Ата-энелер менен кызматташуу жолдору

Ата – энелер менен кызматташууну уюштуруу жолдору.

Үй- бүлө жана мектеп балдардын социалдашуусунун эки маанилүү институту. Алардын тарбиялык функциялары ар түрдүу, бирок баланын ар тараптуу өнүгүүсү үчүн алардын тыгыз карым – катышта болушу талап кылынат б.а.баланын келечегине кызыккан ата- энелер баланы тарбиялоодогу иш – аракеттерибизде өнөктөш жана пикирлеш болуусу зарыл. Себеби:Үй- бүлө өсүп келе жаткан муунду тарбиялоодогу башкы социалдык институт, үй- бүлөдөгү инсандын руханий адеп –ахлактык негиздери болуп саналат.

• Балага кичинекейинен эмнени көрсөтсөк,ал баланын эсинде өмүр бою калат, аны менен бирге жашайт жана кийин өзүнүн жемишин берет. Ошон үчүн ата- энелер менен иш алып баруу маанилүү мезгилдин талабы. Изилдөөлөрдө белгиленгендей бала үчүн ата-эне үлгү болуп эсептелет.

• . Чоңдор баланы тарбиялоого анча деле көңүл бурушпаса да, алардан билинбестен көп маанилүү нерселерге үйрөнөт: жашоого жана башкаларга мамиле жасоону,үйгө жана эмгекке мамиле түзүүнү, өзүнө жана башкаларга болгон сүйүүнү, ошондой эле китепке болгон мамилени да бала ата-энесинен үйрөнөт.