экран боюнча тынымсыз кыймылда болот.

Маалыматты кодго айландыруу жөнүндө түшүнүк.

• Маалыматты сактоо үчүн аны кодго айландыруу керек. Ар кандай маалымат дайыма код түрүндө сакталат. Биз дептерге бир нерсе жазганда иш жүзнүндө маалыматты атайын символдордун жардамы менен кодго айландырабыз. Бул символдор-тамгалар деп аталат. Кодго айландыруунун мындай системасы баарыбызга белгилүү-ал кадимки алиппе.
• Үндөрдү да кодго айландырууга болот. Обондуу ноталардын жардамы менен жазса болорун билебиз.

Компьютерде сандык маалыматты кодго айландыруу

• Компьютерде эки цифра пайдаланылат, ушул убакытка чейин экиден ашык сандагы ар түрдүү абалдарды (цифраларды) жүз пайыздык ишеним менен сактай алган да, окуй билген да техникалык түзүлүштөр жаратыла элек.
• Эки абал үчүн төмөнкүдөй түзүлүштөр бар:
• 1) Электр-магниттик реле (чынжырдан ажыратылган/ажыратылбаган) ЭЭМдин алгачкы конструкцияларында кеңири колдонулган;
• 2) Магниттик маалымат алып жүргүчтүн бетинин бөлүгү (магниттелген/магниттелген эмес);
• 3) Лазердик дисктин бетинин бөлүгү (чагылдырат/чагылдырбайт);
• 4) Триггер, эки абалдын бирөөндө турактуу болот, компьютердин оперативдүү эсинде кеңири колдонулат.

Цифралык маалыматты сактоо.Бит

• Силер компьютер аналогдук эмес, цифралык маалымат менен иштерин билесиңер. Анткени цифралык маалыматты кодго айландыруу абдан ыңгайлуу, демек аны сактоо жана иштетүү да ыңгайлуу.
• Маалыматты канчага чейин бөлүүгө болот? Тамга маалыматтын эң кичинекей бөлүгүбү? Көрсө андай эмес экен. Компьютер тамгаларды ажырата алсын үчүн аларды да кодго айландыруу зарыл.
• Чекит жана сызыкча-чындыгында эле маалыматтын эң кичине бөлүгү, бирок информатикада телеграфтык маалыматты пайдаланышпайт. Чекиттер менен сызыкчалардын ордуна нөлдөр жана бирлер колдонулат-мындай код экилик деп аталат. Анлгисче экилик белги binary digit деп айтылат, кыскартканда bit (бит) деген сөз алынат.