«Ашыкъ Умернинъ аяты ве иджады. Семаи. Къошма. Гъазель»

2017

«Школа № 15 г.Феодосии Республики Крым»

Урок по родной литературе (крымскотатарской) на тему:

«Ашыкъ Умернинъ аяты ве иджады. Семаи. Къошма. Гъазель»

(7-В класс)

Провела: Сеитжелилова Э.Э. (учитель крымскотатарского языка и литературы)

Феодосия, 2023 г.

Къырымтатар эдебияты.7 сыныф

Дерснинъ мевзусы: Ашыкъ Умернинъ аяты ве иджады. Семаи, къошма, гъазель

Дерснинъ макъсады: Ашыкъ Умернинъ аяты ве фаалиетинен таныш этюв, эсерлери акъкъында бильгилер берюв; шиирлерининъ мевзу ве тиль байлыгъыны ачыкълав, нуткъуны инкишаф этюв, ахлякъий чизгилер ашлав.

Планируемые результаты обучения (УУД):

1) предметные:

- иметь понятие о жанрах восточной литературы, умение понимать тему, идею литературного произведения;

-умение делать анализ художественного текста, используя авторский текст.

2) познавательные: уметь осмысленно слушать и читать художественный текст и объяснять значение прочитанного; уметь строить устное высказывание; уметь самостоятельно делать выводы;

осуществление поиска необходимой информации для выполнения учебных заданий с использованием учебной и художественной литературы;

умение пользоваться смысловым чтением художественных и познавательных текстов, выделять существенную информацию из текстов разных видов;

осознанное и произвольное построение речевого высказывания в устной и письменной форме;

3) регулятивные:

определять цель учебной деятельности;

оценивать результаты деятельности (своей и чужой)

планировать своё действие в соответствии с поставленной задачей и условиями её реализации;

выбирать действия в соответствии с поставленной задачей; уметь планировать алгоритм ответа;

4) коммуникативные:

уметь формулировать собственное мнение и позицию;

строить монологические высказывания;

умение работать индивидуально и в группе

уметь договариваться и приходить к общему решению в совместной деятельности, в том числе в ситуации столкновения интересов;

умение корректировать свои действия в соответствии с планируемым результатом

адекватно использовать речевые средства для решения различных коммуникативных задач, владеть диалогической формой речи.

5) личностные:

формирование уважения к литературе;

формирование ценностных ориентиров и смыслов учебной деятельности на основе развития познавательных интересов, учебных мотивов,

формирования границ собственного знания и незнания.

формирование этических чувств, доброжелательности и эмоционально-нравственной отзывчивости.

Талебелер не бильмек керек: эдебият ве тарихны

Дерснинъ типи: янъы бильги алув дерси.

Корьгезме васталар: дерслик, презентация

Иш шекиллери: ифадели окъув, суаллерге джевап берюв, фикир этюв, лугъатнен чалышув.

Терминлер: саз эдебияты, диван эдебияты, семаи, къошма, гъазель

Эпиграф: «Бильмегенлер бильсинлер эм шиирим, эм адымы»

(Ашыкъ Умер)

ДЕРСНИНЪ КЕТИШАТЫ

I. Тешкилий къысым. Селямлашув. Невбетчи талебенинъ рапорты. Нутукъ дакъкъасы

2. Тербиевий дакъкъасы. Талебелернинъ дикъкъатыны джельп этмек ичюн вазифе илян этиле. (оджа метинни окъуй, талебелер дикъкъатнен динълейлер, къоюлгъан суаллерге джевап берелер)

II. Эв вазифесини тешкерюв: с. 53-55 окъумакъ, лугъат сёзлерини огренмек, къошма малюмат топламакъ

III. Оджанынъ сёзю. А) презентация, слайд такъдиминен таныш этюв: бугунь сиз, къырымтатар саз эдебиятынынъ мешур шаири Ашыкъ Умернинъ аяты ве иджадынен таныш оладжакъсынъыз.

