Австралия материгинин физ-географиялык абалы

ТЕМА: АВСТРАЛИЯ. МАТЕРИКТИН ГЕОГРАФИЯЛЫК АБАЛЫ. АЧЫЛЫШЫ ЖАНА ИЗИЛДӨӨ ТАРЫХЫ.

Ресурстар: Австралиянын физикалык картасы, глобус, окуу китептери, деӊиз сүзүүчүлөрүнүн сүрөттөрү, материктин табияты жөнүндө көргөзмөлүү материалдар.

Сабактын этаптары

I. Сабакты уюштуруу.

II. Окуучулардын окуу ишмердүүлүктөрүн мотивация кылуу. «Интеллектуалдык разминка».

• Материкке мүнөздөмө берүү кайсыл пландын негизинде түзүлөт?

• Аймактарды изилдөөдө эмне үчүн биринчи кезекте анын географиялык абалын изилдөөдөн башташат?

• Австралия жөнүндө эмнени билесиӊер? (Болжолдуу жооптор: эӊ кичинекей материк, өтө ысык, өтө алыста жайгашкан, «баары тескерисинче», бир мамлекет, көптөгөн баштыктуу жаныбарлар. Австралия – таӊ калыштуу материк, анткени бардыгы биз үчүн тескерисинче: январда – жай, кышында дарактардын жалбырагы түшпөстөн, дарактардын кабыгы түшөт. Балтасы жок чөлдөн өтө албайсыӊ, жаныбарлардын баштыктары бар).

III. Жаӊы материалды өздөштүрүү. Тайпалар менен иштөө. 1-тайпа – Материктин физикалык-географиялык абалына план боюнча мүнөздөмө беришет. 2-тайпа – Ачылуу тарыхы. 3-тайпа – Тектоникалык түзүлүшү. 4-тайпа – Рельефи жана кен байлыктары. 5-тайпа – Австралиянын рельефин Африка менен салыштырышат. Жыйынтыгын таблица түрүндө даярдагыла.

IV. Окуучулардын тайпалык иштеринин жыйынтыктарынын презентациялары.

V. Өтүлгөн материалды бышыктоо. Суроолор:

• Австралиянын географиялык абалынын өзгөчөлүктөрү эмнеде?

• Материктин аты кайдан келип чыккан, ким жана качан аны ачкан?

• Австралиянын рельефинин өзгөчөлүгү.

• Эмне үчүн Австралияда жанар тоолор жана мөӊгүлөр жок?

• Материк кандай кен байлыктарга бай?

VI. Баалоо. Кабыл алуу (Прием) «Ооба – жок».

• Австралия Жердеги эӊ кичинекей материк.

• Материкте аракеттеги жанар тоолор бар.

• Австралияда бийик тоолор бар.

• Материктин аймагында азыркы муз каптоо жок.

• Материктин түндүк-чыгыш бөлүгүн бойлой Чоӊ Барьердик Риф созулуп жатат.

• Австралияны кытайлар ачкан.

• Австралияда нефти менен жаратылыш газынын чыккан жерлери абдан көп.

1. Сабакты жыйынтыктоо. Бүгүн сабактан жаӊы эмнени үйрөндүӊөр? Силерди кайсыл нерсе эӊ көп таасирлентти?

VIII. Үй тапшырмасы: Материктин климаты жана ички суулары боюнча маалымат даярдагыла, материктин географиялык номенклатурасы боюнча кроссворд түзгүлө.