Аттестация жонундо 2

II. Аттестациялык комиссия

Аттестациялык комиссиянын курамы: - төрага; - төраганын орун басары; - катчы; - комиссиянын мүчөлөрүнөн турат.

Аттестациялык комиссиянын курамына төмөнкүлөр кирет:

- директордун окутуу-тарбиялоо иштери боюнча орун басары (орун басарлары);

- жалпы билим берүү уюмунун ар бир усулдук

бирикмесинин төрагалары (өкүлдөрү);

- жалпы билим берүү уюмунун кесиптик бирлик

комитетинин (эгерде бар болсо) төрагасы (өкүлү);

- райондук же шаардык билим берүү бөлүмүнүн

(башкармалыгынын, борбордун) өкүлү.

Аттестациялык комиссиянын курамына:

- Кесиптик педагогикалык бирикмелердин жана ассоциациялардын, билим берүү чөйрөсүндөгү ыйгарым укуктуу мамлекеттик органдын алдындагы Педагогикалык кызматкерлердин чеберчилигин жогорулатуу жана кайра даярдоо республикалык институтунун (ПКЧЖКДРИ) жана анын аймактык бөлүмдөрүнүн өкүлдөрү кирүүгө укуктуу.

- Аттестацияда байкоочу катары жалпы билим берүү уюмунун көзөмөлчү кеңешинин өкүлдөрү катышууга укуктуу

Аттестациялык комиссиянын негизги функциялары төмөнкүлөр болуп эсептелет:

- аттестациялык комиссиянын иш графигин түзүү;

• аттестация жол-жобосун уюштуруу жана өткөрүү;

• аттестация өткөрүү үчүн зарыл болгон документтерди изилдөө, аларга экспертиза жүргүзүү;

• комплекстүү баалоо жүргүзүү;

• дасыктык категорияны ыйгаруу тууралуу чечим чыгаруу;

- аттестациялануучунун чеберчилигин жогорулатуу, кесиптик

кайра даярдоо маселелери боюнча жалпы билим берүү

уюмунун администрациясына сунуштарды киргизүү.

- Аттестациялык комиссиянын иш графиги жана аттестациялануучу мугалимдердин тизмеси 10-октябрга чейинки мөөнөттө жалпы билим берүү уюмунун жетекчиси тарабынан аттестациялануучуларга кабарланат жана райондук же шаардык билим берүү бөлүмдөрүнө (башкармалыктарга, борборлорго) берилет; - Райондук же шаардык билим берүү бөлүмдөрү (башкармалыктар, борборлор) 10 жумушчу күндүн ичинде аттестацияланууга тийиш болгон мугалимдердин тизмесин квалификациялык тестирлөөнү өткөрүү үчүн жооптуу уюмга берет.

Аттестациялык комиссия аттестациянын жүрүшүндө:

• берилген документтерди жана материалдарды, анын ичинде мугалимдин портфолиосун карайт;

• сабактарга катышат;

• аттестациялануучу менен сүйлѳшүү – маек өткөрөт.

Аттестациянын жыйынтыгы мугалим алган балл боюнча сандык көрсөткүчтөрдүн негизинде эсептелет, ушул Жобонун 3-тиркемесине ылайык форма боюнча аттестациялык комиссиянын жыйынынын протоко-луна жазылат жана протоколго төрага, төраганын орун басары, катчы жана жыйынга катышкан комиссиянын мүчөлөрү кол коёт.

Аттестациянын жыйынтыгы боюнча комиссия төмөнкү чечимдердин бирин кабыл алат:

- тиешелүү квалификациялык категорияны ыйгаруу;

- тиешелүү квалификациялык категорияны ыйгаруудан баш тартуу.

- Мугалимдерге дасыктык категория ыйгаруу тууралуу чечим, ошондой аттестациялык комиссиянын сунуштары аттестациялык комиссиянын жыйынына катышкан мүчөлөрүнүн көпчүлүк санынын ачык добуш берүүсү менен кабыл алынат. - Аттестациялык комиссиянын мүчөлөрүнүн добушунун саны тең чыгып калган учурда чечим аттестациядан ѳтүп жаткан адамдын пайдасына кабыл алынат. - Аттестациялык комиссиянын жыйынына түздөн-түз катышкан мугалимдин аттестациясынын жыйынтыгы добуштун жыйынтыгы чыгарылгандан кийин билдирилет.

- Аттестациянын жыйынтыгы боюнча мугалимге тиешелүү дасыктык категорияны ыйгаруудан баш тартылган учурда аттестациялык комиссия аны кайра даярдоого же ПКЧЖКДРИ ге чеберчиликти жогорулатууга жиберүү жөнүндө сунуштама берет. - Мугалимге тиешелүү дасыктык категорияны ыйгаруудан баш тартылган учурда ал кеминде бир жылдан кийин кайра аттестациядан өтүүгө укуктуу. - Мөөнөтүнөн мурда аттестациядан өтүүдө дасыктык категория мөөнөтү аяктаганга чейин сакталат. - Мугалимдердин дасыктык категориясы ыйгарылган учурдан баштап ал беш жылга чейин сакталат. -Жүйөлүү себептер боюнча кезектеги аттестациядан өтпөй калган учурда мугалимдин дасыктык категориясы жумушка чыккандан кийин бир жылдык мөөнөткө сакталат.

- Аттестациялык комиссиянын жыйыны ушул Жобонун 3-тиркемесине ылайык форма боюнча протокол менен толтурулат. - Аттестациялык комиссиянын чечими ушул Жобонун 4-тиркемесине ылайык форма боюнча аттестациялык баракчага жазылат. - Аттестациядан өткөн мугалимдерге квалификациялык категория ыйгаруу жөнүндө буйрук аттестациялык комиссия чечим кабыл алган күндөн тартып 15 календардык күндөн кечиктирбестен жалпы билим берүү уюмунун жетекчиси тарабынан чыгарылууга тийиш.

!. ПКЧЖКДРИ билим берүү чөйрөсүндөгү ыйгарым укуктуу мамлекеттик орган тарабынан белгиленген тартипте мугалимдердин аттестациясын сапаттуу жана кесипкөйлүү өткөрүү максатында аттестациялык комиссиянын мүчөлөрүн алдын ала даярдыктан (инструктаж) өткөрөт.

Аттестацияны ийгилик у тапшыруу