АШЫКЪ УМЕР (1621 - 1707)

Улу шаир

Ашыкъ Умер къырымтатар шиириетине салмакълы иссе къошкъан шаирлерден биридир. О, 1621 сенеси Къырымда, Кезлев шеэринде Абдулла Кендже огълу деген фукъаре эснаф къорантасында дюньягъа келе. Маалле мектебинде иптидаий бильги ала. Акъранлары арасында о, шохлыгъы иле айрылып тура, зеккийлиги ве азырджеваплыгъы иле этрафындаки инсанларны айретте къалдыра.

Къыскъа бир вакъыт девамында медреседе Къуран окъумагъа огренген Ашыкъ Умер Кезлев деки мешур Джума джами медресесинде о девирнинъ намлы шаирлеринден Кефевий Сеит Абдулькерим Шерифий киби эдебият оджасындан дере ала. Шу вакъытларда о, шиирлер уйдурмагъа башлай.

Севимли оджасы вефат эткен сонъ Умер медресени быракъа ве озю язгъан шиирлерине макъам уйдура. Саз чалып, къавеханелерде ашыкъ тюркюлерини йырлап, адамларны эглендире.

О, омюрининъ бир чокъ къысмыны Дагъыстан, Азербайджан, Иран, Сурие, Тюркиеде кечире. Истанбул, Бурса, Сакъыз, Варна, Багъдад киби шеэрлерни кезип чыкъкъаны акъкъында онынъ шиирлеринде тасвир олуна. Эсерлеринде бу шеэрлернинъ гузеллиги акъкъында языла.

Ашыкъ Умер язылы эдебиятнынъ гъазель, къошма, семаи, мурабба, мухаммес, муседдес, мустезат, муамма, дестан, шаирнаме киби шекиллеринде иджат эткен халкъ шаиридир. Онынъ эсерлеринде ахлякъий, ашкъий (севги), дидактик, диний мевзулар тасвир олуна. Эсерлерде шаирнинъ кескин акъылы ве тюшюнджелери ифаделене.

Бутюн омюрини шиир уйдурув ве бестекярлыкъкъа багъышлагъан Ашыкъ Умер асыл эвленмейип, аятыны бекярлыкът кечире. Омюрининъ сонъунда о, догъгъан шеэри Кезлевге къайта ве 1707 сенеси сексен алты яшында бу ерде вефат эте.

Ашыкъ Умернинъ иджады халкъымызнынъ эдебий ве медений вариетидир, къырымтатар орта асырлар эдебияты тарихынынъ рухий джевхерлеридир. Ашыкъ Умернинъ иджадында чешит тюрлю мевзулар айдынлатылгъан: Ватан ве яр асретлиги, омюр ве яшайыш киби мевзуларда инсаннынъ рухий чизгилери акс олуна. Онынъ ахлякъий мевзуларгъа багъышлангъан бир чокъ гъазеллеринде инсанлар арасындаки мунасебетлер косьтериле. Инсанлар арасындаки бу мунасебетлер дайма эйи достане чизгилер эсасында къурулмакъ кереклиги акъкъында айтыла. Эр бир инсан джемиетте озюни насыл алып бараджагъы, озюни насыл тутаджагъы акъкъында насиатлар бериле. Къыйметли насиатларда инсанларнынъ табиат чизгилери косьтериле. Базы бир табиат чизгилеринде бутюн бир миллетлернинъ миллий табиат чизгилери де ифаде олуна. Ашыкъ Умернинъ ашыкъ, айырылыкъ мевзусында язылгъан шиирлери энъ гузель эсерлери сайыла. Мисаль ичюн: Ашыкъ Умернинъ докъсан алты шиирден ибарет китапчыгъы 1894 сенеси Багъчасарайда Исмаил бей Гаспринскийнинъ «Терджиман» газетасынынъ басмаханесинде нешир олуна.

Ашыкъ Умернинъ эки джылтлыкъ эсерлер джыйынтыгъы 1988 ве 1990 сенелери Ташкентте дюнья юзю коре. Бу джыйынтыкъкъа шаирнинъ бинъ сатырлыкъ шиирий асабалыгъы кирсетиле.

