Антоним ве синоним сёзлер.

4 сыныф

Мевзу. Антоним ве синоним сёзлер.

Дерснинъ макъсады: Талебелерни къырымтатар тилиндеки антоним ве синоним сёзлеринен таныш этмек; талебелернинъ агъзавий ве язма нутукъларыны,коммуникатив къабилиетлерини инкишав эттирмек,сёз байлыгъыны артырмакъ.

Бекленильген нетиджелер:Талебелер синонимлер ве антонимлер акъкъында бильгилерни менимсейлер,озь нутукъларыны,сёз байлыгъыны арттыралар,

синоним ве антоним лугъатларынен чалышалар,фикирлерни къыяслайлар,нетидже чыкъаралар.

Дерснинъ чешити:Янъы мевзуны огренюв дерси.

Донатмалар: Компьютер, проектор,джедвеллер, ресимлер, карточкалар.

Дерс китишаты.

1.Тешкилий дакъкъа

Селямлашув.Дерске азырлыкъны тешкирюв.

2.Эв вазифесини тешкекюв

Талебелер тизип кельген джумлелерни окъуйлар.

3.Бильгилерни актуаллештирюв ве дерс макъсадларыны къоюв

-Талебелер,тахтада язылгъан сёзлерни окъунъыз.Бу насыл cёзлер?(Антоним ве синоним сёзлер).Язылгъан сёзлернинъ арасындан бири-бирине якъын,бири-бирине къаршы маналарыны бильдирген сёзлерни тапынъыз.( Беяз-акъ, беяз-къара;ель-рузгяр; темиз-кирли; кирли-пусюр,уфакъ-кучюк.)

Оджа ве талебелер бу сёзлернинъ лексик манасы акъкъанда субетлешелер.Балалар къаиделерни окъуйлар.

Оюн. Суаль-джевап.

-Саба емегининъ ады?

(-сабалыкъ)

-Акъшам емегининъ ады?

(-акъшамлыкъ)

Акъшамлыкъ ве сабалыкъ сёзлери бир-бирлерине не олалар?

(-антонимлер)

Язда ава сыджакъ ола.

Къышта ава сувукъ ола.

Къайд этильген сёзлерининъ манасыны анълатынъыз.

(-антонимлер, я да къарама-къаршы сёзлер).

4.Дерс мевзусы узеринде иш

Дерсликнен чалышув.С.65,119-иш.Балалар аталар сёзерни окъуйлар,нокъталар ерине антоним сёзлерни тапалар, аталар сёзлерни дефтерлерине язып алалар.С.67,123-иш.Тлебелер метинни окъуп,бир сызыкънен къайд олунгъан сёзлернинъ антонимлерни,эки сызыкънен бельгиленген сёзлернинъ синонимлерини тапып язалар.

5.Раатлыкъ дакъкъасы

Биз еримизден турдыкъ.

Тез эллерини котердик.

Башымызны биз онъгъа,

Эм солгъа айландырдыкъ.

Эгильген сонъ,догърулдыкъ.

Топчыкъ киби секирдик.

Ёрулдыкъ биз.Токътадыкъ!

Еримизге отурдыкъ.

(Л.Ягъяева)

6.Мустакъыль иш

С.66,121-иш.Талебелер берильген сёзлерни окъуп,нокъталар ерине келишкен синоним сёзлерни тапып,дефтерлерине язалар.

7.Дерснинъ нетиджесини чыкъарув

-Синонимлер недир?(Бири-бирине якъын олгъан сёзлердир.)

-Синонимлерге мисаллер айтынъыз (къырмызы-къызыл, бет-юз.)

-Антонимлер недир?(Къаршы маналы сёзлер.)

-Антонимлерге мисаль кетиринъиз (Къара-беяз,гедже-куньдюз.)

7.Рефлексия

Бугунь мен … .. … … .

8.Эв иши

5 синоним ве 5 антоним сёзлерни язмакъ.

Дерсни ишлеген:

Османова Зинара Руслановна

МБУМ 23-санлы мектебининъ къырымтатар тили ве эдебиятынынъ оджасы.