Аз а ,элп а Д.д ешаран урок конспект

Дешаран урок.

Чулацам : «Аз а, элп а Дд».

1алашо: жима а , доккха а элпаш д , Д довзийтар. Уьш шаьш а , дешдакъошкахь а деша 1амор.

Кхочушдан лерина жам1аш:

1 .Предметни: берашна девзар ду элпаш д ,Д . 1емар ду уьш ц1е яккха а , уьш долу дешнаш деша а.

2. Метапредметни:

• Регулятивни: берашна 1емар ду шайн белхан план х1отто , цуьнан рог1алла а ларъеш , кхиамаш баха. Берашна хуур ду шайн кхиамаш бовза , царех шайна хетарг д1аала, кхачамбацарш нисдан.

• Коммуникативни: берашна 1емар ду хьехархочун хаттаршна дуьззина а , доца а жоьпаш дала. Хуур ду вовшашца г1иллакхехь дистхила , накъосташна хетарг лерамца т1еэца. Шайна хетарг , масалашца т1еч1аг1дан.

• Познавательни: Берийн алсамдер ду тидаме хилар , ойлаяр. Берашна девзар ду керла дош. Гергара маь1на долу дешнаш лаха 1емар ду берашна.

3. Личностни: берийн алсамбер бу дешаре лаам. 1емар ду школехь лело деза г1иллакх. Берашна 1емар ду диканиг довза , шайн амалех и кхио.

Урок д1аяхьар.

1. Маршалла хаттар.

2. Дешаре шовкъ кхоллар.

• Кагделла дош нисдар.

-Бераш , вай долчохь хьошалг1ахь ю Дашо-Бика. Иза ч1ог1а дика йо1 ю. Цо вайна довзийта гуттар диканиг дош деанера . Амма Жоьра- Бабас иза кагдина. Шу кхоьрий жоьра бабех ? (Ца кхоьру).

-Цундела и дош нисдан деза вай.

ДИКЛААЛ

-Муьлха дош ду Дашо-Бикас деанарг? (Дикалла).

-Муха кхета шу цу дашах? (Берийн жоьпаш).

-Дикалла -иза адаман дика хилар , ша санна моссо садолх1ума оьшуш юй хууш цуьнан доладан хаар ду.

-Караде кху дешнашна юккъехь оцу дешан гергара долу дешнаш?

Диканиг , дика , дикалла.

-Муьлханиг ду церан цхьатера дакъа? (Дика).

-Дика -оцу дашах схьадевлла и дисина дешнаш. Церан орам уьш схьадеввла дош ду иза. Стенах схьадевлла и дешнаш? (Диканах).

-Муьлха аз хеза цу дашна хьалхахь? (Д).

-Муьлхачу элпаца билгалдо и аз йозанехь? (Д).

- Муха олу вай и?

- Х1ун 1амор ду вай тахана? (Берийн жоьпаш).

-Бераш вай тахана элпаш д,Д доьвзина а ца 1аш дика г1уллакхаш дан а 1амор ду.

3. 1алашо йовзийтар.

-Бераш , Дашо- Бика хьуьнхахь ехаш ю. Цигахь цуьнан дуккха доттаг1ий бу:тайп-тайпана олхазарш ду. Царна

Жуьра –Бабас хьуьнхара моссо о юу х1ума д1аяьккхина шен бозбанчаллица. Шоьгара г1о оьшу цунна и бозбанчалла д1адаккха. Х1окху зезагаш т1ехь ду т1едахкарш . Аша уьш дика кхочушдахь , и бозбанчалла д1а а яьлла хьуьнан бахархой дика бехар бу. Шу кийча дуй Жоьра-Баба эшо? (Ду).

-Цхьацца зезаг схьа а оьцуш, шаьш бен болх билгалбаккха. (Бераша шайн болх билгал а боккхуш , план х1оттайо).

-Вай , тахана 1амор ду элпаш д, Д; ша –ша , дешдакъошкахь, дешнаш юккъахь а деша. Дуккха а дика г1уллакхаш а дийр ду вай.

• Ловзар : «Дог1у дош ала!».

-Бераш , аса д1айоьшур ю кегийра байташ. Аша т1етоха оьшу дош.

Кхера хьо ма лолахь, къиг,

Гича дечиг доккху.... (Диг).

• Абатан 48 аг1он т1ехь болх бар.

• а) сурт т1ехь йолу х1умнийн ц1ераш яхар(диг, седа, бад)

• б) д элпан меттиг къастор

• I-тоба «Малх»- с юьххьехь долу дешнаш;

• II-тоба «З1аьнарш»- с юккъехь долу дешнаш;

• III-тоба«Седа»- с йистехь долу дешнаш лоху.

• в) дешдекъош дешар да-ад ду-уд до-од ди-ид,

• тидам бар муьлхачу мукъа элпана хьалха к1еда олу,муьлхачу –ч1ог1а

• г) сурт т1ехь болх бар

-Сурт т1ехь ерг мила ву.? Д элп хьалха долу ц1е тилла (Дауд и т. д)

- Дадий, Дауддий х1ун деш ву? Х1унда оьшу дитташ ден?

- Х1ун декхарш ду вайна Дала т1едиллина?(9 дитт ден, ц1а дан, бераш кхиор)

5. Сада1аран миноташ.

Халаг1овта, дег1 нисде.

Куйгаш нийсса ирхдахийта,

Аьрзу хилий, д1асадахийта,

Хьалха лаца нийса д1а,

Парг1ат хеца уьш охьа.

Юх-юха а изза де.

Охьаховша, дег1 нисде.

6.1амийнарг т1еч1аг1дар.

Дешнаш дешар, маь1нех кхетор

7. Жам1 дар.

-Муьлха элп девзи шуна? (Тхуна девзи жима а , доккха а элпаш д,Д).

-Муьлха аз билгалдо Д элпо? (Аз (Д) билгалдо).

-Аз (Д) мукъа ду я мукъаза ду? (Мукъаза ).

-Даладе масалаш элп Д хьалхахь долуш.

- Х1ун декхарш ду вайна т1ехь?

-Муха хетта шуна, г1о диний вай Дашо Бикийна?

8. Рефлекси.

-Х1ун кхиамаш бехи аша?