Авторские стихи в (лирические, сатирические, лиро-эпические)

Ветерантас

Дургъбала кьяркьти дусма

Жявли дебшладарибти.

Анц1кьили ва шишимта

Ц1удар гъез х1яндарибти

Ват1ан къияйзибх1ели,

Някъла ярагъ касибти.

Х1ярх1убала заблиур

Душмайс гьала дашути.

Черях1ти гьунартани

Улка машгьурбарибти.

Ц1удара душмайзибад

Дунъя азадбатурти.

Вирару х1ейк1ес деза

Бебк1аагарти гъубзнас?

Х1ейк1ес вирару далай

Ват1анна марти уршбас?

Дезарик1ус ну х1ушаб,

Ах1ерти ветеранти,

Тимхъбик1ули михъирлаб

Бузули лебай урк1и.

Далайрик1ус ну х1ушаб,

Хьанц1 закир къарчигъаби,

Даимлис кавладая

Урк1базир миц1иртили!