Ата-энелер мектеби

1.Балдарыңызды жакшы тааныңыз.

Алардын кайсы абалда кандай каршылык

көрсөтөөрүн эмнелерге кубанып, эмнеге

кайгыраарын, каалоолорун абдан жакшы

билип алыңыз жана ошого жараша

мамиле кылыңыз.

2.Кылган каталарын чоңойтпоңуз.

Бирок, туура эмес экендигин

айтыңыз.

3.Ийгиликке жетсе сыйлык бериңиз.

Бөлмөсүн жыйнаганда, төшөнчүлөрүн

оңдогондо, жардамдашканда рахмат айтыңыз.

Жакшы иштерди кылып жатканын билсин.

4.Үйдө акырын сүйлөңүз.Балдардын жанында

эч качан урушуп талашпагыла.Мындай

чөйрөдө чоңойгон бала урушчаак жана

корс болуп калат.

5.Балдарды колунан келе турган кичинекей

иштерге жумшап,дайындап,жоопкерчилик,

ишеним бериңиз.Үй жумуштарына жардам

беришсин.Ар бир кылган иши үчүн рахмат

айтып, мактап коюңуз.

Ошондо силерге дагы да жакындай баштайт.

6.Балдарга өздөрүн таанууга, оюн айтууга,

өздөрүн сыноого мүмкүнчүлүк бериңиз.

Аларды сүйлөтпөй, өздөрүнүн дүйнөсүнө

камап салбаңыз.Болбосо, коомдук жашоодо

өзүн алып жүрө албаган, тартуу болуп чоңоет.

7.Балдарыңыздын каалоо-тилектерин

эске алыңыз.Сөздөрүнө маани бериңиз.

Алар менен теңата сүйлөшүңүз.

Эгер, сиз, балдарыңызга олуттуу карап,

көйгөйлөрүн бөлүшпөсөңүз,

Анда ал жардамды башка жактан издей баштайт.

8. Көп насаат айта бербеңиз.

Миң уккандан бир көргөн деген

макалды эске алыңыз.

9.Балаңыз менен сүйлөшүп жатканда аябай

сабырдуу болуңуз.Ар бир катаны туура эмес

жорубаңыз.Проблемасын угуңуз,

себебин аныктап, андан соң чечим чыгарыңыз.

10. Алар менен оюндарды ойноп,

тамашалашып, аңгемелерди

айтып бериңиз.Бул диологду көбөйтүп,

сүйүүнү арттырат.

11.Чогуу китеп окуңуз, бир теманы талкуулаңыз.

Үй тапшырмаларына жардам бериңиз.

12.Үй-бүлөңүз менен бирге эс алууга,

саякатка, киного ж.б. барсаңыз болот.

Бул да үй-бүлөнүн руханиятын өнүктүрөт.

13.Сөз бергениңизден кийин сөзсүз аткарыңыз.

Эгер аткара албасаңыз анда сөз бербеңиз.

Эгер, жүйөөлүү себептер менен убадаңызды

аткара албай калсаңыз, балаңыздан кечирим

сураңыз.Болбосо, балаңыз сөз берип,

сөзүнүн үстүнөн чыгалбаган адам болуп чыгат.

14. Балдарды аталары менен коркутпагыла.

Бала атасын жазага тартуучу адам катары эмес,

үйгө келери менен бардык көйгөйлөрүн

айта алган досу катары көрсүн.

15.Балдарыңызга тамаша катары да жалган

сүйлөбөңүз. Алдабаңыз.Бала, ата-энесинин

ар бир сөзүн чын деп ойлосо,

балада ишеним пайда болот.

16.Балага ашыкса эркиндик бербеңиз.

Жок деген жооп угууну да билсин.

Ар бир каалоосу орундала берсе, кийин

жашоосунда кыйналып калат.

17.Балдарыңыздын досторун үйгө чакырып,

алар менен таанышыңыз.

Сиз аларды үйгө чогултпасаңыз, алар сиздин

көзөмөлүңүз жок бир жерде чогулушат.

18. Күндөлүк ачтырып койсоңуз аябай

жакшы болот. Ал күндө эмне окуя болгонун

жазып турса, алардын баяндоосун өөрчүтөт.

19.Мектебине тез-тез барып туруңуз .

20. Ашыкча коргоочу болуп, алардын ишин да

сиз кыла бербеңиз.Себеби, сиз жок болсоңуз

да өздөрүн эптеп кетүүнү үйрөнсүн.

21.Акчаны колдонууну үйрөтүңүз.

Көп акча бербеңиз.