Առածներ և ասացվածքներ

Առածներ և ասացվածքներ

• Ամառը որ պառկես հովեր, ձմեռը կսատկհն կովեր։
• Ամառվա փուշը, ձմեռվա նուշը։
• Ամեն անգամ գետը գերան չի բերի։
• Ամեն բան իր տեղը կգա, քոսայի մորուքը չի գա։
• Ամեն բանի վերջն է գովելի։
• Ամեն բարև տվող բարեկամ չէ։
• Ամեն մարդ կրակն իր ձվածեղի տակ է քաշում։
• Ամեն մարդու շապիկը իր մարմնին մոտ է։
• Ամեն շուն իր դռանն է հաչում։
• Ախպերն ախպոր համար աղբյուր, ծարավ սրտին սառը ջուր։
• Ահը շատ է, քան թե մահը։
• Աղոթքն իր տեղն ունի, թուրն իր տեղը։
• Աղվեսի վկան իր պոչն է։
• Աշխարհի շինողն ու քանդողը լեզուն է։
• Աշխարհն աշխատավորին է։
• Աջով տուր, որ ձախով վերցնես։
• Առածն անխոցելի է։
• Առանց սիրո սիրտ չկա։
• Առաջ ասեղը քեզ խրիր, հետո մախաթն՝ ուրիշին։
• Առյուծի պատիվ էին տալիս, էշ դուրս եկավ։
• Ասա ո՞վ է ընկերդ, ասեմ ո՞վ ես դու։
• Բանն ո՞վ անի, —ես ու դու.— հացն ո՞վ ուտի,– ես ու դու։
• Բամբասողը ընկույզի տոպրակ է, ինչքան շարժես ձայն կհանի։
• Բարդին էլ է շատ երկար, բայց ի՞նչ անես որ բար չունի։
• Բարեկամ կորցնելը հեշտ է, գտնելն է դժվար։

• Բարին որ չլիներ, չարն աշխարհը կքանդեր։
• Գայլի հետ գառ է ուտում, տիրոջ հետ սուգ է անում։

• Գայլից վախեցողը ոչխար չի պահի։
• Գիժը մի քար գցեց հորը, հազար խելոք հավաքվեցին չկարողացան հանել։
• Գինի է, թան չէ, ամեն մարդու բան չէ։
• Գիշեր չի եղել, որ չի լուսացել։
• Գիշերը գողություն է անում, ցերհկը «տեր ողորմյա» է ասում։
• Գիտուն աղվեսը երկու ոտքով է թակարդ ընկնում։
• Գլորվել է խուփը, գտել է պուտուկը։
• Գյուղ կանգնի, գերան կկոտրի։
• Գնա մեռի, արի սիրեմ։
• Գող՝ սիրտը դող։
• Գործը վաղվան մնաց, իմացիր կորավ գնաց։

• Գործը փառավոր, փառքը թևավոր։
• Դարդ կա՝ կգա կանցնի, դարդ կա՝ կայրի կանցնի։
• Դարմանը քոնը չէ, դարմանոցը հո քոնն է։
• Դուրսը քահանա, ներսը սատանա։
• Դևին դժոխք ցույց չտաս, արքայության ճանապարհը չի իմանա։
• Եզան տակին հորթ են փնտրում։
• Եզը պոզերով են ուտում, ուրիշին են գող անվանում։
• Եզն ընկավ, դանակավորը շատացավ։
• Եթե տասը բան գիտես, մեկն ասիր, ինը պահիր։
• Եղիր գիտունին գերի, մի լինիր անգետին սիրելի։
• Ես աղա, դու աղա, բա մեր աղունն ո՞վ աղա։
• Ես գանձ եմ ասում, նա տանձ է հասկանում։
• Ես քեզ բան եմ ասում, իսկ դու բամբակ ես գզում։

• Երբ համոզված չես որ խոսքդ բանի տեղ կանցնի, լավ է չխոսես։
• Ինչ աղբրից որ ջուր ես խմում, էն աղբրին քար մի գցի։
• Ինչ որ բրդես, այն կխրթես։
• Ինչ չէր տեսել պատից կախ, տեսավ ճակտից կախ։
• Ինչքան գետնի երեսն է, յոթ այնքան գետնի տակն է։
• Ինքը չկա թիզ ու կես, արարմունքը գազ ու կես։
• Իր աչքի գերանը չի տեսնում, ուրիշի մազը տեսնում է։
• Իր համար քնում, ուրիշի համար երազ է տեսնում։
• Իր տանը կրակ, ուրիշին ճրագ։
• Լավ աշխատողին լավ ապրուստ։
• Լավ հնձվորը դաշտում էլ կհնձի, սարում էլ։
• Լավ ձին գարին կավելացնի, վատ ձին՝ մտրակը։
• Լավ մսի կտոր է, բայց ի՞նչ անեմ, շան բերանն է։
• Լավ է կանգնած մեռնել, քան ծնկաչոք ապրել։
• Լավ է աչքով կույր լինել, քան մտքով։
• Լավ է մարդու աչքը դուրս գա, քան անունը։