Anotaţiya K. Vasilioglunun kiyadına "Artık kendim okuyȇrım"

KOMRAT DEVLET UNİVERSİTETİ

MİLLİ KULTURA FAKULTETİ

GAGAUZ DİLİ HEM LİTERATURA KAFEDRASI

SEMİNAR ÇALIŞMASI

«Metodologiya hem aaraştırmak etikası lingvistika hem gagauz literatura dolayında» distiplinasında

HAZIRLADI:

MPG-20 grupasının magistiri

Gümüşlü Anna K.

Kontrol etti: doktor, konferentiar universitar

Çimpoeş Lübov S.

2020-2021 üürenmak yılı

Komrat

Anotatiya

K. Vasilioglunun kiyadı «Artık kendim okuyerım» 1-ci klasa deyni, tipardan çıktı 1997-ci yılda Kişinövda. Bu kiyadın içindeliinda bulunerlar şiirlar, çevirmelar, annatmalar, masallar, söleyişlar, türkülar, cümbüşlar, soruşlar, resimnar... küçük uşaklara hem üürenicilera deyni. Ana-bobalar var nica okusunnar verilmiş yaratmalardan uşaklarına. Ama 1-ci klasta 2-ci semestrada, açan üürenicilar bukvaları üürenerlar, var nica kendileri da denesinnar okumaa. Bu kiyadı 2, 3, 4-cü klaslarda üürenicilera var nica teklif etmaa okusunnar.

K.Vasilioglu kendi kiyadında D.Tanasoglunun, T.Marinoglunun, M.Kösenin, S.Kuroglunun,D.Kara Çobanın, P.Çebotarin, G.Gaydarcının h.b. avtorların yaratmalarından verer okuyuculara deyni. Yaratmaların temaları: vatan, şkola, ana dili, cenk, usta, kolada, boba, ilk kaar, çiçek, adet, yılın ayları, ekmek h.b. Şiirlar yazılı uşaklara deyni yakın temalara. Annatmalar terbi ederlar uşakları beensinnar ana dilini, tabiyatı, hayvannarı, ana-bobayı saysınnar, ekmaa korusunnar. Ne var bu kiyatta onnar hepsi meraklı diil sadece uşaklara deyni, ama üüredicilera da, başka insannara da. K.Vasilioglunun kiyadını var nica istoriya, kultura hem adetlar uroonda kullanmaa, neçinki orada var folklordan, Kolada yortusundan, adetlerdan, sofrada kullanan kurallardan. Söleyişlar hem nasaatlar kiyadın sayfalarında pek faydalı olerlar terbi etmekta, onnar yardım ederlar üürenicilerin fikirini ilerletmaa, çok meraklı işlar yaşamaktan annamaa hem tanımaa. Kiyadın tekstleri vererlar bilgi, üürederlar olmaa cana yakın, iilik yapmaa, ana tarafını, vatanı, dostluu sevmaa. Üürenicelerin sözü taa üüsek uura kalkacek, eer onnar becerarseydilar bu faydalı kiyadın bilgilerini yaşamakta kullanmaa.

Bibliografiya

1. E.N.Kvilinkova «Гагаузский народный календарь» Издательство «Paragon» Кишинев 2002 год.183 sayfa.

2. N.İ.Baboglu, İ.İ.Baboglu «Gagauzçanın gramatikası» Fonetika, leksika, morfologiya, sintaksis. Kişinöv Ştinta 1999 yıl 406 sayfa.

3. Гагаузско-русско-молдавский словарь Г. Гайдаржи, Е. Кольца, Л. Покровская, Б.Тукан Москва, 1973 год, издательство «Советская энциклопедия» 664 стр.

4. Uşaklara deyni dergi «Güneşçik» S. Bulgar, sayı 34 2006 yıl «Sabaa Yıldızı» jurnalın eklemesi , 33 sayfa.

1. http://www.gbm.md/index.php?option=com_content&view=article&id=52 Сaйт

Научно-исследовательского центра Гагаузии им. М.В. Маруневич (Комрат, Гагаузия, РМ) Сборники докладов. Посетила 03.01. 2021 г.