"Ата-энелер мектеби" 6-класс

«Ата-энелер мектеби»

6-класс

Сабактын темасы:

12-13 жаштагы балдардын жаш өзгөчөлүгү жана аларды тарбиялоонун методдору .

• Энелер 12-13 жаштагы балдардын организминдеги өзгөрүүлөр, аларды тарбиялоодогу методдор жөнүндөгү маалыматка ээ болот.

Сабактын максаты:

• Энелерге, айрыкча жаш энелерге балдарды тарбиялап өстүрүүгө кызыгууну, жоопкерчиликти ойготуу.
• Мугалим менен кызматташтыгын арттыруу.

Сабактын максаты:

12-13 жаштагы балдардын организминде кандай өзгөрүүлөр байкалат?

• Бул куракта балдарда балалык курактан чоңдор катарына өтүү курагы болуп саналат. Бала бул учурда дене бою тез өсөт, күчү көбөйөт, жүрөктүн көлөмү чоңоюп кан – тамырларда кандын айлануусу начарлайт. Ошондуктан балдар ачуулуу, таарынчаак болуп калышат.
• Сиздер балдарыңыздарда ушул белгилерди байкадыңызбы?
• Мындай учурда балдар өзгөчө мамиле талап кылат.

Баладагы мүнөздөр:

Ачуулуу Адептик тарбия

Өжөөр Акыл- эс тарбиясы

Таш боор Эстетикалык тарбия

Өзүмчүл Эмгектик тарбия

Бошоң Дене тарбиялык тарбия

Адептик тарбия – эне балага саламдашуудан баштап, ыймандуу, адептүү, мээримдүү болууга үйрөтүүсү зарыл. Кечирим сурай билүүгө, ыраазы болууга үйрөтүү, керек болсо өзүбүз да кечирим сурай билишибиз керек.

Акыл эс тарбиясы – балдарда зиректик, сезимталдык, салыштыруу, кыялдануу ж.б. сезимдерди ойготуу менен акыл эстүү баланы өстүрөбүз.

• Эстетикалык тарбия – баланы сулуулукка суктанууга, кызыгууга үйрөтсөк бала кийим -кечесин да таза кармоону үйрөнөт.
• Эмгектик тарбия – бул, азыркы учурда сиздердин балдарыңыздар үчүн эң керектүү усул. 12-13 жашында аларды эмгектенүүгө тарбиялап, сабакты аткарууда, үй жумуштарын аткарууда көзөмөлгө алууну талап кылат.

Дене тарбиялык тарбия – балдардын туура тамактанып, туура уктоосун көзөмөлдөө менен бирге, аларды дене тарбиялык көнүгүүлөргө көндүрүү. Кээ бир ата-энелер анчалык көңүл бурбай бала спорт менен гана алектенип калып , анын ой жүгүртүүсү, сөз байлыгы өспөй калат.

• Андыктан урматтуу энелер, балдарды тарбиялоодо туура мамиле жасайлы, ашыкча талап кылам деп аларды тажатып албайлы.
• Мээримибизди аябай, эркелетүүнү күчөтөлү, мактоону тез-тез айтып туралы. Ошондо гана балдарыбыз биз күткөндөй инсан болуп чыгарына ишенели.

Көңүл бурганыңыздарга чоң рахмат!