Annotasiya nədir ?

Annotasiya latınca “annotatik” sözündən olub qeyd aparmaq, əlavə etmək deməkdir. Ədəbi dildə annotasiyanın iki mənası vardır:

a) hər hansı bir əsərə dair qeyd aparmaq;

b) kitab, jurnal və məqalənin məzmununu qısa şəkildə şərh etmək;

Annotasiyanın köməyi ilə şagird hər hansı bir kitabın məzmununu qısa şəkildə mənimsəyir.

Annotasiyanın planında aşağıdakılar öz əksini tapmalıdır.

1. Kitabın adı, çap vərəqi, nəşriyyatın adı və harada nəşr edilməsi göstərilməlidir.

2. Kitab müəllifinin adı bütöv yazılmalıdır.

3. Kitabın qısa məzmunu və əsas əlamətləri sadalanmalıdır.

4. Kitabın nə məqsədlə, nə üçün, kim üçün yazılması qeyd olunmalıdır.

Annotasiyanı, əsasən, əsərin müəllifi yazır və məqsədini bir neçə cümlə ilə şərh edir. Şagirdlərə ayrı-ayrı məqalə və hekayə haqqında müstəqil annotasiya yazdırmaq məsləhətdir. Məsələn;

C. Məmmədquluzadənin “Poçt qutusu” haqqında annotasiya belə yazıla bilər:

“Poçt qutusu”hekayəsi 1904-cü ildə “Şərqi-rus”qəzetində nəşr edilmişdir. Hekayə altı səhifədən ibarətdir. Müəllif burada İtqapan kəndinin əkinçisi Novruzəli ilə Vəli xan arasındakı mülkədar- kəndli münasibətlərini təsvir edir.

...və yaxud;

M. S. Falks, C. Toner.” Qulları necə idarə etməli”. əsəri haqqında belə annotasiya yazıla bilər:

Təqribən 2000 il bundan əvvəl Qədim Romada yaşamış patrisi Mark Sidoni Falksın yazdığı qeydləri müasir dövrdə britaniyalı tarixçi Cerri Toner kitab halına gətirmişdir. Əsər 2016 - cı ildə Moskvada nəşr edilmişdir. 32 səhifədən ibarətdir. Əsərdə qulların çətin həyat tərzindən bəhs edilsə də, onlara istirahət və əyləncələr üçün zaman verilməsi də zəruri sayılır. Əsər müasir dövr menecerləri üçün marqlı ola bilər.

İmza: /Əsədov S. /

9 dekabr 2016-cı il.