Ата-энени урматтоо

АТА-ЭНЕНИ УРМАТТОО ОЗУЙПАСЫ

Ата-эне кандай сенин заараңды жийиркенбестен тазалаган болсо, сен дагы аларга ошондой кызмат кылышыңды, аларга жаман сөз айтууга болбостугун Дур Мансур деген адам жакшы айткан экен.

«Сен аларга жумшак, сылык сөз айт».

«Алар сени чакырса, сен эки жолу: «Кызматыңа даярмын»,- деп айт».

«Күнөкөр кул ээсинин алдында кандай коркуп сүйлөсө, так ошондой акыбалда ата-энеге сүйлөө керек».

Апасын көтөрүп алып ажылык кылдырып келген бир киши Пайгамбарыбыздан: «Энемдин акысын актардымбы?!»-деп сурайт. Пайгамбарыбыз: «Бир дем алуусун, тамчы сүтүн да актай албадың»,- деп жооп берет.

«Ата-энеңе сүйлөгөндө, колуңду көтөрбөй сүйлө».

- Мен эң биринчи кимге жакшылык кылуум жакшыраак?- деп суроо салат бирөө. Пайгамбарыбыз:

- Энеңе, - деп жооп кылат.

- Андан кийин кимге?

- Энеңе.

- Андан кийин кимге?

- Энеңе. (1. Бойдо көтөрүп жүрүүсү; 2. Төрөтү; 3. Эмизүүсү үчүн).

- Андан кийин кимге?

- Атаңа.

Өскөналиев Нарынбек Абылович