Ашыкъ Умернинъ иджады халкъымызнынъ эдебий ве медений вариетидир, къырымтатар орта асырлар эдебияты тарихынынъ рухий джевхерлеридир.

Ашыкъ Умернинъ иджадында котерильген меселелер, бизим кунюмизде де озь эмиетини джоймагъаны, онынъ эсерлерини эбедийлештирелер.

IV. Лугъат иши:

истидатлы - талантливый

иджат эттиллер - творили

намдар - прославленный

куркчи - скорняк

авескяр - любитель, увлекающийся

танылды - стал известным

сеяат - путешествие, странствие

мукъаддес - священный

асабалмкъ - наследие

серлева - заголовок, название

дердж этильди - издано

макъале – статья

такъдир - судьба

сохта - ученик медресе ури - фея

Козь бебегинъ киби - как зеницу ока

Алланынъ эмиринен - по воле бога

Семаи, къошма, гъазель

Ашыкъ Умернинъ шиириети акъкъында нелер билемиз? Бильгенинъиз киби, Ашыкъ Умернинъ шиирлер топламы Ташкентте 2 джылтлы олып нешир этильген (1988). Бу эки китапта онынъ халкъ эдебияты шекиллери иле язгъан къошма, семаи, дестан, текерлемелери буюк усталыкънен язылгъандыр. Оларнынъ сырасында диван эдебияты шекиллери иле муфред, гъазель, мурабба, мухаммес, мустезад, муаммаларны да корьмек мумкюн.

Шиирлеринде ачыкълангъан мевзуларнынъ эксериси ашыкъ тарзы шиирининъ мевзуларыдыр: ашыкъ, севгили, ракъип, айрылыкъ, асретлик, замандан ве къадерден шикяет, табиат, йигитлик; джемиет; ахлякъ, дин; илим, тасаввуф, олюм, ахирет ве иляхре. Бойле эсерлерде инсаннынъ рухий чизгилери, мунасебетлери, ахлякъий тарафлары акс олуна.

Базы эсерлеринде инсан табиат чизгилеринде бутюн бир миллетлернинъ миллий чизгилери тасвирлене. Бу эсерлер бизге орьнек оларакъ язылгъандыр.

Шиирлерини «Адлий» махлясы иле яза эди. Ашыкъ Умернинъ ашыкъ, айрылыкъ мевзусында язылгъан шиирлери энъ гузель эсерлери сайыла.

Мисаль ичюн: «Салынып сейран ерине,

Чыкъан дильбер, киминъсинъ сен?

Сиях зюлфюнъ мах юзюне

Докен дильбер, - киминъсин сен?...»

«Дили бульбуль рухлери гуль,

Фарыгъ олмаз гонъюль сенден;

Къапунъда бен бир геда къул,

Фарыгъ олмаз гонъюль сенден…»

V. Дерсликтеки малюматны ифадели окъув. 59-61саифелердеки Гъазель ве къошма ве семаини окъумакъ, талиль этмек.

ГЪАЗЕЛЬ

Къыш кечип яз кельмекте, там ильк баарь куньлеридир,

Ляле, сунбуль, гуль ачылмыш, темаша куньлеридир.

Ейип-ичип, урийлерле ойнашып юрьмек ичюн,

Сув кенары багъчада яр иле зевкъ-сефа куньлеридир.

Юрегинъ ашкъ иле толып, къайнайып джошса керек,

Тамчылар Уммангъа иришир, толып ташса керек.

Ашыкъ-севда олгъанлар дагъларгъа тюшсе керек,

Дюньялыкъчюн къызгъанларгъа кяр-файда куньлеридир.

Эр кес алмыш севдигини, ялынъыз къалдым мен кене,

Итибар олмаз гъарипке, шимди рагъбет зенгине.

Бу ашкъын гемисини мен кене салдым энгине,

Ель сюрьди бир кенаргъа-рузгяр куньлеридир.

Истер исенъ дертке мефтун Ашыкъ Умер сёйлесин,

Кене шу меним диване гонълюм дурмай инълесин.

