Арстанбек Буйлаш уулунун өмүрү жана чыгармачылыгы, "Тар заман"чыгармасы

Сабактын темасы: Арстанбек Буйлаш уулунун өмүрү жана чыгармачылыгы

Сабактын максаты: 1. Астанбек Буйлаш уулунун өмүрү жана чыгармачылыгы тууралуу маалымат аласыңар. 2.Ой жүгүртүүңөрдү өстүрүрөсүңөр,өз пикириңерди билдиресиңер. 3.Адептүүлүккө, кечиримдүүлүккө,калыс болууга,боорукерликке тарбияланышат.

Арстанбек Буйлаш уулу 1840-жылы Ысык-Көлдүн сыртында Буйлаш аттуу орто чарбалуу адамдын үй-бүлөсүндө туулган. Анын балалык чагы атасы Буйлаштын жана анын ага-туугандарынын малын кайтарып өттү.

Арстанбек кыргыз элинин баштан кечирген бир топ тоарыхый окуялардын күбөсу болгон. Кокон хандыгынын үстөмдүгүнө, бугу менен сарбагыш чабышына, Кененсарынын чабуулуна жана орус падышачылыгынын Кыргызстанда жүргүзгөн оторчул саясатына күбө болуп, 1882-жылы 42 жашында дуйнөдөн кайтат.

Акын «Кожожаш», «Бердикожо», «Бешказак» аттуу сыяктуу кенже эпосторду айткан.

Тилекке каршы, акындын көп чыгармалары бизге белгисиз бойдон калды. Биздин колубузга айрым ырлары менен «Тар заман» казалы гана жетти.

Арстанбектин 190 жылдыгына карата Бишкек шаарынын Москва көчөсүнүн жээгине анын айкели тургузулган.

Блумдун кубиги

Кубиктин бетиндеги суроолорго катары менен жооп беребиз.

Арстанбек Буйлаш уулунун өмүрү, чыгармачылыгына байланыштуу кандай маалыматтарды билесиңер?

Арстанбекти эмне себептен «заманчыл» акын дейбиз?

Замана темасындагы ырлар санат ырларынан эмнеси менен айырмаланат?

Акындын чыгармаларынын таалим-тарбиялык мааниси кандай?

Арстанбектин тушунда кыргыз элинин коомдук-саясий абалы кандай болгон?

Арстанбектин чыгармаларынан көркөм айтып бергиле.