Ազգային Խորհրդի պատմությունից

Առաջին Ազգային Խորհրդի պատմությունից

ՀՀ ԱՌԱՋԻՆ ՀԱՆՐԱՊԵՏՈՒԹՅԱՆ ԴՐՈՇԸ ԵՎ ԶԻՆԱՆՇԱՆԸ

Հայաստանի զինանշանի կենտրոնական մասում՝ վահանի վրա, պատկերված են հայկական չորս թագավորական տոհմերի՝ Արտաշեսյանների, Արշակունիների, Բագրատունիների և Ռուբինյանների (Կիլիկյան թագավորություն) զինանշանները։ Դրանք բոլորում են բիբլիական Արարատ լեռան պատկերը, որի գագաթին ուրվագծվում է Նոյյան տապանը։

Վահանի երկու կողմից պատկերված են առյուծ և արծիվ, որոնք խորհրդանշում են ոգու, իշխանության, աննկունության և արիության ուժը։ Ներքևում պատկերված սուրը խորհրդանշում է հայ ժողովրդի պայքարը հանուն ազատության և անկախության, փետուրն ու հասկերը՝ հայ ժողովրդի ստեղծարար տաղանդը և խաղաղասիրությունը։

Հայաստանի զինանշանի հեղինակներն են նկարիչ Հակոբ Կոջոյանը և ճարտարապետ Ալեքսանդր Թամանյանը։

ՀՀ ՊԵՏԱԿԱՆ ՕՐՀՆԵՐԳ

«Մեր հայրենիք», Հայաստանի ազգային օրհներգը։ Ընդունվել է 1991 թվականի հուլիսի 1-ին և հիմնված է Առաջին Հանրապետության օրհներգի վրա՝ տեքստի չնչին փոփոխություններով։ Հիմնի տեքստը վերցված է Միքայել Նալբանդյանի «Իտալացի աղջկա երգը» բանաստեղծությունից։ Այն առաջին անգամ հնչել է 1885թ. մարտի 15-ին, որպէս Թիֆլիսի «Արծրունի» թատրոնում կայացած հայ առաջին քառաձայն համերգի առաջին երգը[1]։ Հետագայում այն մշակել է նաև Բարսեղ Կանաչյանը։

ՀՀ ԱՌԱՋԻՆ ՀԱՆՐԱՊԵՏՈՒԹՅԱՆ ԽՈՐՀՐԴԱՐԱՆԻ ՇԵՆՔԸ

1918-1920 թթ. Հայաստանի առաջին Հանրապետության խորհրդարանի (պառլամենտի) շենքն է, իսկ մինչ այդ այս շենքում տեղակայված է եղել Ա. Բունիաթյանի թատրոնը: Այն գտնվել է ներկայիս Վ. Սարգսյանի փողոց, շենք 7 հասցեում՝ «Արմենիա» հյուրանոցից դեպի ներքև:

Հովհաննես Քաջազնունի

Հովհաննես Մաթևոսի Քաջազնունի (Տեր-Հովհաննիսյան) (Փետրվարի 1, 1868, Ախալցխա - 1938, Երևան), հայ ականավոր քաղաքական գործիչ, Անդրկովկասյան սեյմի անդամ, Հայաստանի առաջին հանրապետության առաջին վարչապետ։ Եղել է նաև ճարտարապետ, ով մեծ հետք է թողել Բաքվի, իսկ այնուհետև նաև Հայաստանի ճարտարապետության վրա։

Հ. Քաջազնունին իր աշխատասեն յակում

Հ. Քաջազնունին մեկնել էր ԱՄՆ՝ օգնություն խնդրելու, որի ընթացքում լուծում էր նաև կրթական որոշ խնդիրներ, որպեսզի հայ երեխաները կարողանային սովորել Հարվարդի համալսարանում:

Ավետիք Սահակյան

• Հայ բանաստեղծ, արձակագիր, հասարակական գործիչի համար՝ տես Ավետիք Իսահակյան
• Ավետիք Հովհաննեսի Սահակյան (1864-1933), հասարակական քաղաքական գործիչ, 1918 թվականին Հայաստանի Դեմոկրատական Հանրապետության առաջին խորհրդարանի նախագահ։

Ավետիս Ահարոնյան

Ավետիս Ահարոնյան Առաքելի (հունվարի 9, 1866, Իգդիր, Ռուսական կայսրություն - ապրիլի 20, 1948, Փարիզ, Ֆրանսիա), հայ հասարակական–քաղաքական գործիչ, գրող։ Մեծ ջանքեր է գործադրել Հայկական հարցի հետամտման, Հայաստանի առաջին հանրապետության կայացման համար։ Նրա գրական ստեղծագործությունները 19-րդ դարի վերջի և 20-րդ դարի սկզբի հայ հեղափոխական սերնդի ներշնչման ու պայքարի աղբյուր էին։

Ալեքսանդր Խատիսյան

Ալեքսանդր Խատիսյան (փետրվարի 17, 1874, Թիֆլիս, Ռուսական կայսրություն - մարտի 10, 1945, Փարիզ, Ֆրանսիա), հայ քաղաքական գործիչ և լրագրող, Հայաստանի առաջին հանրապետության առաջին արտաքին գործերի նախարար և երկրորդ վարչապետ, շուրջ 7 տարի եղել է Թիֆլիսի քաղաքապետ։

Ինքնակառավարման, բժշկության, տնտեսության ու մշակույթի մասին բազմաթիվ հոդվածների և հայերենից թարգմանությունների հեղինակ է։