Бу ашкъымнынъ сонъры ёкътыр, бу дерт менден вазгечсин,

Дильберге дегиль, алтынгъа мефтунлыкъ куньлеридир.

ОГЮТЛЕРИ

Эр не сёйлер исе зенгин,

Динълеюб дерлер догъры!

Бир факъири корьселер гер,

Санарлар оны огъры.

Къанда варсанъ пак либасле,

Киреджек еринъ белли,

Ёкъсул олсанъ, санъа дерлер,

Я масхара, я дели.

Эр киме къылсанъ гонъюль,

Алемде арзу-ихтиядж,

Ол санъа танъры селямын

Биле вермез, козюнъ ач!

Бир гузеле гонъюль верип

Кендинъни къурбан эйлеме,

Эр корьдигин достынъ санып

Гизли сырынъ сёйлеме!

Джехалет кишининъ

Къаддыны эгер,

Къул гунахсыз олмаз

Дер исенъ эгер!

КЪОШМА

Бу айн-и уйюным сенинъдир сенинъ,

Акъан чешм-хууным сенинъдир сенинъ,

Бу сууз у дерууным сенинъдир сенинъ,

Диль-и эргянууым сенинъдир сенинъ.

Гонъюль пюр мелульдир дю чешмим алиль,

Бейябан-и гъамда булунмаз делиль,

Рех-и фиркъатде бир ёл азмыш зелиль,

Гель эй рехнюмууным сенинъдир сенинъ.

Бу ах у энийним бу хиджр у гъамым,

Бу шевкъ-и мелялим бу айн-и демим,

Бу хеджм-и сайидим бу бахт-и кемим,

Бу дерд-и фюзууным сенинъдир сенинъ.

Бу шал иле бу тадж бу хыркъа аба,

Къамусы ёлунъда хебадыр хеба.

Бу чары анасыр бу хефти къаба,

Бу джем’ан екууным сенинъдир сенинъ.

Омер дар-и гъурбетте нем вар беним,

Я фехм у фирасетте нем вар беним,

Бу базар-и михнетте нем вар беним,

Бу акъла гунуным сенинъдир сенинъ.

СЕМАИ

Шу къаршыдан кельген дильбер

Келир амма, неден сонъра?

Бир селямгъа къаилъ олдым,

Берир амма, неден сонъра?

Багъчада ачылгъан гуллер,

Далында отькен бульбуллер.

Бизни ошеклеген тиллер

Чюрюр амма, неден сонъра.

Корьдим яреминъ юзини,

Опьтим достымнынъ козини.

Арадым булдым изини,

Булдым амма, неден сонъра?

Къолымдан учурдым базы*,

Етер, эттинъ манъа назы.

Ашыкъ Умеринъ ниязы

Кечер амма, неден сонъра?

VI. СЁЗЛЕРНИ ОГРЕНЕМИЗ

Куркчю-териге ишлев берген (скорняк)

Танбур – телли чалгъы алети, сазнынъ бир тюрю

Макъам – нагъме (мелодия, напев)

Уруш – саваш, дженк

Бурун – мында: мыс

VII. Бильгилеримизни тешкеремиз.

1.Ашыкъ Умер насыл шаир?

2. А.Умер насыл тасиль алды? Оджасы ким эди?

3. Ашыкъ Умер нении севе эди?

4. Насыл мевзуларда шиирлер язгъан?

5. Ашыкъ Умер аят акъкъында нсыл фикирлер юрюте?

6.Насыл махляснен шиирлер язгъан?

7. Ашыкъ Умернинъ насыл огютлерини бегендинъиз? Фикирлеринъизни достларынъызнен пайлашынъыз.

VIII. Дерсни нетиджелев.

Учь «Н» суалине джевап берюв:

Нелерни огрендик? Не ичюн огрендик? Не ичюн къыйметли?

IX. Эв вазифеси: 58-61 с. окъумакъ, презентация азырламакъ, гъазельни эзберлемек

Баалав.