Ата-аналармен "Magic stocking" атты сайысқа байланысты жылжымалы папка.

Жаңажылдық сыйлыққа арналған шұлықтың тарихы.

Сыйлыққа арналған сиқырлы шұлықпен мереке қарсаңында үйді безендіру алғашқы рет Батыс Европа және Америка елдерінде пайда болған дәстүр. Бұл елдердің аңыз-ертегілеріне сүйенсек, Санта Клаус пештің мұржасы арқылы тек тіл алғыш балалардың үйлеріне кіреді. Бірақ сыйлықты салу үшін неге шұлықты қолданады? Бұл сұраққа өте қызықты жауап бар.

Аңыздардың бірі осылай дейді, шағын ағылшын қалашығында бір адам өмір сүріпті. Оның бар байлығы – үш қызы болған екен. Қыздарына лайықты жасау жинап бере алмайтыны үшін қатты күйзеліп, мұның жақын досына айтыпты. Санта Клаус сол әңгімені кездейсоқ естіп қойып, кедей отбасына көмектесуді шешеді. Тәкаппар әкенің намысына тиіспеу үшін, ол қыздарға алтын тиындарды сыйлық ретінде беруді ұйғарды. Рождество түнінде Санта Клаус әдеттегідей мұржа арқылы кедейдің үйіне кіреді. Бірақ безендірілген шырша орнына тек пешке жайылған шұлықтарды көреді. Алтын тиындарды шұлыққа салудан басқа амал болмады. Таңертен қыздар оянып бағалы сыйлықтарды шұлықтардың ішінен тауып алады. Қуаныштарында шек жоқ, олар бұл жаңалықты көршілерімен бөліседі. Бірте-бірте барлық қалашық тұрғындары хабардар болады. Осылай мерекелік түнде адамдар шұлықтарын пешке іліп қойып, Санта Клаустан сыйлық күтетін болды.

Құрметті ата-аналар!

Жаңа жыл мерекесіне байланысты ең керемет «Сиқырылы шұлық» атты сайыс жарияланады.

Сайыс шарттары:

-ата-аналар балаларымен бірігіп «Сиқырылы шұлық» жасайды;

- бұл мерекелік атрибутты мата, тоқыма жіп т.б. материалдан жасауға болады;

-көлемі А4 форматынаң кем емес;

-мерекелік көңіл күй және фантазия мүмкіндігінше көп мөлшерде;

-жұмыстар 25.12.2017 қабылданады;