Баланын уйдо окуусуна шарт тузуу

ꓬйдө окутуу

Балдардын үй тапшырмаларын аткаруусунда же окуу боюнча өткөрүлгөн иш – чараларда ата – энелердин катышуусу абдан маанилүү. Бул жагдай окуучулардын эки тараптуу – мектептен жана үй – бүлөсүнөн – колдоо алуу мүмкүнчүлүгүн жогорулатат. Мектептер окуучулардын окуу көндүмдөрүн өздөштүрүүгө байланыштуу иш – чараларды, чечимдерди, окуучуларга үй тапшырмаларын аткарууда кандай жардам берүү тууралуу маалыматтарды жана идеяларды сунуштоо аркылуу ата – энелердин үйдө окутуусуна колдоо көрсөтө алышат.

Бул иштин багыттарынын мисалдары:

• Үйдө ата – энелер балдары менен биргелешип китеп окуусу;

• Ата – энелерге китеп менен Окуганга чейин – Окуу учурунда – Окугандан кийин кандай иштөө керектиги тууралуу маалымат берүү;

• Ата – энелер жана окуучулар үчүн таркатма материалдарды даярдап берүү;

• Ата – энелердин катышуусу менен мектептерде окуу боюнча иш – чараларды пландаштырып өткөрүү.

ꓬйдө окутуунун жыйынтыгында:

• окуучулар үй тапшырмаларына, класстык иштерге байланыштуу окуу көндүмдөрүн жана аларды текшерүүнүн натыйжаларын жакшырта алышат;

• үй тапшырмаларын ар дайым жана саппаттуу аткарышат. Балдардын мектеп иштерине карата позитивдүү мамилеси өнүгөт;

• ата – энелер балдарды үйдө кантип шыктандыруу, аларга кандай колдоо көрсөтүп, кандай жардам берүү керектигин үйрөнүшөт;

• мугалимдер да натыйжалуу үй тапшырмаларын иштеп чыгышат, үй – бүлөлөргө колдоо көрсөтүүдөн ырахат алышат.