Ангиһаа гадуурхи хүдэлмэри -сценари

САГААЛГАН – ПРАЗДНИК БЕЛОГО МЕСЯЦА (сценари)

Ведущий 1: Үдэрэй амар мэндэ, хүндэтэ айлшад! Сагаан hарада зорюулагдаhан манай үдэшэдэ ерэhэндэтнай бидэ ехэ баяртайбди!

Ведущий 2:

Амар Сайн!

Аялга hайхан

Дуута аглаг сайхан

Буурал hаншаг, буряад угсаатан

Сэнхир Сагаан hарамнай

Шэди туяа сасаhаар

Хүдөө дайдаар хатаран

Үхэр жэл оробо!

Ведущий 1:

Шэнэ жэлээр,

Шэнын нэгэнээр,

Сагаан hараар айлшадаа

Сагаан хадагаар золгожо,

Сагаан эдеэгээр угтанабди. (Жюриин гэшүүдтэ хадаг, сагаан эдеэ барюулха)

Ведущий 2:

Эхэ газартам,

Эсэгэ дэлхэйдэм,

Буряад Орондом

Бууса тоонтодом

Буужа ерэбэш даа

Сагаан hарамнай.

Ведущий 1: «Угаа уһанда хаяхагүй» гэжэ буряад зон дэмы хэлсэдэггүй юм. Хүн бүхэн өөрынгөө уг гарбал мэдэхэ ёһотой гэжэ бултанда мэдээжэ. Тиигэбэшье элинсэг хулинсаг тухайгаа һайн мэдэхэгүй зон мүнөө олон юм. Урдандаа буряадууд уг гарбалаа һайн мэдэдэг байгаа. «Булагаа шэргээһэн нютаг – нютаг бэшэ, угаа алдаһан хүн – хүн бэшэ» гэһэн арадай сэсэн үгые һанаандаа абан, мүнөө манай ангиин һурагшад өөһэдынгөө уг гарбал тухай хөөрэжэ үгэхэнь. (Лхасаран, Имин уг гарбал тухай)

Ведущий 2:

Үльгэртэ жэргэмэл Орондоо

Үүрэй сайтар хатараял

Үбгэд, хугшэд, эжынэртээ

Үреэл дуугаа залаял.

Ведущий 1:

Буряад һайхан заншалнай

Бүгэдэ зоноо нэгэдүүлжэ байг!

Буряад аялга дуунууднай

Бусад холуур зэдэлжэ байг! ( Дуун, Сэлмэг)

Ведущий 1:

Мүнөө танай анхаралда «Солото хүнүүд» тухай Эрдэни, Алина хоёр хөөрэхэнь.

Ведущий 2:

Мянган жэлдэ, мүнхэ дорюун

Мүнгэн мэтэ ялалзан

Арюун, сарюун, амгалан тайбан

Аза талаантай, алдар солотой

Ажаhуухатнай болтогой!

Ведущий 1: Үни холын сагһаа нааша манай буряад зон Табан хушуу мал үдхэжэ ябаһан юм. Тэдэ ямар малнууд болоноб? (ухэр, морин, хонин, ямаан, тэмээн). Эдэ малнуудтаа буряад зон ехэ дуратай, тэдээндээ ехэ анхаралтайгаар хандадаг, малайнгаа хусөөр, улдэн даарангуй амидардаг байгаа. 5 хушуу мал тухайгаа аман зохеолнуудые, аялга дуунуудые, ульгэр домогуудые зохеон хэлсэдэг һэн. Тиимэһээ бидэ арад зонойнгоо урда сагһаа хойшо хэжэ ябаһан ажал тухай шудалжа эхилээбди.

Бидэнэр 5 бүлэгүүд боложо хубаарһан байгаабди, Тусэб табяабди, хэн ямар ажал хэхэб, юу шудалхаб, ямар материал суглуулхаб гэжэ хэлсээ һэмди.

1 бүлэг: Арина, Цырен-Доржо, Вандан, Юмжана, Тимур, Юра морин тухай,

2 бүлэг:Имин, Аюр, Андрей Б., Милена, Түмэн, Алина үхэр тухай,

3 бүлэг: Сарюна, Вероника, Алдар, Лева, Зандан, Саяна хонин тухай,

4 бүлэг: Света, Эрдэни, Андрей Ц., Валя, Сарана, Эрдэм Бурунов, Иринчей тэмээн тухай,

5 бүлэг: Сэлмэг, Оулэн, Лхасаран, Дима, Слава, Эрдэм Бадмаев ямаан тухай. материалнуудые суглуулха

Түсэб:

1. Мал тухай юрэнхы мэдээсэл

2. Малай наһанай илгаа

3. Малай зүһэнүүд

4. Малай үүргэ, ямар олзо асарнаб.

5. Таабаринууд, Оньһон үгэнүүд, Шүлэгүүд, Дуунууд.

6. Зурагууд, презентацинууд.

Ведущий 2:

Энэ манай бэдэрэлгын, шэнжэлэлгын ажалда хүндэтэ гэртэхимнай эдэбхитэйгээр хабаадаһан байна. Видео буулгажа, эльгээгээ. Хараябди.

Ведущий 1:

Шэнэ жэлэйнгээ нааданда

Шангаар гараа барисалдан,

Шуран хурдан гэшхэдэлээр

Шууяса ёохороо хатараял!

Ёохор наадаа наадая!

Наадая! (Ёхор). Үреэлнүүдые хэлэхэ.

Ведущий 2:

Буряад һайхан заншалнай

Бүгэдэ зоноо нэгэдүүлжэ байг!

Буряад аялга дуунууднай

Бусад холуур зэдэлжэ байг.

Хуби заяанай һэнжүүртэ

Унтархагүй галтай,

Дундаршагүй жаргалтай,

Унахагүй сэргэтэй

Һуухатнай болтогой!

Ведущий 1:

Дэлхэй шэнги хизааргүй,

Дайда шэнги уужам,

Далай шэнги баян,

Һуухатнай болтогой!