Աշխատանք աղյուսակի դաշտերի և գրառումների հետ

Աշխատանք աղյուսակի դաշտերի և գրառումների հետ

Այժմ առավել հանգամանորեն ծանոթանանք աղյուսակի բաղադրիչների հետ կապված աշխատանքին: Նախ` սովորենք նշել աղյուսակի բաղադրիչները կազմող դաշտերն ու գրառումները:

Աղյուսակի որևէ դաշտ նշելու համար անհրաժեշտ է մկնիկի ցուցիչը տեղադրել համապատասխան դաշտի անվան վրա և, երբ ցուցիչը կձևափոխվի սլաքի, սեղմել ձախ սեղմակը:

Աղյուսակի որևէ գրառում նշելու համար անհրաժեշտ է մկնիկի ցուցիչը տեղադրել գրառման ձախ եզրային վանդակի վրա և, երբ ցուցիչը կձևափոխվի սլաքի, սեղմել ձախ սեղմակը:

Նշված դաշտով աղյուսակ

Նշված գրառումով աղյուսակ

Աղյուսակի նշված գրառումը կամ դաշտը կարելի է պատճենել, տեղափոխել, հեռացնել Home ներդիրի Clipboardխմբի գործիքների վահանակի   ,    և   գործիքների օգնությամբ, ինչպես նաև նշված դաշտի կամ գրառման վրա մկնիկի աջ սեղմակով բացված ենթատեքստային մենյուի համապատասխան հրամաններով:

Աղյուսակի դաշտն անվանափոխելու համար անհրաժեշտ է.

o մկնիկի ցուցիչը տեղադրել դաշտի անվան վրա և սեղմել աջ սեղմակը,
o բացված ենթատեքստային մենյուից ընտրել RenameColumn  հրամանը,
o առկա անվան փոխարեն ներմուծել նորը:

Աղյուսակում նոր դաշտ ավելացնելու համար անհրաժեշտ է.
 

o մկնիկի ցուցիչը տեղադրել այն դաշտի անվան վրա, որին պետք է նախորդի ավելացվող դաշտն ու սեղմել աջ սեղմակը,
o բացված ենթատեքստային մենյուից ընտրել InsertColumn հրամանը:

Աղյուսակից դաշտ հեռացնելու համար անհրաժեշտ է.

o մկնիկի ցուցիչը տեղադրել հեռացման ենթակա դաշտի անվան վրա ու սեղմել աջ սեղմակը,
o բացված ենթատեքստային մենյուից ընտրել DeleteColumn հրամանը:

Աղյուսակի դաշտը թաքցնելու համար անհրաժեշտ է.

o մկնիկի ցուցիչը տեղադրել տվյալ դաշտի անվան վրա ու սեղմել աջ սեղմակը,
o բացված ենթատեքստային մենյուից ընտրել HideColumns հրամանը:

Աղյուսակի թաքցված դաշտը տեսանելի դարձնելու համար անհրաժեշտ է.

o մկնիկի ցուցիչը տեղադրել դաշտերից որևէ մեկի անվան վրա ու սեղմել աջ սեղմակը,
o բացված ենթատեքստային մենյուից ընտրել UnhideColumns հրամանը,
o բերված պատուհանում (նկ. 8.15) ընտրել անհրաժեշտ դաշտն ու սեղմել Close կոճակը:

Աղյուսակի թվային տիպի դաշտի պարունակությունն ըստ աճման կամ նվազման կարգավորելու համար անհրաժեշտ է.

o մկնիկի ցուցիչը տեղադրել տվյալ դաշտի որևէ բջիջի վրա ու սեղմել աջ սեղմակը,
o բացված ենթատեքստային մենյուից ըստ աճման կարգավորելու նպատակով ընտրել   (SortAtoZ) հրամանը, իսկ նվազման կարգով դասավորելու նպատակով`   (SortZtoA) հրամանը:

Դաշտին առնչվող ենթատեքստային մենյու

Թաքցված դաշտերից անհրաժեշտը ցուցադրելու վահանակ