Այբբենարանի հանդես - 2019

2019թ –ի այբբենարանի հանդես

1.Մեր դպրոցի և դասարանի մասին հեքիաթ:

2. մասնագիտություններ

3. Երգ – Բարի օր

4. Երբ դպրոց մտանք ամիսներ առաջ,

Մանուկներ էինք մենք անծանոթ իրար,

Իսկ հիմա արդեն աշակերտ ենք մենք

Հպարտ ասում ենք առաջինն ենք մենք:

Կա մի աշխարհ կախարդական

Եվ գեղեցիկ այդ աշխարհում

Երգն է հնչում երջանկության

Ու ծաղկում է հավերժ գարուն:

Թող որ մեզ նման բազում բալիկներ

Գարուններ գրկած, սիրո փունջ կազմած

Գրի, դպրության ու հավերժության

Լույս հաղթանակներ ամենուր նշեն:

ՈՒսուցիչ -Սիրելի΄ հանդիսատես, գիտակրթական բազմադարյան արժեք ունեցող հայերիս կյանքում այբբենարանի տոնը առանձնահատուկ նշանակություն ունի, քանի որ կրթության ոլորտում բացում է մտավոր նվաճումների նոր արշալույս: Ուստի եկեք մեր հանդեսը վարենք Հայ ասպետ մրցախաղի շրջանակներում, որտեղ Այբբենիկները կներկայանան ընկերական, տոնական խաղով:

/Պատին ցուցադրվում է Հայ ասպետ մրցախաղի սկիզբը/

Մեր ընտրել ենք կարմիր գույնը, որը խորհրդանշում է  Հայկական բարձրավանդակը, հայ ժողովրդի մշտական պայքարը հարատևման, քրիստոնեական հավատքի, Հայաստանի անկախության և ազատության համար։

Մենք ընտրել ենք կապույտ գույնը, որը խորհրդանշում է հայ ժողովրդի ապրելու կամքը խաղաղ երկնքի ներքո։

Մեր ընտրել ենք նարնջագույնը, որը խորհրդանշում է հայ ժողովրդի արարչական տաղանդը և աշխատասիրությունը:

Հաղորդավար -Կարմի΄ր թիմ, ներկայացե΄ք խնդրեմ

Դու ոսկետառ մեր այբուբեն,

Դու մաքրման հոգի հավերժ,

Դու դարեր ես գոյատևել,

ՈՒ դեռ դարեր պիտի ապրես:

Ինչքա~ն խորհուրդ ունես քո մեջ,

Ինչքա~ն տառեր,նկար սիրուն,

Ոտանավոր,պատմություններ,

Հանելուկներ պես-պես ,բազում:

Ես էլ Գրական ունկնդրում և խոսք առարկայի լեզվաբանն եմ, այբբենարանի ամենա҃, ամենա҃մտերիմն ու հարազատը:

Մեզ իրարից անջատել չեք կարող, որովհետև իմ մեջ են ոտանավորն ու հանելուկը, առակն ու հեքիաթը, առածն ու ասացվածքը, սուտասելուկն ու շուտասելուկը:

Մի խոսքով, Այբբենիկներն առանց մեզ չեն կարող խոսել ու գրել:

Ինձ ձեզ մոտ են ուղարկել Այբբենարանում տեղ գտած բնագրերի հեղինակները: Այդ լուսավոր մարդիկ իրենց գործերով ու խրատներով Այբբենիկների մեջ սերմանել են ազնվություն, ընկերասիրություն, աշխատասիրություն:

Կարմիր թիմի երգը – Բարև դպրոց, այբբենարան...

Հաղորդավար —Կապույտ թիմ, ներկայացե΄ք խնդրեմ

Ես Գիտունիկն եմ, մաթեմատիկայի ներկայացուցիչը:

-Ինչո՞ւ Գիտունիկ:

Մաթեմատիկա» բառը գալիս է հին հունարենից և թարգմանաբար նշանակում է «գիտելիք», «գիտություն»:

Մաթեմատիկան պետք է բոլորին: Մաթեմատիկայի միջոցով մենք հաշվում ենք, կռահում, տրամաբանում, լուծում, և չափում աշխարհի իրերն ու երևույթները:

Մեծ մտածող Ստենդալն ասել է.

«Մաթեմատիկան գիտությունների թագուհին է:Մի արհամարհեք մաթեմատիկան,քանզի նա կարող է ձեզ մեծ դարձնել»:

Մենք օգտագործում ենք արաբական թվանշաններ: Մենք գիտենք,որ թվերը գրի են առնվում, ընդամենը տասը նիշերի միջոցով, որոնք կոչվում են թվանշաններ:

Կա մի մեծ աշխարհ, որ կոչվում է թվաբանություն, որտեղ դու սկսում ես նոր ծանոթություն: Այդ աշխարհում ամեն մի թիվ, ունի մի պատմություն:Եվ իհարկե նաև հերթականություն:

Երգ – 1, 2, 3, 4...

Հաղորդավար –Նարնջագույն թիմ, ներկայացե΄ք խնդրեմ

Ողջո҃ւյն, ողջո҃ւյն բոլորին

Մեծերին ու փոքրերին

Ես ձեր հրաշք վրձինն եմ,

Կերպարվեստի ոգին եմ

Այբբենարան դասագրքին

Շունչ ու հոգի տվողն եմ:

Ողջո΄ւյն, ես Տեխնոլոգիա առարկայի ներկայացուցիչ Ոսկի Ձեռքերն եմ: Ես ունեմ անսպառ եռանդ, ուրույն ոճ և անսահման մտածելու հնարավորություն:

Այս մի քանի ամսում շնորհալի Այբբենիկների հետ այնքան բան ենք պատրաստել: Նույնիսկ աշխատանքներից մի քանիսը Այբբենարանի հանդեսին նվեր եմ բերել: Ահա դրանք/սեղանին է դնում մի քանի աշխատանքներ/:

Ողջո΄ւյն, ես Ֆիզկուլտուրա առարկայի ներկայացուցիչ Աթլետիկն եմ: Աթլետիկան սպորտի թագուհին է, սպորտի մայրը: Աթլետիկան բաղկացած է քայլքից, վազքից, ցատկերից և նետումերից:

Ես Ռիթմիկն եմ, եկել եմ երաժշտության աշխարհից: Տարվա ընթացքում իր գեղեցիկ ձայնով, բարեհամբույր ժպիտներով երաժշտության գաղտնիքները մեզ է փոխանցել մեր սիրելի ուսուցչուհին:

Երգել ու պարել,

Քանդել , կառուցել,

Նկարել, ջնջել,

Ցատկել ու նետվել,

Այս ամենը մենք

Սովորում ենք դպրոցում:

Երգ - Karaoke Arevner - Sovorenk marzvel

Դպրոցն է կյանքում հարազատ օջախ,

Նա է մեզ տալիս կրթություն և կյանք,

Նա է մեր ճամփին ծաղիկներ փռում,

Գիտության լույսով մեզ լուսավորում:

Իմ դպրոցը Կոստյա Մարդանյանի անվան թիվ 3 հիմնականն է՝ ամենալավը, ամենահարազատը:

Մեր դպրոցը, այո՛, ամենալավն է, որովհետև մեզ անսահման գիտելիքներ է տալիս:

Իմ դասարանը I բ դասարանն է, որտեղ ես իմ տանն եմ:

Հնչում է Հայ ասպետի երաժշտությունը